Daniel 2:48 - O Debleskro Lab 2024 (Sinte-Manouche)

⁴⁸ Oun o baro ray kras o Danieles baro, oun das les boud kouč koova. Oun yob čivas les pral o tselo them Babilonia, oun das les penepaske koy pral oun kras, te vell lo o pralstouno pral i tsele sikle morshende an o them Babilonia.

O Debleskro Drom 2021 (Sinte)

⁴⁸ Un o baro rai kras o Danieles baro, un das les bud kutch koowa. Un job tchiwas les pral o tselo them Babilonia, un das les penepaske koi pral un kras, te well lo o pralstuno pral i tsele sikle murshende an o them Babilonia.

Daniel 2:48 Iomraidhean Croise

2. Samuel 19:32

Oun o Barsillay dran Gilead vas tele dran o gab Roglim pash o baro rayeste, te djal lo khetne leha ap i vavar rig o panyestar Yordan.

2. Rajengro liil 5:1

O baro rayes pral o them Syria his i pralstouno lourdo. Leskro lab his Naaman. Kova his i čačo morsh an peskro rayeskre yaka oun leske boud moldo. Har anas yob i Syrarya an o kourepen, kras o baro Devel, te venn yon i zorleder. I zorelo kourepaskro his lo, oun les his i djoungelo nasslepen ap peskro mass.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Jeremia 5:5

Me kamau pash i pralstunende te djal, te rakrap lentsa. Kolla djinenn o Debleskro drom oun nay penenn mange, hoy an i yaka lengro Deblestar mishto hi. Palle hayvom: Ninna kolla kaman gar, te vell yob lengro ray, oun kaman gar ap leste te shounell.

Daniel 2:6

T'mer te penenn mange koy souni oun hoy koya kamell te penell, palle krau me t'men braveles oun bares. Doleske penenn mange koy souni oun hoy koya kamell te penell.”

Daniel 3:1

O baro ray Neboukadnezar kras i sonakaskri figura, hoy shob-deesh (60) moussya bares oun shob moussya bourhles his. Oun yob čivas lat pre an o bourhlo them Doura. Ko them Doura his an o them Babilonia.

Daniel 3:12

Oun kate hi biboldengre morsha, hoy tou dren čival an pengri boudi, te venn le pralstoune an o them Babilonia. Kolla krenn gar, hoy tou penal, oun sharenn tiro debles gar oun mangenn koy figura gar an, hoy tou moukal pre te čivell. Kolla hi o Shadrak, o Meshak oun o Abed-Nego.”

Daniel 3:30

Pal kova das o baro ray kol triin morshende boud penepaske an o them Babilonia.

Daniel 4:6

“Beltsazar, tou pralstouno pral i tsele siklende, djinau, te hi o dourho i bolepangre deblendar an toute, oun touke hi či khatedo. Yaake pen mange, hoy miri souni kamell te penell!”

Daniel 4:9

Leskre patria his shoukar, oun boud roukengre his ap leste. Oun rhapaske his hakeneske doha ap leste. Tel leste čivan pen i vesheskre firhe tele. Oun ap leskre kashta beshan i čirkle. Oun lauter, hoy djivas, rhas lestar.

Daniel 5:11

Koy hi i morsh an tiro them, an koleste hi o dourho i bolepangre deblendar. An kol divessa, har tiro dad o baro ray his, sikras pes, kay an leste yaake boud gosvepen hi har i deblen hi. Yob hayvell oun djinell, hoy kek vavar hayvell oun djinell. Oun tiro dad Neboukadnezar čivas les pral i tsele dourkepangre oun dravepangre oun pral kolende, kay an i bolepangre momlia draverenn, oun kay i moulen poučenn.

Daniel 5:16

Toutar shounom, te nay peneh tou, hoy kova kamell te penell, oun te nay čakreh tou pre, hoy kek djinell. Hayveh tou kanna kol laba te draverell, hoy kote činlo hi oun nay peneh mange, hoy kolla kamenn te penell, palle veh tou rido an rayengre lole koola, oun leh koy pashel i sonakaskri verkli troul tiri meen. Oun tou veh o triinto pralstouno an miro them.”

Daniel 5:29

Har o Daniel kol laba rakras, penas o Belsazar, te rivenn le les an lole rayengre koola, oun čivenn leske i sonakaskri verkli troul leskri meen. Oun yob hadas les, te vell lo o triinto pralstouno an o rayeskro them.

Daniel 5:7

Oun o baro ray das zoryah gole oun penas, te anenn le i dravepangren pash leste, ninna kolen, kay an i bolepangre momlia draverenn oun kolen, kay i moulen poučenn. Oun yob moukas kol siklenge dran o foro Babilon te penell: “Hakeno, kay nay draverella, hoy koy činlo hi, oun mange nay penella, hoy kova kharella, kova vell rido an rayengre lole koola, oun lell koy pashel i sonakaskri verkli troul peskri meen. Oun yob vell o triinto pralstouno an miro them.”

Daniel 8:27

Oun man, o Danieles, his bouder kek zoor, oun me homs divessa nasselo. Oun pal kova stom pale pre, oun krom miri boudi pash o baro rayeste. Oun ko dikepen, hoy dikom, kras mange daar oun nay hayvom les gar.

4. Mose 24:11

Dja kanna touke! Dja an tiro them! Me kamom te dap tout boud bravlepen. O baro Devel kamas gar te dap tout bravlepen.”

1. Samuel 17:25

Oun yek penas ap o vavareste: “Dikal ko morshes, har kova pre vas? Kova vella, te praasell lo o Israel. Koon koles marella, koles kameh maro baro ray braveles te krell. Oun yob kamell les peskri čate te dell, oun leskro dadeskro kheer hounte dell leste bouder či kolestar, hoy le dren anenna.”

1. Samuel 2:8

Koles, kay les či hi, hadell lo dran i čik, oun o čorveles hidjrell lo pre dran i yagakri čik, oun beshell les pash i pralstunende, oun krell les an-diklo. I tseli phoub hi o baro Debleske. Yob čivas lat zoreles tardo.

1. Samuel 25:2

Kote his i morsh an o foro Maon. Koles his i baro bravlepen. Les his 3.000 (triin-zerya) bakre oun 1.000 (yek seri) bouzya. Leskri phoub oun leskre firhe his pash o foro Karmel. Oun kote his yob, har o bakrengro bal činlo vas.