Daniel 2:22 - O Debleskro Lab 2024 (Sinte-Manouche)

²² Yob čakrella pre oun sikrell, hoy khatedo hi, oun djinell, hoy an o tamlepen hi; pash leste hi kek tamlepen.

O Debleskro Drom 2021 (Sinte)

²² Job tchakrella pre un sikrell, hoi khatedo hi, un djinell, hoi an o tamlepen hi; pash leste hi kek tamlepen.

Daniel 2:22 Iomraidhean Croise

1. Mose 41:16

Koy penas o Yosef ap o baro rayeste: “Me nay krau kova gar. O Devel penella, hoy o baro rayeske mishto hi.”

Hiob 12:22

Yob anell kova glan, hoy khatedo his an o kalo telstunepen, oun krell, te vell o tamlepen diklo.

Hiob 26:6

O moulengro them hi pre čakedo čiddo glan o Debleste. Či khatrell les glan leskre yaka.

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.

Debleskri gili 36:9

Tou čoreh pral lende lačo koova dran o bravlepen an tiro kheer. Oun deh len tiro lačepen te piyell, har te piyans le lačo pani.

Sikepaskro 8:1

Kay hi ko mensho, kay hi čačepah gosevo? Kay hi kova, kay hayvell te penell, hoske čomone yaake hi har kova hi? Dik i menshes an i yaka, palle nay peneh, hi lo gosevo oder gar. Te hi lo gosevo, palle dikell lo lačes ap i vavareste. Leskro gosvepen lell leskri rholi krik.

Jesaja 41:22

Anenn t'mare deblen, te penenn le menge, hoy vella an ko tsiro, hoy vella. Poučenn lendar, hoy penan le glan-vi an o phouro tsiro, te dikas, te vas kova yaake. Te nay krenn le kova gar, moukenn men kova te shounell, hoy gomme vell!

Jesaja 41:26

Koon t'mendar penas kova glan-vi, yaake te nay djinams kava? Koon t'mendar rakras kolestar glan i tsiro, yaake te nay penams: Čačo hi! Kek t'mendar hi koy, kay kova glan-vi penas, kek, kay rakras kolestar. Kekestar shounam, kay rakras save laba.

Jesaja 42:9

Kova, hoy glan i rah tsiro penom, kova vas. Kanna penau nevo koova glan-vi. Glan o tsiro, kay kova vella, moukau me les t'men te shounell.

Jesaja 45:7

Me hom kova, kay krell, te vell dives oun rati. Me hom kova, kay dell barht oun bibarht. Me, o baro Devel, krau kova lauter.

Jeremia 23:24

Kek nay khatrell pes yaake čorrhanes, te dikau les gar, penell o baro Devel. Kek platsa hi an o bolepen oun ap i phoub, kay me gar hom. penell o baro Devel.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Daniel 2:11

Kova, hoy tou, baro ray, kay kameh, hi yaake pharo, te nay penell kova kek, kokres i debla. Oun kolla djivenn gar pash i menshende.”

Daniel 2:19

Oun an i rati dikas o Daniel i dikepen oun leske vas koy souni sikedo. Oun o Daniel sharas o bolepaskro Debles,

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 5:11

Koy hi i morsh an tiro them, an koleste hi o dourho i bolepangre deblendar. An kol divessa, har tiro dad o baro ray his, sikras pes, kay an leste yaake boud gosvepen hi har i deblen hi. Yob hayvell oun djinell, hoy kek vavar hayvell oun djinell. Oun tiro dad Neboukadnezar čivas les pral i tsele dourkepangre oun dravepangre oun pral kolende, kay an i bolepangre momlia draverenn, oun kay i moulen poučenn.

Daniel 5:14

Me shounom, te hi o dourho o bolepangre deblendar an toute. Ninna vell touke kova siklo, hoy i vavarenge khatedo ačell, oun hal gosevo oun djineh boud koova.

Mateo 13:13

Doleske rakrau save laba ap lende, kay hi i khatedo čačepen dren. Kal menshe dikenn, hoy krau. Oun yon krenna, har te dikans le les gar. Oun yon shounenn, hoy penau, oun hayvenn kova gar.

Johanni 1:9

Koy čači momeli vas ap i phoub, te rhačell li hakeneske.

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

Efesarja 3:5

An o phouro tsiro djinan i menshe kova gar. Kanna djinenn les o Debleskre bičepangre oun rakepangre. Lenge čivas les o Debleskro Dourho an o dji.

5. Mose 29:28

Kova hoy khatedo hi, djinell kokres maro baro Devel. Mende sikras lo, hoy lo mendar kamell, te djivas mer pal kal tsele laba, hoy an kava čačepaskro liil činlo hi. Kova hi menge oun mare čavenge hako tsireske.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

1. Johanni 1:5

Kova, hoy t'menge penah, shounam o Yezous Kristestar. Lestar shounam, kay hi lauter lačepen an o Debleste. Oun kek čilačepen hi an leste. O Devel hi har o dives oun kek tamlepen hi an leste.