Daniel 5:20 - O Debleskro Lab 2024 (Sinte-Manouche)

²⁰ Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

O Debleskro Drom 2021 (Sinte)

²⁰ Har hadas pes leskro dji, un was job jaake pre-phurdo, te rikras lo glan tchi buder pale, was lo tele witsedo peskro rajeskro beshepaskri. Un o rajeskro barepen was lestar krik lino.

Daniel 5:20 Iomraidhean Croise

2. Rajengro liil 17:14

Yon kaman gar te shounell, oun pandan pengre djia har lengre phoure ninna kran, kay patsan gar lengro baro Debles.

2. Familjakro liil 32:25

Har o Hiskiya sasto vas, vas lo pre-phourdo oun das o baro Debleste ko lačepen gar pale, hoy kova ap leste kras. Doleske vas o baro Devel rhoyedo pral leste oun pral o them Youda oun pral o foro Yerusalem.

2. Familjakro liil 36:13

Ninna te hounte das yob pes sovel glan o Debleste, te rikrell lo pes ap o baro rayeste pral o them Babilonia, o Neboukadnezar, peras lo kolestar tele, oun shounas bouder gar ap leste. Oun yob djas pal peskro shero oun kras peskro dji har i bar, oun vas bouder gar pale pash o baro Debleste, kay o Israeleskro Devel hi.

2. Mose 18:11

Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

2. Mose 9:17

Tou patseh, tou nay kreh mire menshentsa, hoy kameh, oun moukeh len gar te djal.

2. Mose 9:7

Oun o Farao bičras morshen pash lende, te dikenn le palla, hoy i Israeltikre firhentsa hi. Oun har kolla koy his, dikan le, te meras pash lende kek lengre firhendar. Ninna kava kopo ačas o Faraeskro dji pandlo oun yob moukas i Israelitaryen gar te djal.

Gosewe laba 16:18

Koon pes bares krell, vell phagedo. Oun i pre-phourdo mensho perell.

Gosewe laba 16:5

O baro Devel dikell rhoyedes ap hakeneste, koles i pre-phourdo dji hi. O vast pre, kova lell peskri phagi.

Jesaja 47:1

Tele t'mentsa, t'mer Babilonarya, t'mer, pral kolende bis kanna kek o zorleder his! Beshenn t'men an i čik! T'mer dran o them Kaldea hans beshdo har i rayetsa ap peskri beshepaskri. Kanna besh tout ap i phoub! Toutar penell kek bouder: Babilon, koy shoukar čay oun Babilon, koy rayli.

Jeremia 13:18

Pen o baro rayeske oun leskri dake: Avenn tele t'mari beshepaskri! I rayli rayeskri stadi peras t'maro sherestar tele.

Jeremia 19:15

O baro Devel, o ray pral o bolepen oun i phoub, kay o Israeleskro Devel hi, penell: I menshe an Yerusalem oun an i gaba oun forya trouyel pandan pengre djia, oun kamenn mire laba gar te shounell. Doleske anau pral lende koy tseli bibarht, hoy lenge glan-vi penom.

Jeremia 48:18

T'mer an o foro Dibon, kay han pre-phourdo pral t'maro raylepen, djan tele oun beshenn t'men an i čik! Kolla, kay phagan i vavar forya an o them Moab khetne, venn pash t'mende, oun krenn t'mare zorele khera paash.

Ezekiel 30:6

Kava penell o baro Devel: Halauter venn maredo, kay o themeske Egiptia ap i rig van. Leskro pre-phourdepen oun leskri zoor venn phagedo. An o tselo them mank o foro Migdol oun o foro Syene venn le o rhareha moulo dino. Yaake penell kova o baro Devel, maro ray.

Ezekiel 31:10

Doleske penell o baro Devel, maro ray: Ko rouk vas yaake baro, bareder har i vavar rouka, oun leskro dji phourdas pes pre dran leskro barepen.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 4:26

Har 12 (deesh-te-douy) čonna trouyel his, oun yob pral ap peskro kheer an o foro Babilon trouyel djas,

Daniel 4:28

Oun har kol laba gomme an leskro mouy his, vas i rakepen dran o bolepen oun penas: “Touke, baro ray Neboukadnezar, vell penlo: Tiri rayeskri zoor oun tire themma hi toutar krik lino.

Daniel 8:8

Oun koy morsh bouzni vas bareder oun bareder. Oun har koy bouzni yaake zorelo vas, phagas ko yek shing tele, oun star vavar shinga van kote vin, kay glanstounes ko yek his. Oun hako shing sikras ap i vavar rig: glan oun pal, čačes oun serves.

Louka 18:14

Oun o Yezous penas: “Me penau t'menge: O Devel dikas ap kaleste, oun his leske lačo oun gar ko vavareske. Kova, kay pes bares krella, koles sharell o Devel gar. Oun kova, kay pes gar bares krella, koles krell o Devel bares.”

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.

1. Samuel 6:6

Ma pandenn t'mare djia, te venn le har bar, har kran kol Egiptarya oun lengro baro ray, o Farao! Hi kova gar yaake? Har sikras o baro Devel peskri zoor ap lende, hounte moukan le i Israelitaryen te djal.