Daniel 11:37 - O Debleskro Lab 2024 (Sinte-Manouche)

³⁷ Oun o baro ray hadell vitar gar ko debles peskre phourendar. Na-a, kek vavar debles sharell lo, vitar gar ko debles, koles i djouvya an-mangenn. Yob čivell pes pral halauter.

O Debleskro Drom 2021 (Sinte)

³⁷ Un o baro rai hadell witar gar ko debles peskre phurendar. Na-a, kek wawar debles sharell lo, witar gar ko debles, koles i djuwja an-mangenn. Job tchiwell pes pral halauter.

Daniel 11:37 Iomraidhean Croise

1. Mose 3:16

Ap i romyate penas o Devel: “Me kamau touke phares te krell, te veh an vavar koova. Doukentsa aneh tou čaven ap i phoub. Oun tiro dji dell gole pal tiro romeste. Yob hi pral toute o ray.”

1. Mose 3:5

O Devel djinell, kay djana t'menge i yaka pre ap ko dives, kay rhan ko roukestar. Oun t'mer venna har o Devel oun djinenna, hoy lačo oun čilačo hi.”

Kamlepaskri gili 7:10

Tire čoumma hi mange har i lači mool, hoy nashell pral miro mouy oun mire danda.

Jesaja 14:13

Oun tou penal touke an tiro dji: “Me kamau pre te djal an o bolepen, pral i tsele bolepaskre momlia o Deblestar kamau me miri beshepaskri pre te čivell, oun man beshell kote ap i berga, kay i debla khetne venn, kote kay o kham gar diklo vell.

Jesaja 14:14

Me djau doureder pre har i volke hi, oun krau man yaake bares har o Devel, ko pralstouno, hi.”

Ezekiel 24:16

Tou, mensho, djiness, ap yek kopo lau touke ko menshes, kay touke o kamleder hi. Tou kress kek gole oun rovess gar! Kek sva venn dran tire yaka.

Ezekiel 28:2

Tou mensho, pen ap o rayeste pral o foro Tirus: Kava penell o baro Devel, maro ray: Tiro dji hadas pes oun penas: “Me hom i devel! Oun hom beshdo ap i debleskri beshepaskri mashkral dren an baro pani!” Ninna te kreh, har te vals i devel, hal či har i mensho!

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 11:38

Koles yob hadell, kova hi ko devel, kay dell yak ap zorele khera oun forya. Ko debles prindjran leskre phoure gar. Koleste dell lo sonakay, roup, kouč barra oun vavar kouč koova.

Daniel 8:11

Ava, ko shing kras pes bareder har ko ray pral i bolepangre lourdende, oun kras, te anenn o Debleskre rashaya leske bouder gar kol firhen, hoy leske hako dives anlo hounte vans. Oun ninna kras lo o Debleskro kheer pale-čiddo.

5. Mose 21:11

oun yek t'mendar dikell i shoukar djouvel mank kol pandlende, oun kamell lat oun kamell te romedinerell lo lat,

5. Mose 5:21

Ma rode gar, har nay less tou kova touke, hoy i vavares hi: leskri romni, leskro kheer, leskri phoub, leskro boudepaskro, boudepaskretsa, groumni, bourika, či, hoy i vavares hi.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

1. Timoteo 4:3

Yon penenna, te romedineress gar, oun te rhas gar hako rhapen. Koon ap o Yezous Kristeste patsella, oun o čačepen hayvella, nay rhal lauter, te parkrell pes lo pash o Debleste, kay lauter kras.