Daniel 12:8 - O Debleskro Lab 2024 (Sinte-Manouche)

⁸ Oun me shounom kova oun hayvom les gar. Oun me penom: “Miro ray, har djal lauter vin?”

O Debleskro Drom 2021 (Sinte)

⁸ Un me shunom kowa un haiwom les gar. Un me penom: “Miro rai, har djal lauter win?”

Daniel 12:8 Iomraidhean Croise

Daniel 10:14

Kanna vom me, te penap touke, hoy tire menshenge djal an kol divessa, kay venna, oun kanna gomme dour glan mende hi. Ninna kava dikepen vell čačo an o tsiro, kay gomme dour krik hi.”

Daniel 12:6

Oun yob penas ap ko morsheste, kay an layntikre koola rido his, oun pral ko lengsto pani tardo his: “Kaana hi ko tsiro, kay kava baro zorelo koova pre herella?”

Daniel 12:7

Oun me shounom ko morshes, kay an layntikre koola rido his, oun pral ko lengsto pani tardo his. Oun kova hadas peskro čačo oun peskro servo vast pre ap o bolepen, oun das pes sovel pash koleste, koleskro djipen gar pre herella, oun penas: “Yek tsiro oun douy tsirya oun i paash tsiro. Oun ap ko tsiro, kay o Debleskre menshe pale khetne djivenna, oun bouder gar kate te kote tradedo hi, palle hi kova lauter kerdo.”

Daniel 12:9

Oun yob penas: “Dja koy, Daniel! Kal laba ačenn khatedo oun dre-pandlo, bis te vell ko tsiro, kay i phoub bouder gar rah koy hi.

Daniel 8:13

Oun me shounom i bolepaskres te rakrell. Oun i vavar bolepaskro poučas lestar: “Har rah djal kova, hoy an kava dikepen diklo vas? Har rah vell o Debleske bouder gar kova dino, hoy leske hako dives hounte vals? Oun har rah vell o Debleskro kheer pale-čiddo kerdo, oun ap i bolepangre lourdende trouyel stakedo?”

Louka 18:34

Leskre mala hayvan kek lab. Kova, hoy yob lenge kal labentsa kamas te penell, djas gar an lengro shero dren. Oun yon djinan gar, pral hoy yob rakras.

Johanni 12:16

Ap ko tsiro djinan o Yezouseskre mala gar, kay kova lestar glan i rah tsiro penlo vas. Har o Yezous an o Debleskro raylepen djas, hayvan le, kay i menshe kran leha yaake, har pral leste činlo his.

Bičepangre 1:7

Koy penas o Yezous: “O tsiro, kay o dad kova krella, hi leskro koova. T'mer hounte djinenn kova gar.

1. Petro 1:11

Yon kaman ninna ko tsiro te djinell, kay kova vella. O Yezouseskro Dourho his an lende. Oun kova sikras len kol douka, hoy venna pral o Yezouseste, oun ko raylepen, hoy lell lo pal kova.