Daniel 4:16 - O Debleskro Lab 2024 (Sinte-Manouche)

¹⁶ Oun o Daniel, koleskro lab ninna Beltsazar his, his koy tardo oun penas nay kek lab. Koy souni his leske har i dap. Oun kova, hoy leske pashel an leskro shero trouyel djas, kras leske bari daar. Kote penas o baro ray ap o Beltsazar: “Kay souni, oun hoy yoy kamell te penell, hounte krell touke kek daar!” Oun o Beltsazar penas: “Miro ray, kay souni te djal ap kolende, kay kamenn touke čilačepen! Oun kova, hoy koy souni kamell te penell, te djal ap kolende, kolentsa an o čingepen hal!

O Debleskro Drom 2021 (Sinte)

¹⁶ Un o Daniel, koleskro lab ninna Beltsazar his, his koi tardo un penas nai kek lab. Koi suni his leske har i dap. Un kowa, hoi leske pashel an leskro shero trujel djas, kras leske bari daar. Kote penas o baro rai ap o Beltsazar: “Kai suni, un hoi joi kamell te penell, hunte krell tuke kek daar!” Un o Beltsazar penas: “Miro rai, kai suni te djal ap kolende, kai kamenn tuke tchilatchepen! Un kowa, hoi koi suni kamell te penell, te djal ap kolende, kolentsa an o tchingepen hal!

Daniel 4:16 Iomraidhean Croise

2. Samuel 18:32

Penas o baro ray ap ko morsheste: “Djal miro čaveske o Absalomeske ninna mishto?” Penas ko morsh: “Miro baro ray, mou djal kolenge, kay kamenn tiro merepen, yaake har djas ko terno morsheske, ninna lauterenge, kay čilačepah ap toute djan.”

Jesaja 6:10

Rake lentsa, ninna te pandenn le pengre djia, oun krenn pengre kanda kashteno, oun pengre yaka pandlo. Te dikans le pengre yakentsa, oun shounans pengre kandentsa, oun hayvans pengre djiyentsa, moukans le pengro čilačo drom oun vans pash mande, oun me kroms len sasto.

Daniel 11:13

An i bersha, kay venna, anell o baro ray pral o them Syria pale boud lourden khetne, boudeder har ko vavar kopo. Oun palle djal lo vin an o kourepen boud zorele lourdentsa. Kolen hi halauter pash pende, hoy len hounte vell i lačo kourepaske.

Daniel 12:7

Oun me shounom ko morshes, kay an layntikre koola rido his, oun pral ko lengsto pani tardo his. Oun kova hadas peskro čačo oun peskro servo vast pre ap o bolepen, oun das pes sovel pash koleste, koleskro djipen gar pre herella, oun penas: “Yek tsiro oun douy tsirya oun i paash tsiro. Oun ap ko tsiro, kay o Debleskre menshe pale khetne djivenna, oun bouder gar kate te kote tradedo hi, palle hi kova lauter kerdo.”

Daniel 4:23

Kate vas penlo, te ačell o telstouno kotar i drabentsa an i phoub čiddo. Kova kamell te penell, te less tire rayeskre themma pale, te hayval, te hi o bolepaskro Devel o ray pral halauter.

Daniel 4:25

Oun lauter vas yaake pral o baro rayeste, o Neboukadnezar.

Daniel 7:25

Oun yob praasell o pralstouno Debles oun čivell pharo koova ap o Debleskre menshende. Oun krell lauter, te venn o Debleskre divessa oun laba vavarčandes rikedo. Oun o Debleskre menshe venn an leskro vast dino yek tsireske oun douy tsirenge oun i paash tsireske.

Daniel 7:28

Kava hi, hoy me dikom. Mange, o Danieleske, kras kava bari daar. Oun me vom parno an o mouy i trashatar, oun rakrom kekeha pral kava koova.

Hebrearja 1:11

O bolepen oun i phoub ačenn gar. Tou ačeh hako tsiro. O bolepen oun i phoub venn phouro, oun djan paash har i ripen.

Debleskro tsiro 12:14

Oun koy djouvyake van čirklengre moussya dino, har i baro čirkles hi, te nay djal li an o moulo them ap ko kotar phoub, kay yoy nay djivella dour krik ko sapestar. Kote ačell li triin-te-paash bersha. Oun kote lell li halauter te rhal oun te piyell.