Daniel 6:13 - O Debleskro Lab 2024 (Sinte-Manouche)

¹³ Oun yon djan pash o baro rayeste oun rakran leha pral ko lab, hoy moukas lo vin gole te dell, oun penan: “Maro baro ray, moukal tou gar save laba pre te činell, oun čival tiro lab koy tele, te vell hakeno pash i leve an i grouba vitsedo, kay mangell an kal triyanda (30) divessa, hoy venn, i vavarestar čomone oun gar toutar, te vals i deblestar har ninna i menshestar?” Oun o baro ray penas: “Ava, kova hi čačo. Oun ko lab hi gar pale te lell. Yaake hi o čačepen pash i Medarya oun i Persarya.”

O Debleskro Drom 2021 (Sinte)

¹³ Un jon djan pash o baro rajeste un rakran leha pral ko lab, hoi mukas lo win gole te dell, un penan: “Maro baro rai, mukal tu gar sawe laba pre te tchinell, un tchiwal tiro lab koi tele, te well hakeno pash i lewe an i gruba witsedo, kai mangell an kal trijanda (30) diwessa, hoi wenn, i wawarestar tchomone un gar tutar, te wals i deblestar har ninna i menshestar?” Un o baro rai penas: “Awa, kowa hi tchatcho. Un ko lab hi gar pale te lell. Jaake hi o tchatchepen pash i Medarja un i Persarja.”

Daniel 6:13 Iomraidhean Croise

Ester 3:8

Koy pal penas o Haman ap o baro rayeste Ahasveros: “Kate denna menshe, kay djivenn penge kokres mank i tsele vavar menshende kate te kote an tire tsele themma. Oun len hi i vavar čačepen har i tsele vavar menshen. Oun ap kova, hoy tou, baro ray, peneh, te vell kerdo, shounenn le gar. Kova hi gar mishto touke, te moukess len yaake doureder te krell.

Daniel 1:6

Mank kol vi-rodede terne morshende dran o them Youda his: O Daniel, o Hananya, o Mishael oun o Asarya.

Daniel 2:25

Kote anas o Aryok o Danieles sik pash o baro rayeste oun penas ap leste: “Me hatsom i morshes mank kolende, kay van pandlo dran o them Youda kate anlo. Kova nay penell touke, miro baro ray, hoy tiri souni kamell te penell.”

Daniel 3:11

Oun kova, kay vitsrell pes gar glan late tele oun mangell lat gar an, kova hounte vell an i bobeskri yag vitsedo.

Daniel 3:12

Oun kate hi biboldengre morsha, hoy tou dren čival an pengri boudi, te venn le pralstoune an o them Babilonia. Kolla krenn gar, hoy tou penal, oun sharenn tiro debles gar oun mangenn koy figura gar an, hoy tou moukal pre te čivell. Kolla hi o Shadrak, o Meshak oun o Abed-Nego.”

Daniel 3:8

An ko tsiro van Babilonarya oun phoukran ap i biboldende.

Daniel 5:13

Oun o Daniel vas glan o baro rayeste anlo. Oun o baro ray poučas lestar: “Hal tou o Daniel, yek kolendar, kay o baro ray, miro dad, pandles dran o them Youda peha anas?

Bičepangre 17:7

oun djivenn pash o Yason. Yon krenn gar, hoy o baro ray an o foro Rom lenge penella, oun penenn: I vavar hi o baro ray. Leskro lab hi Yezous.”

Bičepangre 5:29

O Petro oun i vavar Yezouseskre bičepangre penan: “Mer hounte shounas ap o Debleste boudeder har ap i menshende.