Daniel 5:1 - O Debleskro Lab 2024 (Sinte-Manouche)

¹ Oun o baro ray Belsazar kras i baro rhapen peskre yek-sero (1.000) bareder morshenge. Khetne lentsa piyas lo mool.

O Debleskro Drom 2021 (Sinte)

¹ Un o baro rai Belsazar kras i baro chapen peskre jek-sero (1.000) bareder murshenge. Khetne lentsa pijas lo mool.

Daniel 5:1 Iomraidhean Croise

1. Mose 40:20

Ap o triinto dives his o dives, kay vas o baro ray i bersh phoureder. Oun yob kras i baro rhapen kol tsele pralstunenge, kay leske boudran, oun moukas kol douyen, ko pralstounes pral o pipen oun o pralstounes pral o maro, dran o stilepen vin.

Ester 1:3

Har yob o triinto bersh o baro ray his, kras yob i baro festo i tsele pralstunenge oun barenge: kolenge, kay his pralstoune pral kol boud lourdende an i themma Persia oun Media, ninna kol bravelenge oun themeskre rayenge dran peskre tsele themma.

Jesaja 22:12

Oun ap ko dives das o baro Devel, ko ray pral o bolepen oun i phoub gole: “Rovenn oun denn gole, činenn t'menge i balla tele, oun rivenn t'men an ripya dran gone, te sikrenn, kay khaytell t'men t'mari doosh!”

Jesaja 22:14

Ap mande penas o baro Devel, ko ray pral o bolepen oun i phoub: “Kaya doosh vell lendar gar krik lino yaake rah har djivenn le.”

Jeremia 50:35

O baro Devel penell: O rharo mou vella pral o them Babilonia, oun pral o foro Babilon peskre pralstunentsa oun goseve morshentsa!

Jeremia 51:39

Len hi bari bok – oun me krau lenge i rhapen, oun krau, te piyenn le pen mates, oun lenge hi halauter sapaske. Palle sovenn le dren hako tsireske, oun stenn bouder gar pre. Kova penell o baro Devel.

Jeremia 51:57

O baro Devel penell: Me krau len mato, kol pralstunen an Babilon, kol goseve morshen, themeskre rayen, pralstoune lourden, oun kol vavar lourden an Babilon, te perenn le an i sopen, kolestar yon bouder gar pre stenn. Kova penell o baro ray, koleskro lab hi: baro Devel, ko ray pral o bolepen oun i phoub.

Daniel 5:30

An kay rat vas o Belsazar, ko baro ray pral o them Babilonia, maredo.

Nahum 1:10

T'mer han či har soubyengre kashta, hoy či-moldo hi, oun hoy an i yag vitsedo venn, oun pre-rhačenn har trouk phouss, te ačell či lendar pral.