Daniel 3:26 - O Debleskro Lab 2024 (Sinte-Manouche)

²⁶ Oun o Neboukadnezar djas pash ko voudar ko bobestar oun das gole: “Shadrak, Meshak oun Abed-Nego, t'mer boudepangre o pralstouno Deblestar, avenn koy vin, oun venn pash mande!” Oun o Shadrak, o Meshak oun o Abed-Nego djan vin dran i yag.

O Debleskro Drom 2021 (Sinte)

²⁶ Un o Nebukadnezar djas pash ko wudar ko bobestar un das gole: “Shadrach, Meshach un Abed-Nego, tumer budepangre o pralstuno Deblestar, awenn koi win, un wenn pash mande!” Un o Shadrach, o Meshach un o Abed-Nego djan win dran i jag.

Daniel 3:26 Iomraidhean Croise

1. Mose 14:18

Oun o Melkisedek, ko ray pral o foro Salem, anas lenge maro oun mool dran o foro. Yob his i rashay ko Deblestar, kay hi o Devel pral halauter.

1. Rajengro liil 8:51

Yon hi tire menshe, kay tou touke vi-rodal, oun vin anal dran o them Egiptia, har dran an i bob, kay boud yag dren hi.

Esra 5:11

Oun kova hi, hoy yon menge penan: “Mer ham i boudepangre o Deblestar, kay kras o bolepen oun i phoub, oun čivah kava kheer pale pre, kay glan boud bersha kate tardo his, oun koles i baro zorelo ray dran o them Israel moukas pre te čivell. Yaake his ko kheer shoukar koy tardo.

Debleskri gili 66:12

Tou moukal menshe pral mende te vell, moukal men an i yag oun an o pani te djal. Oun palle anal tou men dran lauter vin oun dal men nevi zoor.

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Jesaja 52:12

Kava kopo hounte nashenn gar sik kotar vin, vitar gar yaake har vans ap o naashepen. O baro Devel djal t'menge glan vin, oun dell pal t'mende yak, yob, o Devel pral o Israel.

Jeremia 11:4

Har me t'mare phouren dran o them Egiptia lom, har dran i sasterno yagakro bob, krom me lentsa vin, te shounenn le ap mande, oun krenn har lenge penom, palle hi yon mire menshe, oun me hom lengro Devel.

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 3:17

Maro Devel, koles mer an-mangah, te kamell yob, palle nay lell lo men vin dran i bobeskri yag oun dran tiro vast.

Daniel 4:2

His yek rati, har homs čiddo ap miro čiben, koy dom souni. Oun koya kras mange daar. Ava, kova, hoy dikom, kras mange bari traash.

Daniel 6:20

Sik taysarlakro, har o kham gar pre djas, stas o baro ray pre, oun djas sik pash i grouba, kay i leve hi.

Daniel 6:21

Oun har yob pash koy grouba vas, das lo ropah gole pal o Daniel oun penas: “Daniel, tou boudepaskro o djido Deblestar, koles tou hako tsiro an-mangeh, nay las tout tiro Devel vin dran i levengre mouyendar?”

Daniel 7:25

Oun yob praasell o pralstouno Debles oun čivell pharo koova ap o Debleskre menshende. Oun krell lauter, te venn o Debleskre divessa oun laba vavarčandes rikedo. Oun o Debleskre menshe venn an leskro vast dino yek tsireske oun douy tsirenge oun i paash tsireske.

Bičepangre 16:17

Koya las o Paules oun men palla, oun das gole: “Kalla morsha boudrenn ko baro Debleske! Kalla sikrenn t'menge o drom pash leste.”

Bičepangre 16:37

O Paulo penas ap kol klistende: “Mer ham Remarya. T'mare pralstoune moukan men dava te dell glan i tsele menshende. Yon rakran kek čačepen pral mende vin, oun vitsran men an o stilepen. Oun kanna kamenn yon men čorrhanes dran o stilepen vin te anell. Yaake djal kova gar, har yon kamenna. Kolla čačepangre, kay kran kova, kolla hounte venna pash mende oun hounte anenn men dran o stilepen vin. Kova penenn lenge!”

Bičepangre 27:23

Kay rat vas i bolepaskro pash mande. Koles bičras miro Devel, koleske boudrau.

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

Josua 3:17

Oun i rashaya, kay o morhton hidjrenn, kay o Debleskre deesh laba dren hi, kolla ačan tardo mashkral an o pani Yordan ap i phoub, hoy his bouder gar sapeno, bis te djan i tsele Israelitarya ap i vavar rig.

Josua 4:10

Oun kol rashaya, kay ko morhton hidjrenn, ačan mashkral an o pani Yordan tardo, bis te halauter kerdo his, hoy o baro Devel ap o Yosua penas, te penell lo kova i tsele menshenge, yaake har o Mose kova ap o Yosua penas. Oun i tsele menshe djan sik vergel.

Debleskro tsiro 19:5

Oun i rakepen vas kotar, kay o Debleskro beshepaskro hi, oun kova penas: “Sharenn maro Debles, t'mer lauter, hoy leske boudrenna, oun lestar darenna, tikne har bare!”