Daniel 2:5 - O Debleskro Lab 2024 (Sinte-Manouche)

⁵ O baro ray penas ap lende: “Hi yaake har penom: T'mer hounte penenn mange i souni, oun hoy koya kamell te penell. Te krenn t'mer kova gar, palle moukau me t'men an kotya te činell, oun t'mare khera tele te phagell.

O Debleskro Drom 2021 (Sinte)

⁵ O baro rai penas ap lende: “Hi jaake har penom: Tumer hunte penenn mange i suni, un hoi koja kamell te penell. Te krenn tumer kowa gar, palle mukau me tumen an kotja te tchinell, un tumare khera tele te phagell.

Daniel 2:5 Iomraidhean Croise

2. Rajengro liil 10:27

Oun ko baro bar, hoy pre-čiddo vas o debleske Baal, koles dan le an kotya, ninna leskro tselo kheer. Bis kay dives hi koy platsa i platsa, kay djan i menshe ap i rig.

Esra 6:11

Oun pale moukau t'menge te penell: Te rikrell pes yek t'mendar gar ap mire laba, hounte vell i baro kasht dran leskro kheer vin tserdedo, oun yob hounte vell koy pre dino. Oun leskro tselo kheer hounte vell tele phagedo, doleske kay yob gar mire laba dren rikras.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Debleskri gili 58:7

De lenge i danda dren, miro Devel! Phage lengre levengre danda vin, miro baro Devel!

Daniel 2:12

Kote vas o baro ray yaake rhoyedo, te penas lo, te venn i tsele sikle morsha maredo an o them Babilonia.

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

Daniel 4:9

Leskre patria his shoukar, oun boud roukengre his ap leste. Oun rhapaske his hakeneske doha ap leste. Tel leste čivan pen i vesheskre firhe tele. Oun ap leskre kashta beshan i čirkle. Oun lauter, hoy djivas, rhas lestar.

5. Mose 13:16

palle denn kol menshen an ko foro o rhareha moulo. Lauter hounte venn moulo dino, ninna lengre firhe.

Josua 6:26

Ap ko tsiro das pes o Yosua sovel: “Mou dell o baro Devel bibarht ap ko morsheste, koon kava foro pale pre čivell. Te čivell lo i telstoune barra pre, hounte merell leskro phoureder čavo. Te čivell lo i bare voudya dren, merell leskro terneder čavo.”

1. Samuel 15:33

O Samuel penas: “Har tiro rharo i djouvyenge lengre čaven maras, yaake vell kova, te hi tiri dat gomme kek čavo bouder.” Oun o Samuel das o Agag an kotya, glan o baro Debleste an o foro Gilgal.