Daniel 2:45 - O Debleskro Lab 2024 (Sinte-Manouche)

⁴⁵ Kova kamell ko bar te penell, hoy tou dikal, koles kek mensho vitsras. Tou dikal, har vas lo i berga tele oun das koy figura dran saster, lolo saster, phoubyakri čik, roup oun sonakay, an tikne kotya. Yaake moukell tout o baro Devel te djinell, hoy pal kava vella. Oun kay souni penell o čačepen. Oun hoy me penom, hoy kay souni kamell te penell, hi ninna čačo.”

O Debleskro Drom 2021 (Sinte)

⁴⁵ Kowa kamell ko bar te penell, hoi tu dikal, koles kek mensho witsras. Tu dikal, har was lo i berga tele un das koi figura dran saster, lolo saster, phubjakri tchik, rup un sonakai, an tikne kotja. Jaake mukell tut o baro Dewel te djinell, hoi pal kawa wella. Un kai suni penell o tchatchepen. Un hoi me penom, hoi kai suni kamell te penell, hi ninna tchatcho.”

Daniel 2:45 Iomraidhean Croise

1. Mose 41:26

Kol efta shoukar groumya hi efta bersha. Oun kol efta shoukar halme mit djob hi ninna efta bersha. Kova hi yek souni.

1. Mose 41:28

Hi yaake har penom touke: O Devel sikrell toute, hoy kamell lo te krell.

1. Mose 41:32

Kay o baro ray das kova douy kope souni, penell menge, te krell o Devel kova čačepah, oun te krell lo les sik.

2. Samuel 7:22

Baro Devel, miro ray, har baro hal tou! Kek hi yaake har tou! Oun dell kek devel har tou, pal lauter, hoy mer mare kandentsa shounam.

1. Familjakro liil 16:25

O baro Devel hi o pralstouno, oun hakeno hounte sharell les. Mank i tsele vavar debla hi yob kova, konestar daras mer.

Nehemia 4:14

T'mer te shounenn koy phourdepaskri, djan koy oun avenn kote mentsa khetne. Oun maro Devel kourell pes menge.”

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Hiob 36:26

Dik, o Devel hi yaake baro, te nay hayvah gar, har baro yob hi. Oun kek nay hatsell vin, har phouro yob hi.

Debleskri gili 135:5

Kanna djinau: O baro Devel hi o pralstouno. Maro baro Devel hi bareder har hako vavar devel.

Debleskri gili 145:3

Zorelo hi o baro Devel oun boud moldo, te vell lo sharedo. Kek hayvell, har baro yob hi.

Debleskri gili 2:9

Ab ray pral lende i sasterno vasteha, tou phageh len nay har čare.”

Debleskri gili 48:1

I gili yekestar dran i familya Korah.

Debleskri gili 96:4

O baro Devel hi o pralstouno, oun hakeno hounte sharell les. Mank i tsele vavar debla hi yob kova, konestar daras mer.

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Daniel 2:24

Oun o Daniel djas dren pash o Aryok, koles o baro ray bičras, te marell lo i siklen an o them Babilonia. Oun o Daniel penas ap leste: “Ma mare i siklen dran Babilonia! An man pash o baro rayeste, te nay penap me leske, hoy leskri souni kamell te penell.”

Daniel 2:28

Kanna djin, an o bolepen hi i Devel, kova nay sikrell, hoy khatedo hi. Oun yob moukell o baro rayes Neboukadnezares te djinell, hoy vella an kol tsirya, kay venna. Ake kova, hoy souni dal oun ko dikepen, hoy dikal, har soval:

Daniel 2:29

Har hals ap tiro čiben čiddo, djas touke, baro ray, an o shero trouyel, hoy pal kava lauter vella. Oun o Devel, kay čakrell pre, hoy khatedo hi, kova sikras tout, hoy vella.

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

Daniel 8:25

Peskro gosvepah rhorhell lo boud menshen. Oun yob phourdell pes pre oun djal ap boudende oun marell kolen, kay patsenn, te krell lo lenge či. Oun ninna hadell lo pes pral o pralstouno rayeste. Oun palle vell yob phagedo kek mensheskro vasteha.

Haggai 2:22

Oun me vitsrau i beshepangre kol themengre rayendar trouyel oun lau lengri zoor krik. Lengre kourepangre vourdya vitsrau trouyel khetne kolentsa, kay koy pre beshenna. I graya oun i klissepangre merenna. Yek dell o vavares moulo.

Zakarie 12:3

Ap ko tsiro krau, te vell o foro Yerusalem har i pharo bar i menshenge an hake themma. Kolla, kay kamenn les krik te hadell, doukrenn pengre vasta. Lourde dran i tsele themma ap i phoub venna, te kourenn le pen o foreha.”

Maleachi 1:11

O baro Devel, ko ray pral o bolepen oun i phoub, penell: Foun kotar, kay o kham pre djala, bis kote kay o kham tele djal, vell miro lab sharedo pash kolende an i vavar themma. An boud gaba oun forya rhačrenn le mange soungepaskro koova oun firhen, hoy hi lačo an mire yaka. Kolla lauter sharenn miro lab.

Mateo 21:24

Koy penas o Yezous ap lende: “Ninna me kamau t'mendar čomone te poučell. T'mer te penenn les mange, palle penau me t'menge ninna, koon man bičras, te krap me kova lauter.

Mateo 24:35

O bolepen oun i phoub ačenna gar. Mire laba ačenna hako tsiro.

Louka 17:20

Oun i Farisarya poučan o Yezousestar: “Kaana vell ko tsiro, kay dikah, kay o Devel o ray hi pral i tseli phoub?” Koy penas lo: “Ko tsiro vell gar yaake, te nay dikenn kova.

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

Debleskro tsiro 1:19

Čin lauter, hoy dikal, an i liil: kova, hoy kanna hi, oun kova, hoy pal kova lauter vella.

Debleskro tsiro 19:17

Oun me dikom i bolepaskro an o kham tardo. Kova das zoreles gole, oun penas ap i tsele čirkle, kay denn pen dour pral an o bolepen. “Avenn kate pash o Debleskro baro rhapen khetne,

Debleskro tsiro 4:1

Pal kova dikom i voudar an o bolepen, hoy pre hi. Oun kova, kay ap mande rakras, oun leskri gole zorelo har i phourdepaskri his, kova penas ap mande: “Ab kate pre! Me sikrau tout, hoy pal kava vella.”