Daniel 11:44 - O Debleskro Lab 2024 (Sinte-Manouche)

⁴⁴ Palle shounell lo, hoy rakedo vell kolestar, hoy djas an o them, kay glan leste hi, kote kay o kham pre djal, oun an ko them, kay serves lestar hi. Oun ko rakepen krell leske daar. Oun i bari rholyah djal lo vin, te dell lo boud menshen moulo.

O Debleskro Drom 2021 (Sinte)

⁴⁴ Palle shunell lo, hoi rakedo well kolestar, hoi djas an o them, kai glan leste hi, kote kai o kham pre djal, un an ko them, kai serwes lestar hi. Un ko rakepen krell leske daar. Un i bari choljah djal lo win, te dell lo bud menshen mulo.

Daniel 11:44 Iomraidhean Croise

Daniel 11:11

Oun o baro rayes pral o them Egiptia taprell bari rholi. Oun yob djal vin, te kourell lo pes o baro rayeha pral o them Syria. Oun kova lell boud lourden khetne. Oun yon lauter venn an o vavareskro vast dino,

Daniel 11:30

Kotar, kay o panyeskro them Kittim hi, venna shiffe oun djan yaake khatar leste, te taprell les i daar. Oun yob djal pale. Palle vell lo rhoyedo ap o Debleskre menshende oun lengro patsepen oun krell lenge čilačepen, oun čivell pes kolentsa khetne, kay o Debleskro drom moukan.

Daniel 11:43

O tselo bravlepen an o them Egiptia, o sonakay oun o roup oun o tselo kouč koova perell an leskro vast. Oun menshe dran i themma Libia oun Koush hounte djan leske palla, oun hounte boudrenn leske.

Daniel 11:45

Oun yob čivell peskre kouč plarhtene khera pre mashkral o baro pani oun o Debleskri berga. Oun kote vell leske o merepen, oun kek vell ap leskri rig.

Debleskro tsiro 16:12

Oun o shobto bolepaskro čoras peskro čaro vin pral o baro pani, hoy kharella Eufrat. Oun ko pani djas pale. Yaake vas i drom kerdo kol rayenge, kay venna dran o them, kay o kham pre djal.

Debleskro tsiro 17:13

Kolla rikrenn khetne, te denn le pengri zoor ko firhes, te vell koles boud penepaske.