Daniel 2:28 - O Debleskro Lab 2024 (Sinte-Manouche)

²⁸ Kanna djin, an o bolepen hi i Devel, kova nay sikrell, hoy khatedo hi. Oun yob moukell o baro rayes Neboukadnezares te djinell, hoy vella an kol tsirya, kay venna. Ake kova, hoy souni dal oun ko dikepen, hoy dikal, har soval:

O Debleskro Drom 2021 (Sinte)

²⁸ Kanna djin, an o bolepen hi i Dewel, kowa nai sikrell, hoi khatedo hi. Un job mukell o baro rajes Nebukadnezares te djinell, hoi wella an kol tsirja, kai wenna. Ake kowa, hoi suni dal un ko dikepen, hoi dikal, har sowal:

Daniel 2:28 Iomraidhean Croise

1. Mose 40:8

Penan yon ap leste: “Mer dam souni. Oun kek hi koy, kay penell nashte, hoy mare sounya menge penenna.” Penas o Yosef ap lende: “O Devel penell nay, hoy kol sounya penenna. Penenn t'mare sounya mange!”

1. Mose 41:16

Koy penas o Yosef ap o baro rayeste: “Me nay krau kova gar. O Devel penella, hoy o baro rayeske mishto hi.”

1. Mose 41:25

O Yosef penas ap o baro rayeste: “O baro rayeskre douy sounya hi yek souni. Hoy o Devel kamell te krell, sikras yob toute.

1. Mose 49:1

Oun o Yakob das peskre čaven gole oun penas: Avenn khetne! Me penau t'menge, hoy t'menge djala an ko tsiro, kay vella.

Debleskri gili 115:3

Maro Devel hi an o bolepen, oun yob nay krell lauter, hoy lo kamella.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Jeremia 10:7

Hakeno hounte trashell toutar oun hounte hadell tout. Tou hal o baro ray pral i themma! Ap toute hounte shounenn le. Mashkral kol tsele gosevende oun bare rayende ap kay phoub hi kek yaake har tou hal.

Jeremia 30:24

O baro Debleskri rholi moukell gar tele, bis te kras lo, hoy les glan hi. I tsiro vell, kay hayvenn t'mer kova.

Jeremia 48:47

I dives vell, kay krau me, te vell i menshenge dran o them Moab pale lauter mishto, penell o baro Devel. Kate herell pre, hoy o Yeremia pral o them Moab penas.

Ezekiel 28:3

Hi čačo, tou hal gosveder har o Daniel, oun hayveh halauter.

Ezekiel 38:16

Oun tou djah ap mire menshen Israel pre, oun tire lourde čakrenn o them har i folka. An o palstouno tsiro vell kova yaake, te moukau tout pral miro them te vell, te nay dikenn i menshe an vavar themma, koon me hom. Te dikenn le hoy krau touha, Gog, hayvenn le, te hom me o Devel.

Ezekiel 38:8

Boud bersha djan gomme trouyel bis te venn t'mer khetne gole dino o kourepaske. Pal i rah tsiro djas tou tire lourdentsa an i them, hoy pal i kourepen pale neves kerdo vas, oun koleskre menshe dran boud themma khetne anlo van, te djivenn le ap i berge an Israel. I rah tsiro his kava them vi-meredo. Kanna van leskre menshe vin anlo dran boud themma, oun djivenn kote kek daryah.

Daniel 1:20

Oun an hako koova, hoy o baro ray lendar poučas, his yon deesh kope gosveder oun hayvan boudeder har i tsele dourkepangre oun dravepangre an i tsele themma, kay o Neboukadnezar baro ray his.

Daniel 10:14

Kanna vom me, te penap touke, hoy tire menshenge djal an kol divessa, kay venna, oun kanna gomme dour glan mende hi. Ninna kava dikepen vell čačo an o tsiro, kay gomme dour krik hi.”

Daniel 2:18

te mangenn le o bolepaskro Debles, te vell lo lenge lačes, oun te sikrell lo len ko khatedo koova, yaake te venn yon gar maredo khetne kol vavar sikle morshentsa an o them Babilonia.

Daniel 2:22

Yob čakrella pre oun sikrell, hoy khatedo hi, oun djinell, hoy an o tamlepen hi; pash leste hi kek tamlepen.

Daniel 2:44

Oun an ko tsiro, kay kol bare raya djivenna, krell o bolepaskro Devel yek them, hoy an kek tsiro paash kerdo nay vell. Kava them vell an kek tsiro vavar menshendar dren lino. Leskro baro ray krell kol vavar rayengre themma paash, oun leskri zoor ačell hako tsireske.

Daniel 2:45

Kova kamell ko bar te penell, hoy tou dikal, koles kek mensho vitsras. Tou dikal, har vas lo i berga tele oun das koy figura dran saster, lolo saster, phoubyakri čik, roup oun sonakay, an tikne kotya. Yaake moukell tout o baro Devel te djinell, hoy pal kava vella. Oun kay souni penell o čačepen. Oun hoy me penom, hoy kay souni kamell te penell, hi ninna čačo.”

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 4:5

Oun o palstouno, koon glan mande vas, his o Daniel, kova kanna Beltsazar kharell pal o lab miro deblestar. Oun an leste hi o dourho o bolepangre deblendar. Oun ap leste penom:

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

4. Mose 24:14

Oun kanna djau pash mire menshende. Glan kova kamau touke te penell, hoy kal menshe tire menshenge krenna an o tsiro, hoy vella!”

Mateo 6:9

T'mer te rakrenn o Debleha, penenn: Maro dad an o bolepen. Tiro lab vell sharedo!

5. Mose 31:19

Oun kanna, čin an i liil kay gili, hoy touke penau, oun anenn lat lenge pashel, te nay givenn le lat. Yaake te nay penau me, te dom len trad kay gilyah.

5. Mose 4:30

An ko tsiro, hoy vella, kay ap t'mende ko tselo koova vas, hoy t'menge penom, an kol djoungele phare divessa venn t'mer pale pash t'maro baro Debleste, oun krenn, hoy yob t'menge penell.

2. Timoteo 3:1

Kova hounte djiness tou: Glan ko tsiro, kay i phoub tele djala, vell i pharo tsiro ap i menshende.

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

2. Petro 3:3

Me kamau, te djinenn t'mer, glan ko tsiro, kay o Yezous Kristo pale vella, venna menshe pash t'mende, kay san pral t'maro patsepen. Kolla djivenn yaake har yon kamenna,

Debleskro tsiro 1:1

An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro