Daniel 11:45 - O Debleskro Lab 2024 (Sinte-Manouche)

⁴⁵ Oun yob čivell peskre kouč plarhtene khera pre mashkral o baro pani oun o Debleskri berga. Oun kote vell leske o merepen, oun kek vell ap leskri rig.

O Debleskro Drom 2021 (Sinte)

⁴⁵ Un job tchiwell peskre kutch plachtene khera pre mashkral o baro pani un o Debleskri berga. Un kote well leske o merepen, un kek well ap leskri rig.

Daniel 11:45 Iomraidhean Croise

Debleskri gili 48:2

O baro Devel, zorelo hi lo! Maro Devel, moldo hi lo, te sharas les an peskro foro, hoy hi pral ap koy berga, kay yob djivella.

Jesaja 10:12

An ko tsiro, kay kras o baro Devel, maro ray, lauter, hoy yob peske glan las, te krell lo ap i berga Sion oun an Yerusalem, lell lo peske o baro rayes o themestar Assour glan, koleskro dji yaake pre-phourdo hi, oun koleskre yaka tele dikenn ap i vavarende.

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Jesaja 14:13

Oun tou penal touke an tiro dji: “Me kamau pre te djal an o bolepen, pral i tsele bolepaskre momlia o Deblestar kamau me miri beshepaskri pre te čivell, oun man beshell kote ap i berga, kay i debla khetne venn, kote kay o kham gar diklo vell.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Jesaja 27:13

Oun ap ko dives vell an i bari phourdepaskri phourdedo. Oun i Israelitarya, kay his nashedo an o them Assour, oun kay his vin tradedo an o them Egiptia, kolla lauter venna oun mangenn o baro Debles an ap o Debleskri berga an o foro Yerusalem.

Jesaja 65:25

O divyo djouklo oun o terno bakro rhan khetne yek pash o vavar. Oun o levo rhal phouss har i groumni, oun o sap hounte rhal čik. Kek krell čomone, hoy douka anell, vitar či, hoy čilačo hi ap miri tseli berga, kay djivau, penell o baro Devel.

Jesaja 66:20

Oun kolla anenn t'mare phralen dran i tsele themma pale, te denn le len o baro Debleske. Ap miri berga an Yerusalem anenn le len ap graya, oun ap vourdya, hoy pre hi, oun an vourdya, hoy pandlo hi, ap maultikre bourike oun ninna ap khamele, penell o baro Devel. Yon anenn len yaake har i Israelitarya anan djob an djoudje čare an o baro Debleskro kheer.

Ezekiel 39:2

Oun krau, te rissress tout trouyel, oun tserdau tout vin dran ko them, hoy dour krik kote hi, kay norden hi. Oun me anau tout ap i berge Israel.

Daniel 11:16

Oun ko baro ray dran o them Syria krell lentsa, hoy yob kamell. Oun kek nay ačell glan leste tardo. Oun yob peskre lourdentsa vell ninna an o raylo them, oun stakrell les khetne.

Daniel 11:41

Oun yob perell dren an o raylo them. Oun boud merenn kote. Kalla, kay nashenn dran leskro vast, hi i menshe dran i themma Edom oun Moab, oun i pralstoune i menshendar dran o them Ammon.

Daniel 11:44

Palle shounell lo, hoy rakedo vell kolestar, hoy djas an o them, kay glan leste hi, kote kay o kham pre djal, oun an ko them, kay serves lestar hi. Oun ko rakepen krell leske daar. Oun i bari rholyah djal lo vin, te dell lo boud menshen moulo.

Daniel 2:35

Koy djas i tseli figura paash. Oun o saster, i phoubyakri čik, o lolo saster, o roup oun o sonakay peran khetne an tikne kotya. Oun i dourho phourdas len krik har phouss. Oun kek nay hatsas len bouder. Oun ko bar, hoy koy figura khetne das, vas i bari berga, oun las i tseli phoub dren.

