Daniel 4:22 - O Debleskro Lab 2024 (Sinte-Manouche)

²² Tou veh pale-čiddo oun hounte djivess pash i firhende oun bouder gar mank i menshende. Yon denn tout khass te rhal har i groumyen. Oun tou čiveh tout vin tele. Oun o brishin perell ap toute tele oun krell tout sapenes. Oun efta bersha djan yaake trouyel, bis te tou hayveh, te hi o pralstouno Debles i tsele rayengre themma an peskro vast, oun yob dell kol themma koleste yob kamell.

O Debleskro Drom 2021 (Sinte)

²² Tu weh pale-tchiddo un hunte djiwess pash i viechende un buder gar mank i menshende. Jon denn tut khass te chal har i grumjen. Un tu tchiweh tut win tele. Un o brishin perell ap tute tele un krell tut sapenes. Un efta bersha djan jaake trujel, bis te tu haiweh, te hi o pralstuno Debles i tsele rajengre themma an peskro wast, un job dell kol themma koleste job kamell.

Daniel 4:22 Iomraidhean Croise

1. Mose 11:4

Oun yon penan: “Avenn, mer krah menge i foro oun i baro kheer, hoy djal an o bolepen. Yaake sikrah hakeneske, har baro mer ham. Oun mer ačah khetne an ko them.”

1. Mose 28:12

Koy das lo souni: Yob dikas i treppa ap i phoub tardo. Koya djas bis an o bolepen. Oun o Debleskre bolepangre djan pre oun tele.

2. Samuel 12:7

“Tou hal ko morsh”, penas o Natan ap leste. “Oun kova penell o baro Devel, o Devel pral o Israel: Me makom tout djeteha, te vess baro ray pral o Israel. Me lom tout dran o Sauleskre vasta vin,

2. Familjakro liil 28:9

Kote djivas i Debleskro rakepaskro. Leskro lab his Obed. Kova djas vin oun stakras kol lourdenge an o drom, kay van pale an o foro Samaria, oun penas ap lende: “O baro Devel, ko Devel t'mare phourendar, his rhoyedo pral i menshende an o them Youda. Doleske das yob len an t'mare vasta. T'mer dan len i bari rholyah yaake khetne, kay lengre golya an o bolepen shounlo van.

Debleskri gili 108:4

Baro Devel, me kamau tout te sharell, mank i menshende dran boud themma touke gilya te givell.

Debleskri gili 36:5

Te hi lo ap peskro čiben čiddo, djal o čilačepen an leskro shero trouyel. Oun yob rikrell zoreles ap i drom, hoy gar mishto hi, oun rikrell pes gar pale, te krell lo o čilačepen.

Jeremia 27:5

Miri bari zoryah krom kay phoub oun i menshen oun firhen, kay ap i phoub hi. Oun me dau len, koneste kamau.

Ezekiel 17:3

Pen lenge: Kava penell o baro Devel, maro ray: Kote his i baro adlari. Koles his bare moussya oun pesse shoukar phora troul peskro shero. Kova djas ap i berga Libanon oun phagas o pralstouno kotar i roukestar krik, hoy kharell cedera,

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

Daniel 4:11

oun das gole: Denn ko rouk trouyel! Oun denn leskre kashta tele! Tserdenn leskre patria lestar tele! Oun vitsrenn leskre roukengre trouyel, te nashenn i firhe tel leste lestar krik! Oun i čirkle moukenn pengre kashta ninna!

Daniel 4:21

Miro baro ray, kay souni kamell touke te penell, hoy o pralstouno Devel penas, te vell pral toute:

Daniel 4:29

Tout čivenn le pale, te djivess pash i vesheskre firhende oun bouder gar pash i menshende. Oun yon denn tout khass te rhal har i groumyen. Oun efta bersha djan trouyel, bis te tou hayveh, te hi o pralstouno Debles i tsele rayengre themma an leskro vast, oun yob dell kol themma koleste yob kamell.”

Debleskro tsiro 18:5

Ko foro hi har i djouvel, hoy vi-ladjedo koova kras. Lakri doosh hi yaake baro, te djal koy doosh an o bolepen pre. Oun o Devel bistras ko čilačo koova gar, hoy yoy kras.