Daniel 5:30 - O Debleskro Lab 2024 (Sinte-Manouche)

³⁰ An kay rat vas o Belsazar, ko baro ray pral o them Babilonia, maredo.

O Debleskro Drom 2021 (Sinte)

³⁰ An kai rat was o Belsazar, ko baro rai pral o them Babilonia, maredo.

Daniel 5:30 Iomraidhean Croise

Jesaja 47:9

Vell i dives, kay vell kova lauter pral toute: Tou nashreh tiro romes, oun tire čave hi moulo. Kova vell sik oun zoreles ap yek dives pral toute, ninna te djineh boud dravepangre laba pre te penell, hoy te rikrenn i bibarht dour toutar, oun kral boud bengeskro koova.

Jeremia 50:24

Me čivom dorya pral tiro drom, te peress dren, Babilon, oun sikeder har tou dikal, moukal tout te taprell. Pral mande, o baro Debleste, hadal tout. Doleske val tapedo oun pandlo.

Jeremia 51:11

I Babilonarya kran o baro Debleskro kheer paash. Doleske las pes o baro Devel glan, te phagell lo o foro Babilon tele. Yob das i rayende dran o them Media boud zoor an lende, te djan le ap o foro Babilon pre. Činenn t'mare fayle! Lenn t'mare sasterne bečeskre patria an o vast!

Jeremia 51:31

Bičepangre venn haki rigyatar, yek pal o vavar, te penenn le o baro rayeske pral o foro Babilon: “Tiro foro vas dren lino haki rigyatar.

Jeremia 51:39

Len hi bari bok – oun me krau lenge i rhapen, oun krau, te piyenn le pen mates, oun lenge hi halauter sapaske. Palle sovenn le dren hako tsireske, oun stenn bouder gar pre. Kova penell o baro Devel.

Jeremia 51:57

O baro Devel penell: Me krau len mato, kol pralstunen an Babilon, kol goseve morshen, themeskre rayen, pralstoune lourden, oun kol vavar lourden an Babilon, te perenn le an i sopen, kolestar yon bouder gar pre stenn. Kova penell o baro ray, koleskro lab hi: baro Devel, ko ray pral o bolepen oun i phoub.

Amos 6:7

Doleske venn t'mer i glanstoune kolendar, kay venn pandles krik anlo. T'maro shoukar djipen oun pipaskro tsiro hi trouyel.