Daniel 5:19 - O Debleskro Lab 2024 (Sinte-Manouche)

¹⁹ Doleske daran oun trissan i menshe dran hako them oun rakepen lestar. Oun yob maras, yaake har yob kamas, oun moukas koles te djivell, kones yob kamas, te ačell lo djido. Yob hadas menshen oun kras vavaren tikno, yaake har leske shoukar his.

O Debleskro Drom 2021 (Sinte)

¹⁹ Doleske daran un trissan i menshe dran hako them un rakepen lestar. Un job maras, jaake har job kamas, un mukas koles te djiwell, kones job kamas, te atchell lo djido. Job hadas menshen un kras wawaren tikno, jaake har leske shukar his.

Daniel 5:19 Iomraidhean Croise

2. Rajengro liil 25:28

Oun o Evil-Merodak rakras kamles leha, oun hadas les pral kol vavar raya, kay pash leste his an o them Babilonia.

Gosewe laba 16:14

I baro ray, kay rhoyrell pes, nay bičrell yekes an o merepen. Oun i gosevo morsh krell lauter, te bistrell yob peskri rholi.

Sikepaskro 8:3

Ma djan sik lestar krik! Ma krenn, hoy djoungeles hi glan leskre yaka! O baro ray nay krella, hoy yob kamella.

Ezekiel 31:11

Doleske dom me les an o vast o zorleder i tsele rayendar, te djal kova leha yaake trouyel, te krell lo leha pal leskro čilačepen. Me vitsrom les mandar.

Daniel 11:12

oun maredo. Fothe phourdell pes o baro ray pral o them Egiptia pre, oun marell zerya oun zerya, ačell lo gar yaake zoreles.

Daniel 11:16

Oun ko baro ray dran o them Syria krell lentsa, hoy yob kamell. Oun kek nay ačell glan leste tardo. Oun yob peskre lourdentsa vell ninna an o raylo them, oun stakrell les khetne.

Daniel 11:3

Palle stell i zorelo baro ray pre, koles boud penepaske hi. Kova krell, hoy yob kamell.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

Daniel 3:4

Oun yek, kay vin gole dell, hoy o baro ray kamella, stas pre oun das gole: “Menshale dran hako them oun rakepen, shounenn, hoy o baro ray t'menge penell:

Daniel 3:6

Oun kova, kay vitsrell pes gar tele oun mangell koy figura gar an, kova vell sik lino oun an i bobeskri yag vitsedo.”

Daniel 4:17

Ko rouk, koles tou dikal, kova, kay baro oun zorelo vas, – yaake baro, te djas lo bis ap o bolepen, oun koles hakeno nay dikas, kay lo ninna his ap kay phoub,

Daniel 4:19

kova hal tou, miro baro ray. Tou hal yaake baro oun zorelo. Oun tiri zoor hi baro oun djal bis pash o bolepen, oun tou val o ray pral i tseli phoub.

Daniel 4:22

Tou veh pale-čiddo oun hounte djivess pash i firhende oun bouder gar mank i menshende. Yon denn tout khass te rhal har i groumyen. Oun tou čiveh tout vin tele. Oun o brishin perell ap toute tele oun krell tout sapenes. Oun efta bersha djan yaake trouyel, bis te tou hayveh, te hi o pralstouno Debles i tsele rayengre themma an peskro vast, oun yob dell kol themma koleste yob kamell.

Habakuk 2:5

O bravlepen rhorhell o menshes. O pre-phourdo mensho ačella gar, ninna te krell lo peskro mouy dour pre, har ko moulengro them, hoy vell gar čalo, ninna te lell lo yek them pal o vavar peske dren.

Johanni 19:11

Penas o Yezous: “Tout vals kek zoor pral mande, te dals tout o Devel koya gar. Doleske hi koles, kay das man an tire vasta, bareder doosh har tout.”

Remarja 13:1

Hakeno hounte shounell ap i pralstunende, kay hi len penepaske pral o them. I tsele themengre pralstoune lan pengri zoor o Deblestar. O Devel čivas len an pengri boudi.

Debleskro tsiro 5:9

Oun yon givenn i nevi gili, oun penenn: Tou hal moldo, te less ko liil, oun te kress ko liil pre. Tou val maredo, oun playsral tiro rateha, te giness menshen tiro Debleske. Kolla venna dran hako them, haki natsyona, haki harmenatsyona oun hako rakepen.