Daniel 2:23 - O Debleskro Lab 2024 (Sinte-Manouche)

²³ Tou, o Devel mire phourendar, pash toute parkrau man oun tout sharau, te dal man gosvepen oun zoor, oun moukal man te djinell, hoy toutar mangam, oun sikral man kova, hoy o baro ray kamell te djinell.

O Debleskro Drom 2021 (Sinte)

²³ Tu, o Dewel mire phurendar, pash tute parkrau man un tut sharau, te dal man goswepen un soor, un mukal man te djinell, hoi tutar mangam, un sikral man kowa, hoi o baro rai kamell te djinell.

Daniel 2:23 Iomraidhean Croise

1. Mose 18:17

Koy penas o baro Devel peske: “Penap me o Abrahameske gar, hoy me kamau te krell? Na-a!

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

1. Rajengro liil 18:36

Oun har ko tsiro vas, kay rati o Debleskro rhapen anlo vas, djas o Eliya pash koy rhačepaskri oun kharas: “Baro Devel, tou o Devel o Abrahamestar, o Isaakestar oun o Israelestar, kava dives mou vell diklo, kay tou hal o Devel an Israel, oun me hom tiro boudepaskro, oun krom kava tselo koova yaake, har tou mange penal.

1. Rajengro liil 8:57

Mou ačell maro baro Devel mentsa, yaake har yob mare phourentsa his, te ačell lo pash mende oun moukell men gar kokres!

1. Familjakro liil 29:10

oun sharas o baro Debles glan i tsele menshende, oun penas: Baro Devel, tou Devel maro dadestar Israel, mer sharah tout kanna oun hako tsiro.

1. Familjakro liil 29:13

Maro Devel, mer parkrah men pash toute, oun sharah tiro raylo lab.

2. Familjakro liil 20:6

Oun yob penas: “Baro Devel, tou Devel mare phourendar, tou hal o Devel an o bolepen oun o ray pral i tsele raya oun lengre themma ap kay phoub. Oun an tiro vast hi i zoor oun o penepaske pral halauter, oun kote hi kek, kay nay vell zorleder har tou.

Debleskri gili 21:2

Baro Devel, har barhtelo hi o baro ray pral tiri zoor! Tou hal ap leskri rig. Doleske bashrell leskro dji.

Debleskri gili 21:4

Tou čoral pral leste barht pral barht, čival shereskro sonakay ap leskro shero.

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.

Debleskri gili 50:14

Kova, hoy toutar kamau, hi, te parkress tout pash mande, tiro Debleste, oun te rikress tiri sovel, hoy dal tou mande, o pralstuneste.

Gosewe laba 21:22

I gosevo morsh nay djal pre ap i foro, kay lauter čače kourepangre dren hi, oun phagell ko foro tele, kolestar yon patsan, te hi lo zoreles tardo.

Gosewe laba 24:5

I gosevo morsh hi har i zorelo, oun yek, kay boud djinell, an koleste hi pherdi zoor.

Gosewe laba 8:14

Mire labentsa sikrau yekeste o drom, oun krau leskre yaka pre. Djinau, hoy mishto oun gar mishto hi, oun man hi i zoor.

Sikepaskro 7:19

Leskro gosvepen krell o goseves zorleder har deesh zorele pralstoune, kay an o foro garda denna.

Sikepaskro 9:16

Kote penom mange: Ninna te hi o gosvepen feteder har o zorlepen, vell o čorveleskro gosvepen gar an-diklo, oun ap leskre laba vell gar shounlo.

Sikepaskro 9:18

O gosvepen hi boudeder moldo har i zorelo rharo; oun yek dinelo koova krell boud lačo koova paash.

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Daniel 1:17

Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

Daniel 2:18

te mangenn le o bolepaskro Debles, te vell lo lenge lačes, oun te sikrell lo len ko khatedo koova, yaake te venn yon gar maredo khetne kol vavar sikle morshentsa an o them Babilonia.

Amos 3:7

Čačepah, o baro Devel, maro ray, krell či, te rakras lo gar glan kova koy pral ap peskre rakepangre, kay leske koy hi.

Mateo 11:25

Oun ap kava tsiro penas o Yezous: Tata, tou hal o ray pral o bolepen oun i phoub. Me sharau tout. Kova, hoy tou kreh, sikral tou kolende, kay gar boud djinenna. Kolla, kay gosevo hi oun boud djinenna, kolla hayvenn kova gar.

Louka 10:21

An ko tsiro das o Debleskro Dourho o Yezouses i bari barht an o dji. Oun yob penas: “Tata, tou hal o ray pral o bolepen oun i phoub, oun me sharau tout. Kova, hoy tou kreh, sikral tou kolende, kay gar boud djinenna. Oun kolla, kay gosevo hi oun boud djinenna, kolla hayvenn kova gar. Ava, yaake kamal tou kova.

Johanni 11:41

Koy čivan le ko bar ap i rig. Oun o Yezous dikas pre, oun penas: “Tata, me parkrau man, kay shounal man.

Johanni 15:15

T'mer han mange bouder gar boudepangre. I boudepaskro djinell gar, hoy leskro ray krella. T'menge penom halauter, hoy shounom miro dadestar. Doleske han t'mer kanna mire mala.

Debleskro tsiro 1:1

An kava liil hi kova činlo, hoy o Devel moukas o Yezous Kristes te dikell, te sikrell yob peskre boudepangren, hoy an i tikno tsiro hounte vella. Oun o Yezous Kristo bičras peskro bolepaskres pash mande, te sikrell lo mande kava lauter. Me, o Yohanni, hom leskro boudepaskro

Debleskro tsiro 5:5

Oun yek kol čačepangre phourendar penas ap mande: “Ma rob! Dik, yek las i zoor o Deblestar pral o čilačepen oun o merepen, oun hi moldo, te krell lo ko liil pre, te dikell lo dren. Yob hi kova, kay kharenn le levo, kay vell dran o them Youda. Yob hi o Davideskro čavo.”