Daniel 4:1 - O Debleskro Lab 2024 (Sinte-Manouche)

¹ Me, o Neboukadnezar homs barhtelo an miro kheer, oun man his lauter, hoy kamom.

O Debleskro Drom 2021 (Sinte)

¹ Me, o Nebukadnezar homs bachtelo an miro kheer, un man his lauter, hoi kamom.

Daniel 4:1 Iomraidhean Croise

1. Familjakro liil 12:18

Oun o David djas pash lende vin, oun penas ap lende: “Van t'mer an o kamlepen pash mande, te rikrenn pash mande, palle hi miro dji t'mentsa yek! Te van te phoukrenn ap mande pash kolende, kay kamenn man te marell, palle mou dikell o Devel mare dadendar koy pal, oun mou dell t'men i phagi. Yob djinell, kay krom kek čilačo koova.”

Esra 4:17

Koy bičras lenge o ray pral o them Babilonia kava liil oun moukas lenge te penell: Touke Rehoum, ko pralstuneske oun touke Shimshay, ko činepaskro, oun t'menge vavarenge halauterenge an o foro Samaria oun kol vavarenge halauterenge ap i vavar rig o panyestar Eufrat: Barht t'mentsa!

Esra 5:7

Kalla hi i laba, hoy yon leske činan: O baro rayeske Darius boud barht!

Ester 3:12

Ap o 13. (deesh-te-triinto) dives an o ersto čon van kol morsha kharedo, kay o baro rayeskre lila činenn. Oun kolla činan, hoy o Haman lenge penas, an lila ap i pralstunende ko themestar, ap i themeskre rayende oun i pralstunende pral hako them. Hako liil his yaake činlo, har an ko them činlo vas, oun an ko rakepen, har kote rakedo vas. An o lab o baro rayestar Ahasveros van kol lila činlo. Oun leskri goustyah vas leskro sikepen tel hako liil čiddo.

Ester 8:9

Yaake van kol morshen kharedo, kay o baro rayeskre lila činenn. Kova his an o triinto čon, – kova hi o čon Sivan – ap o biish-te-triinto dives. Oun i lila van yaake činlo, har o Mordekay penas: ap i biboldende, oun ap i pralstunende ko themestar, ap i themeskre rayende oun i pralstunende pral i tsele themma mank o pani Indus oun o pani Nil. Kolla his 127 (yek-sheel-te-biish-te-efta) themma. Oun činlo vas yaake har an hako them činlo vas, oun an o rakepen kol menshendar, kay kote djivan, oun ninna ap i bibolde yaake har yon činenn oun rakrenn.

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

Daniel 3:4

Oun yek, kay vin gole dell, hoy o baro ray kamella, stas pre oun das gole: “Menshale dran hako them oun rakepen, shounenn, hoy o baro ray t'menge penell:

Daniel 6:25

Oun o baro ray moukas kol morshen glan peste te anell, kay kova ap o Daniel pre anan. Oun yob moukas len an i grouba te vitsrell pash i leve, len oun lengre čaven oun romyen ninna. Oun har yon gomme gar ap i phoub tele van, tapran i leve len, oun phagan lengre kokale.

Daniel 6:27

Kava hi hoy t'mendar kamau: An i tsele themma, kay me baro ray hom, hounte darell hakeno o Danieleskro Debles peskro tselo djiyestar. Yob hi o djido Devel, oun ačella hako tsireske. An kek tsiro nashrell lo peskri rayeskri zoor. I tsele tsirenge ačell lo baro ray.

Daniel 7:14

Oun kova das les i rayeskri zoor oun barepen oun raylepen, te vell lo ray pral i menshende dran hako them oun rakepen. Leskri rayeskri zoor ačell hako tsiro oun herell gar pre. Oun yob ačell baro ray an i tsele tsirya.

Zakarie 8:23

Kova penell o baro Devel, ko ray pral o bolepen oun i phoub: “An ko tsiro venn deesh vi-themarya pash yek biboldo, taprenn les ap leskri baya, mangenn lestar oun penenn: Mer shounam, o Devel hi t'mentsa. Doleske mouk men t'mentsa te djal!”

Bičepangre 2:6

Har yon ko baro oun zorelo dourho shounan, van yon lauter koy khetne, oun kran bare yaka, har hakeno shounas len an leskro rakepen te rakrell.

Remarja 1:7

Ap t'mende halauterende činau kava liil. O Devel kamell t'men o djiyestar, oun das t'men gole, te djivenn leha khetne. Mou vell t'men lačepen oun barht an o dji! Kova dell t'men o Devel, maro dad, oun maro ray, o Yezous Kristo!

Efesarja 1:2

Mou vell t'men lačepen oun barht an o dji! Ko dell t'men maro Devel, kay maro dad hi, oun maro ray, o Yezous Kristo.

1. Timoteo 1:2

Me činau kava liil ap toute, Timoteo. Tou hal mange har miro čavo an o patsepen. Lačepen, kamlepen oun barht touke! Kova dell tout o Devel, maro dad, oun o Yezous Kristo, maro ray, an o dji!

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!