Daniel 4:6 - O Debleskro Lab 2024 (Sinte-Manouche)

⁶ “Beltsazar, tou pralstouno pral i tsele siklende, djinau, te hi o dourho i bolepangre deblendar an toute, oun touke hi či khatedo. Yaake pen mange, hoy miri souni kamell te penell!”

O Debleskro Drom 2021 (Sinte)

⁶ “Beltsazar, tu pralstuno pral i tsele siklende, djinau, te hi o ducho i bolepangre deblendar an tute, un tuke hi tchi khatedo. Jaake pen mange, hoi miri suni kamell te penell!”

Daniel 4:6 Iomraidhean Croise

2. Mose 7:11

Kote moukas o Farao i goseve morshen oun i dourkepangren gole te dell. Oun kol egiptikre dourkepangre kran emligo koova an pengri zoor.

Jesaja 8:19

Nay vell, te penenn i menshe t'menge: “Poučenn kolen, kay i moulentsa rakrenn, oun poučenn i dravepangren, kolla, kay rakrenn lokes glan pende.” Ap kolende penenn: “Hounte poučenn gar i menshe pengro debles? Poučenn le i moulen i djidenge?”

Daniel 1:17

Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

Daniel 2:2

Oun o baro ray moukas khetne te kharell i tsele dourkepangren oun dravepangren, kolen, kay bengeskro koova krenn oun kolen, kay an i bolepangre momlia draverenn. Yon hounte penan leske, hoy leskri souni kamell te penell. Oun yon van oun his tardo glan leste.

Daniel 2:48

Oun o baro ray kras o Danieles baro, oun das les boud kouč koova. Oun yob čivas les pral o tselo them Babilonia, oun das les penepaske koy pral oun kras, te vell lo o pralstouno pral i tsele sikle morshende an o them Babilonia.

Daniel 4:15

Kava hi koy souni hoy his man, o baro rayes Neboukadnezar. Oun tou, Beltsazar, pen mange, hoy koy souni kharell! I tsele sikle morsha an mire themma nay penan mange gar, hoy yoy kharell. Tou kokres hayveh kova. An toute hi o dourho o bolepangre deblendar.”

Daniel 5:11

Koy hi i morsh an tiro them, an koleste hi o dourho i bolepangre deblendar. An kol divessa, har tiro dad o baro ray his, sikras pes, kay an leste yaake boud gosvepen hi har i deblen hi. Yob hayvell oun djinell, hoy kek vavar hayvell oun djinell. Oun tiro dad Neboukadnezar čivas les pral i tsele dourkepangre oun dravepangre oun pral kolende, kay an i bolepangre momlia draverenn, oun kay i moulen poučenn.

Daniel 5:7

Oun o baro ray das zoryah gole oun penas, te anenn le i dravepangren pash leste, ninna kolen, kay an i bolepangre momlia draverenn oun kolen, kay i moulen poučenn. Oun yob moukas kol siklenge dran o foro Babilon te penell: “Hakeno, kay nay draverella, hoy koy činlo hi, oun mange nay penella, hoy kova kharella, kova vell rido an rayengre lole koola, oun lell koy pashel i sonakaskri verkli troul peskri meen. Oun yob vell o triinto pralstouno an miro them.”