Daniel 2:49 - O Debleskro Lab 2024 (Sinte-Manouche)

⁴⁹ Oun o Daniel mangas o baro rayestar, te venn o Shadrak oun o Meshak oun o Abed-Nego i moskre pral i forya an o them Babilonia. Oun kova vas yaake. O Daniel ačas an o baro rayeskro kheer.

O Debleskro Drom 2021 (Sinte)

⁴⁹ Un o Daniel mangas o baro rajestar, te wenn o Shadrach un o Meshach un o Abed-Nego i moskre pral i forja an o them Babilonia. Un kowa was jaake. O Daniel atchas an o baro rajeskro kheer.

Daniel 2:49 Iomraidhean Croise

Ester 2:19

His an ko tsiro, har i douyto kopo terne ča khetne anlo van o baro rayeske. Koy his o Mordekay beshdo an o baro voudar glan o baro rayeskro kheer.

Ester 2:21

An kol divessa har o Mordekay an ko baro voudar glan o baro rayeskro kheer beshdo his, van douy boudepangre an i bari rholi. Kolla dan yak ap i voudya oun kharan Bigtan oun Teresh. Oun yon lan penge glan, te denn le o baro rayes Ahasveros moulo.

Ester 3:2

Oun o baro ray penas, te djan i tsele pralstoune, kay an o baro voudar glan leskro kheer hi, ap i phoub glan o Haman oun parkrenn les. Oun yaake kran le. Kokres o Mordekay kamas gar, oun djas gar glan leste tele ap i phoub.

Gosewe laba 28:12

Te hi kolen penepaske, kay an o čačepen tardo hi, palle hi barhtelo tsiro. Te vell i čilačen penepaske, palle khatrenn pen i menshe.

Jeremia 39:3

Oun i tsele pralstoune o baro rayestar dran o them Babilonia djan dren oun ačan pash o Mashkralstouno Voudar. Mank lende his o Nergal-Sharezer, o Samgar-Nebo, o Sar-Sekim – kova his o pralstouno pral o baro rayeskro kheer, i vavar Nergal-Sharezer – kova his o pralstouno i gosevendar, oun boud vavar pralstoune.

Daniel 1:17

Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

Daniel 1:7

Oun o pralstouno pral o rayeskro kheer das hakenes lendar i vavar lab. O Daniel kharas kanna Beltsazar, oun o Hananya Shadrak, oun o Mishael Meshak, oun o Asarya Abed-Nego.

Daniel 2:17

Pal kova djas o Daniel khere, oun penas lauter peskre malenge, – oun kolla his o Hananya oun o Mishael, oun o Asarya –

Daniel 3:1

O baro ray Neboukadnezar kras i sonakaskri figura, hoy shob-deesh (60) moussya bares oun shob moussya bourhles his. Oun yob čivas lat pre an o bourhlo them Doura. Ko them Doura his an o them Babilonia.

Daniel 6:2

Oun an leskre yaka his lačo, te čivas lo 120 (sheel-te-biish) pralstunen pral i tsele themma, kay yob o ray his.

Amos 5:15

Dikenn čilačes ap kova, hoy čilačo hi, oun dikenn lačes ap kova, hoy lačo hi! Dikenn koy pre, te lell kova peskro čačepen, koon an o čačepen hi! Palle nay vell o baro Devel lačes kolenge, kay dran o kheer Yosef pral ačenn. Yob hi o ray pral o bolepen oun i phoub.