Daniel 12:1 - O Debleskro Lab 2024 (Sinte-Manouche)

¹ Oun an ko tsiro stell o bolepaskro Mikael pre, kova, kay ap i rig tire menshendar hi. Ko tsiro hi yaake pharo, har das kek vavar glan kova, yaake rah har menshe koy hi. Oun an ko tsiro venn tire menshe vi-lino dran i bari bibarht, lauter kolla, kay an o Debleskro liil dren činlo hi.

O Debleskro Drom 2021 (Sinte)

¹ Un an ko tsiro stell o bolepaskro Michael pre, kowa, kai ap i rig tire menshendar hi. Ko tsiro hi jaake pharo, har das kek wawar glan kowa, jaake rah har menshe koi hi. Un an ko tsiro wenn tire menshe wi-lino dran i bari bibacht, lauter kolla, kai an o Debleskro liil dren tchinlo hi.

Daniel 12:1 Iomraidhean Croise

Debleskri gili 56:8

Miro Devel, kameh len kek phagi te dell lengro čilačepaske? De kal menshen an tiri rholi khetne!

Debleskri gili 69:28

Čin haki doosh lendar an i liil; yaake te moukess len tou gar an tiro čačepen te vell.

Jesaja 4:3

Oun kolla, kay djides ačan an Yerusalem, oun pral ačan ap i berga Sion, kolla venn kharedo Debleskre menshe. Lengre laba hi činlo an o liil, kay kolla o djipaske an o foro Yerusalem dren činlo hi.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Jeremia 30:10

Doleske ma dare, tou, miro boudepaskro Yakob! Ma traash, Israel, penell o baro Devel. Shoun, me lau tout oun tire čaven vin dran ko dour them, kay pandle han. T'mer venn khere an t'maro them. Kote djal t'menge mishto. Kek krell t'menge kote čilačepen. Či hounte krell t'menge daar.

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Ezekiel 13:9

Miro vast vell pral kol rakepangre, kay penenn glan-vi, hoy gar čačo hi, oun kay dourkrenn rhorhepen, te dap len i phagi. An o tsillo, kay mire menshe khetne venn, nay venn yon gar dren. Oun an o liil, kay i laba i menshendar dran Israel dren činlo hi, venn lengre laba gar dren činlo. Oun an o them Israel venn le gar palpale. Palle dikenn oun hayvenn t'mer, te hom me o baro Devel, t'maro ray.

Ezekiel 34:24

Oun me, o baro Devel, vau lengro Devel. Oun ko morsh, kay hi har miro boudepaskro, o David, vell o ray mank lende. Kava penau me, o baro Devel.

Ezekiel 5:9

Oun me kamau t'mentsa yaake te krell, har kova kekeha krom, oun vitar gar krau an ko tsiro, hoy vella. Kava krau doleske, kay kran savo boud djoungelo koova.

Daniel 10:13

Oun o bolepaskro, kay ray hi pral o them Persia čivas pes mange an o drom 21 (biish-te-yek) divessa. Oun yek kol glanstunendar mank i bolepangre, o Mikael, vas ap miri rig, har homs kote pash i rayende pral o them Persia.

Daniel 11:45

Oun yob čivell peskre kouč plarhtene khera pre mashkral o baro pani oun o Debleskri berga. Oun kote vell leske o merepen, oun kek vell ap leskri rig.

Daniel 7:10

Oun i lengsti yag das lestar karye vin. Oun leske boudran zerya kope zerya. Oun deesh-zerya kope deesh-zerya his glan leste tardo. Oun i čačepangre raya beshan pen, oun i lila van pre kerdo.

Daniel 9:12

Oun tou rikral tiro lab oun anal kova, hoy penal, pral mende oun pral mare čačepangre morshende, hoy menge o čačepen vin krenn. Koy bibarht, hoy moukal pral mende te vell, his yaake baro, te vas tel o tselo bolepen sau koova gar diklo har kova, hoy an o foro Yerusalem djas.