Daniel 7:26

Pal kova vell o bolepaskro tsillo, oun o čačepen vell vi-rakedo. Oun ko rayestar vell peskri zoor krik lino, te hi lo bouder kek ray. Oun lestar ačell či bouder pral.

Daniel 8:25

Peskro gosvepah rhorhell lo boud menshen. Oun yob phourdell pes pre oun djal ap boudende oun marell kolen, kay patsenn, te krell lo lenge či. Oun ninna hadell lo pes pral o pralstouno rayeste. Oun palle vell yob phagedo kek mensheskro vasteha.

Daniel 9:16

Ah, maro ray, kre pal tiro tselo čačepen! Oun mouk tiri rholi pale te djal! Ab bouder gar rhoyedo ap tiro foro Yerusalem oun ap koy berga, kay tou djival. Mer oun mare phoure anam doosh ap mende oun kram čilačo koova. Oun kolla lauter, kay djivenn troul mende, praasenn doleske tiro fores Yerusalem oun tire menshen.

Daniel 9:20

Oun har me yaake miro baro Debleha rakrom, oun man tele mangom, oun leske miri doosh oun i doosh mire menshendar Israel penom, oun me glan leste troul o Debleskri berga rovom,

Joel 2:20

Oun me tradau kol boud lourden krik t'mendar, kay venn koy rigyatar, kay norden hi. Kolla lendar, kay djan glanstounes, tradau an o Moulo Baro Pani, oun kolla, kay venn palstounes, tradau an o Mashkralstouno Baro Pani; oun i tsele vavar lourden tradau an i divyo tato them. Kote merenn le. Oun lengri khand djal pre. Yaake lenn le pengri phagi ko boud čilačepaske, hoy le kran.

Micha 4:2

Boud menshe dran vavar themma venn kay, oun penenn: “Avenn, djas pral ap i berga o baro Deblestar, pash ko kheer kolestar, kay o Yakobeskro Devel hi. Kote sikrell yob mende, har te djas ap leskro drom, te djivas mer yaake har yob kamell.” I berga Sion hi koy platsa, kay sikrell yob i menshende, hoy lo lendar kamell. Oun dran Yerusalem djan save menshe vin, kay penenn i vavarenge o baro Debleskro lab.

Zakarie 14:8

An ko tsiro nashenn djide panya dran o foro Yerusalem vin. Ko yek paash nashell an o baro pani, hoy kote hi, kay o kham pre djal. Ko vavar paash nashell an o baro pani, hoy kote hi, kay o kham tele djal. Ko pani nashell an i niyal har an o vend.

4. Mose 34:5

Foun Azmon djal ko them bis pash koy tala, pal late o them Egiptia hi, oun doureder bis pash o Mashkralstouno Baro Pani.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

2. Tessalonikarja 2:8

palle sikrell pes ko čilačo mensho, har yob čačepah hi. Koles marell maro ray Yezous ap ko dives, kay vell lo pale. Yob phourdell ap leste, oun kova merella.

Debleskro tsiro 13:10

Koon stildo hounte vell, kova vell stildo. Koon o rhareha maredo hounte vell, kova vell o rhareha maredo. Doleske hounte venn o Debleskre menshe zoreles tardo an o patsepen, te denn le gar pre.

Debleskro tsiro 20:2

Oun yob tapras ko baro lolo sap, kova hi ko phouro sap, hoy kharella ninna Beng oun Satan, oun pandas les, oun vitsras les an o telstunepen, te ačell lo kote yek zero (1.000) bersh pandlo. Oun o bolepaskro pandas i voudar tele, hoy anell an o telstunepen, yaake te krell kek o telstunepen pale pre. Oun an ko zero bersh nay anell o beng i menshen bouder gar o Debleskro dromestar tele. Pal ko tsiro hounte vell lo i tikno tsiro vin mouklo.

Debleskro tsiro 20:9

Oun yon djan pral i tseli phoub, oun ačenn troul ko foro tardo, kay o Debleskre menshe djivenna. Kova hi ko foro, koles o Devel kamella o tselo djiyestar. Oun palle vell i yag dran o bolepen oun rhačrell kol tsele kourepangren pre.