Daniel 2:14 - O Debleskro Lab 2024 (Sinte-Manouche)

¹⁴ Koy djas o Daniel pash o pralstouno lourdeste kolendar, kay dan yak ap o baro rayeste. Leskro lab his Aryok. Yob his kova, kay vin djas, te marell lo i sikle morshen an o them Babilonia. Oun o Daniel rakras goseve labentsa leha oun poučas lestar:

O Debleskro Drom 2021 (Sinte)

¹⁴ Koi djas o Daniel pash o pralstuno lurdeste kolendar, kai dan jak ap o baro rajeste. Leskro lab his Arjoch. Job his kowa, kai win djas, te marell lo i sikle murshen an o them Babilonia. Un o Daniel rakras gosewe labentsa leha un putchas lestar:

Daniel 2:14 Iomraidhean Croise

1. Mose 37:36

Oun i parepangre dran o them Midian bikran o Yosefes an o them Egiptia ap yekeste kol rayendar, kay an o baro rayeskro kheer hi. Leskro lab his Potifar. Yob his o pralstouno kolendar, kay denn garda ap o baro rayeste pral o them Egiptia.

Jeremia 39:9

O pralstouno i lourdendar – leskro lab his Nebouzaradan – kova anas kolen, kay gomme an o foro his, ninna kolen, kay pash lende vergel nashan, pandles an o them Babilonia.

Jeremia 52:12

O baro rayes pral o them Babilonia, o Neboukadnezar, his i baro lourdo, koles boud penepaske his. Koleskro lab his Nebouzaradan. Yob his o pralstouno pral i lourdende. Har his o Neboukadnezar an o deesh-te-enyato bersh o baro ray pral o them Babilonia, koy vas o Nebouzaradan ap o deshto dives an o pančto čon an o foro Yerusalem.

Jeremia 52:14

Oun kol tsele lourde dran o them Babilonia, kay leha van, phagan i tsele massurya troul o foro Yerusalem tele.

Daniel 2:15

“Hoske rakras o baro ray savi phari phagi vin?” Oun o Aryok penas o Danieleske, hoy djas.

Daniel 2:24

Oun o Daniel djas dren pash o Aryok, koles o baro ray bičras, te marell lo i siklen an o them Babilonia. Oun o Daniel penas ap leste: “Ma mare i siklen dran Babilonia! An man pash o baro rayeste, te nay penap me leske, hoy leskri souni kamell te penell.”