Daniel 3:29 - O Debleskro Lab 2024 (Sinte-Manouche)

²⁹ Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

O Debleskro Drom 2021 (Sinte)

²⁹ Un jaake penau me kanna: Koon i tsele menshendar dran hako them un rakepen rakrell djungeles pral ko Debleste, koles o Shadrach un o Meshach un o Abed-Nego an-mangenn, kowa well an kotja dino. Un koleskro kheer well pash dino. Hi kek wawar dewel, kai nai lell jekes jaake dran o merepen win har job.”

Daniel 3:29 Iomraidhean Croise

2. Rajengro liil 10:27

Oun ko baro bar, hoy pre-čiddo vas o debleske Baal, koles dan le an kotya, ninna leskro tselo kheer. Bis kay dives hi koy platsa i platsa, kay djan i menshe ap i rig.

Esra 6:11

Oun pale moukau t'menge te penell: Te rikrell pes yek t'mendar gar ap mire laba, hounte vell i baro kasht dran leskro kheer vin tserdedo, oun yob hounte vell koy pre dino. Oun leskro tselo kheer hounte vell tele phagedo, doleske kay yob gar mire laba dren rikras.

Debleskri gili 3:8

Ste pre, baro Devel, oun le man vin, mo Devel! Hakenes, kay ap mande djal, deh tou ap i čam. Ava, i čilačenge deh tou i danda paash.

Debleskri gili 76:10

har o Devel pre stas, te rakrell lo o čačepen vin, oun te vell lo halauterenge ap i rig, kay tikno rikedo van ap kay phoub.

Daniel 1:19

Oun o baro ray rakras lentsa! Oun mank kol tsele morsha vas kek hatslo, koon yaake his har o Daniel oun o Hananya oun o Mishael oun o Asarya. Oun yon van pralstoune an o baro rayeskro kheer.

Daniel 1:7

Oun o pralstouno pral o rayeskro kheer das hakenes lendar i vavar lab. O Daniel kharas kanna Beltsazar, oun o Hananya Shadrak, oun o Mishael Meshak, oun o Asarya Abed-Nego.

Daniel 2:17

Pal kova djas o Daniel khere, oun penas lauter peskre malenge, – oun kolla his o Hananya oun o Mishael, oun o Asarya –

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 2:49

Oun o Daniel mangas o baro rayestar, te venn o Shadrak oun o Meshak oun o Abed-Nego i moskre pral i forya an o them Babilonia. Oun kova vas yaake. O Daniel ačas an o baro rayeskro kheer.

Daniel 2:5

O baro ray penas ap lende: “Hi yaake har penom: T'mer hounte penenn mange i souni, oun hoy koya kamell te penell. Te krenn t'mer kova gar, palle moukau me t'men an kotya te činell, oun t'mare khera tele te phagell.

Daniel 3:12

Oun kate hi biboldengre morsha, hoy tou dren čival an pengri boudi, te venn le pralstoune an o them Babilonia. Kolla krenn gar, hoy tou penal, oun sharenn tiro debles gar oun mangenn koy figura gar an, hoy tou moukal pre te čivell. Kolla hi o Shadrak, o Meshak oun o Abed-Nego.”

Daniel 3:15

Kanna shounenn: Yaake sik, har shounenn t'mer o phourdepaskro bashepen oun bashepen ap i doryengre bashepangre oun ko tselo vavar bashepen, vitsrenn t'men tele ap i phoub, oun mangenn koy figura an, hoy me krom! Te vitsrenn t'men gar glan late ap i phoub, palle venn t'mer gomme kate an i bobeskri yag vitsedo! Oun koon hi ko devel, kay nay lell t'men vin dran miro vast?”

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 3:28

Oun o Neboukadnezar penas: “Sharedo vell o Devel, koles o Shadrak oun o Meshak oun o Abed-Nego an-mangenn. Yob bičras peskro bolepaskres oun las peskre boudepangren dran o merepen vin. Kolla rikran ap leste, oun shounan gar ap miro lab, oun dan pengro djipen an o merepen. Yon kaman kek vavar debles an-mangenn har pengro Debles kokres.

Daniel 6:28

Yob nay lell yekes dran o merepen vin, an havi bibarht kova ninna hi. An o bolepen oun ap i phoub, krell lo baro zorelo koova, hoy kek vavar nay krella. O Danieles las yob dran i levengre mouya vin, yaake te nay doukran le les gar.

5. Mose 32:31

Kolengre debla hi gar har maro Devel. Kova djinenn oun penenn ninna kolla, kay kouran pen mentsa.