Daniel 6:2 - O Debleskro Lab 2024 (Sinte-Manouche)

² Oun an leskre yaka his lačo, te čivas lo 120 (sheel-te-biish) pralstunen pral i tsele themma, kay yob o ray his.

O Debleskro Drom 2021 (Sinte)

² Un an leskre jaka his latcho, te tchiwas lo 120 (sheel-te-biish) pralstunen pral i tsele themma, kai job o rai his.

Daniel 6:2 Iomraidhean Croise

Esra 4:22

Denn yak, te krenn kova sik, te vell kek doosh pral maro them, oun te nashrap kek love.

Ester 7:4

Mer vam bikedo, me oun mire menshe, te vas mer maredo, yaake te ačell kek mendar djido. Te vams mer kokres bikedo, morsha oun djouvya, te vas ginle boudepangre, kroms miro mouy gar pre. Kova vals gar phares doha, te vap koleha pash o baro rayeste.”

Gosewe laba 26:6

Kova, kay i dinelo bičepaskres bičrell, kova hi har yek, kay dell peske kokres i herya tele oun rhal dava.

Gosewe laba 3:16

An peskro čačo vast, rikrell o gosvepen i lengsto djipen touke, peskro servo vasteha dell lo tout bravlepen oun raylepen.

Daniel 5:16

Toutar shounom, te nay peneh tou, hoy kova kamell te penell, oun te nay čakreh tou pre, hoy kek djinell. Hayveh tou kanna kol laba te draverell, hoy kote činlo hi oun nay peneh mange, hoy kolla kamenn te penell, palle veh tou rido an rayengre lole koola, oun leh koy pashel i sonakaskri verkli troul tiri meen. Oun tou veh o triinto pralstouno an miro them.”

Daniel 5:29

Har o Daniel kol laba rakras, penas o Belsazar, te rivenn le les an lole rayengre koola, oun čivenn leske i sonakaskri verkli troul leskri meen. Oun yob hadas les, te vell lo o triinto pralstouno an o rayeskro them.

Daniel 5:7

Oun o baro ray das zoryah gole oun penas, te anenn le i dravepangren pash leste, ninna kolen, kay an i bolepangre momlia draverenn oun kolen, kay i moulen poučenn. Oun yob moukas kol siklenge dran o foro Babilon te penell: “Hakeno, kay nay draverella, hoy koy činlo hi, oun mange nay penella, hoy kova kharella, kova vell rido an rayengre lole koola, oun lell koy pashel i sonakaskri verkli troul peskri meen. Oun yob vell o triinto pralstouno an miro them.”

Daniel 6:1

Oun o Darius, ko Medari, vas o nevo baro ray. Oun yob his 62 (shob-deesh-te-douy) bersha, har vas lo baro ray.

Mateo 18:23

Me kamau te sikrap t'mende har pash kolende hi, kay djan ap o Debleskro drom. O Devel an o bolepen hi har i baro ray. Kova moukell peskre boudepangren glan peste te anell, te lell lo lendar kol love, hoy yon leske khetne anan dran pengri boudi.

Louka 16:2

moukas lo les gole te dell, oun penas ap leste: Hoy shounom me pral toute? Sike mande kol lila, hoy dren činlo hi, har boud love tou dren lal! Tou nay deh bouder gar ap miro bravlepen garda!

1. Korintarja 4:2

Oun i boudepaskro hounte krell peskri boudi mishto.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.