Daniel 6:17 - O Debleskro Lab 2024 (Sinte-Manouche)

¹⁷ Kote moukas o baro ray o Danieles te anell, oun moukas les an i grouba dren te vitsrell pash i leve, oun penas ap leste: “Ko Devel, kones tou hako tsiro an-mangeh, kova te lell tout kanna koy vin!”

O Debleskro Drom 2021 (Sinte)

¹⁷ Kote mukas o baro rai o Danieles te anell, un mukas les an i gruba dren te witsrell pash i lewe, un penas ap leste: “Ko Dewel, kones tu hako tsiro an-mangeh, kowa te lell tut kanna koi win!”

Daniel 6:17 Iomraidhean Croise

Hiob 5:19

Hako kopo, kay perell i bibarht ap toute, lell lo tout vin. Oun kek čilačepen nay taprell tout an.

Jeremia 38:5

Kote penas o baro ray Sedekya ap lende: Ake, krenn leske, hoy kamenna! Man hi či penepaske pash t'mende.

Ropaskre gilja 3:53

Yon vitsran man djides an i brounna, oun vitsran barra ap mande.

Bičepangre 12:4

Har yon les tapran, vitsran le les an o stilepen. Oun o Herodes penas, te denn star kope star lourde yak ap leste. Star lourde dan i paash dives yak ap leste. Oun pal i paash dives dan vavar star lourde yak ap leste. Oun ninna yaake djas kova ratsyakro. Pal kol divessa, kay Passa kharenna, kamas o Herodes les glan i menshende te anell, te dell lo les glan lende i phagi.