Daniel 12:9 - O Debleskro Lab 2024 (Sinte-Manouche)

⁹ Oun yob penas: “Dja koy, Daniel! Kal laba ačenn khatedo oun dre-pandlo, bis te vell ko tsiro, kay i phoub bouder gar rah koy hi.

O Debleskro Drom 2021 (Sinte)

⁹ Un job penas: “Dja koi, Daniel! Kal laba atchenn khatedo un dre-pandlo, bis te well ko tsiro, kai i phub buder gar rah koi hi.

Daniel 12:9 Iomraidhean Croise

Jesaja 29:11

Lauter, hoy t'men o Devel sikras, hi t'menge har i laba an i liil, hoy krell nay kek pre. Kova hi yaake, har te dals yek i liil yekeste, kay hayvell te draverell, oun penell leske: Drave mange glan, hoy tardo hi. Oun kova penell: Kova djal gar, ko liil nay krell kek pre.

Jesaja 8:16

T'mer, kay shounenn ap mande, pandenn kava liil, kay činlo hi, hoy o Devel mande sikras, oun denn yak ap kol laba!

Daniel 10:14

Kanna vom me, te penap touke, hoy tire menshenge djal an kol divessa, kay venna, oun kanna gomme dour glan mende hi. Ninna kava dikepen vell čačo an o tsiro, kay gomme dour krik hi.”

Daniel 11:40

Oun an ko tsiro, kay i phoub bouder gar rah koy hi, djal o baro ray pral o them Egiptia ap leste pre. Oun o baro ray pral o them Syria dell i zoryah pale, oun vell peskre kourepangre vourdyentsa oun peskre lourdentsa, kay ap i graya klissenna oun boud shiffe. Oun zoryah perell lo an i themma dren; har i baro zorelo pani vell lo pral lende.

Daniel 12:4

Oun tou Daniel, rike kava lab khatemen. Oun pande i dori troul kava liil oun čip tiro sikepen pre, te nay krell les kek pre, bis ko tsiro vella, kay i phoub bouder gar rah koy hi. Palle rodenn boud koy dren oun hayvenn boud oun boudeder.

Daniel 12:8

Oun me shounom kova oun hayvom les gar. Oun me penom: “Miro ray, har djal lauter vin?”

Daniel 8:26

Oun kava dikepen, hoy dikal, oun kova hoy touke penlo vas pral kol firhende, hoy o Debleske bouder gar haki rati oun haki tsalla anlo van, kova hi o čačepen. Hi gomme i rah tsiro, bis te kova yaake vella. Doleske rike les khatedo oun ma rake kolestar!”

Debleskro tsiro 10:4

Har me kamom kol laba, hoy shounom, pre te činell, penas yek dran o bolepen ap mande: “Ma čin ko bolepaskro rakepen pre, te djinell les kek!”