Joel 2:2

Kova hi i kalo dives, i tamlo dives, pherde volke. Yaake sik har o kham pre djal pral i berge, venn boud boud lourde pral o them, kolla hi yaake zorelo oun yaake boud, har gomme gar koy his, oun vitar bouder gar vella an kek tsiro.

Maleachi 3:16

Koy rakran kolla mank pende, kay djivenn o baro Debleha. Oun o baro Devel das yak ap lengre laba oun shounas, hoy le penenn, oun moukas len an i liil dren te činell, te venn le gar bistedo. An kava liil hi kolla dren tardo, kay djivan leha, oun hadan leskro lab.

Mateo 24:21

Ko tsiro vella djoungleder har halauter, hoy ap i menshende vas, yaake rah, har i phoub tardo hi. Oun ko tsiro, hoy vell pal kova, vell vitar gar yaake čilačo.

Markus 13:19

Kova, hoy an kol divessa pral i menshende vella, hi djoungleder har ko tselo čilačo koova, hoy ap i menshende vas yaake rah, har o Devel i phoub kras. Oun ko tsiro, hoy vell pal kova, vell vitar gar yaake čilačo.

Louka 10:20

Avenn gar barhtelo, te shounenn i benga ap t'mende! Avenn barhtelo, kay t'maro lab an o bolepen dren činlo hi!”

Remarja 11:15

Har yon ap i rig čiddo van, nay van i vavar menshe ap i phoub pash o Debleste. Yaake vas dran i čilačo koova i lačo koova. Har boud shoukeder vell kova, te venn i bibolde pale pash o Debleste. Kova hi yaake shoukar, har te vans le moulo oun palle djido.

Remarja 11:26

Pal kova venn i tsele bibolde ninna ap o Yezouseskro drom. An o Debleskro lab hi činlo: Dran o foro Sion vell kova, kay lell o tselo čilačepen o Yakobeskre čavendar krik.

Efesarja 1:21

oun das halauter an leskre vasta, te vell lo o ray pral i tsele rayende oun pralstunende, zorele oun bare. Kekeskro lab hi bareder har leskro lab an kava tsiro, oun ninna an ko tsiro, hoy vella.

Filiparja 4:3

Me mangau ninna tout, miro lačo males, ab lenge ap i rig! Har sikrom i menshenge o Yezouseskro drom, boudran le khetne mantsa oun o phraleha, o Klemens, oun kol vavarentsa, kolengre laba hi činlo an o Debleskro liil, kay halauter dren činlo hi, kay lenn o Debleskro djipen.

Judas 1:9

O Debleskro baro bolepaskro, leskro lab hi Mikael, las peske gar vin, te praasell lo o benges, har yob čingras pes o bengeha, koon lendar lals o moulo Moses. Yob penas leske kokres: “O Devel, maro ray, dell tout i phagi!”

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.

Debleskro tsiro 12:7

Oun an o bolepen vas i baro kourepen: O Mikael oun leskre bolepangre kouran pen o baro lolo sapeha oun leskre kourepangre.

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Debleskro tsiro 20:12

Oun me dikom i moulen: i bare har i tikne. Yon his tardo glan o Debleskro beshepaskro. Oun lila van pre kerdo, kay činlo hi, hoy i menshe kran. Pale vas ko djipaskro liil pre kerdo, kay kolla dren činlo hi, kay djivenna hako tsiro. Oun o čačepen vas vi-rakedo pral kol tsele moulende yaake, har an i lila dren činlo hi.

Debleskro tsiro 3:5

Kova, kay zoreles an o patsepen ačas, oun gar pre das, kova lella parne ripya. Oun leskro lab lau me gar vin dran o liil, kay i djide dren činlo hi. Ninna penau glan miro dadeste oun glan leskre bolepangre, kay yob hi miro.

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”