Daniel 11:36 - O Debleskro Lab 2024 (Sinte-Manouche)

³⁶ Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

O Debleskro Drom 2021 (Sinte)

³⁶ Un ko baro rai krell, hoi job kamell. Job hadell pes un patsell, te hi lo bareder har hako dewel. Ninna pral o pralstuno Debleste rakrell lo sawo koowa, hoi nai rakrell kek win. Un kowa krell lo jek tsireske, un djal leske mishto, bis te well o Debleskri choli pral leste. Palle krell o Dewel, hoi las lo pes glan.

Daniel 11:36 Iomraidhean Croise

Debleskri gili 136:2

Sharenn o Debles, kay hi bareder har i tsele debla. Leskro lačepen ačella hako tsireske!

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Jesaja 10:23

O baro Devel, ko ray pral o bolepen oun i phoub, krell kova, hoy lo peske zoreles glan las: Leskri rholi vell pral o tselo them oun boud merenna.

Jesaja 10:25

An i tikno tsiro rissrau miri rholi t'mendar krik, oun miri rholi perell ap i menshende an o them Assour oun anell lenge o merepen.

Jesaja 10:5

Havi bibarht vell ap i menshende an o them Assour! Har homs rhoyedo ap o Israel, his i Assirya har i kasht an miro vast, koleha i Israelitaryen dom.

Jesaja 14:13

Oun tou penal touke an tiro dji: “Me kamau pre te djal an o bolepen, pral i tsele bolepaskre momlia o Deblestar kamau me miri beshepaskri pre te čivell, oun man beshell kote ap i berga, kay i debla khetne venn, kote kay o kham gar diklo vell.

Jesaja 14:14

Me djau doureder pre har i volke hi, oun krau man yaake bares har o Devel, ko pralstouno, hi.”

Jesaja 26:20

T'mer, mire menshe, djan an t'mare khera! Pandenn i voudya pal t'mende! Khatrenn t'men i tikno tsiro, bis te i rholi trouyel hi.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Jesaja 57:9

Tou djal lačo djeteha pash o debleste Molok, oun ap toute čival boud kouč djet, hoy mishto soungella. Tou bičral morshen an dour themma, bis an o moulengro them, te anenn le touke vavar deblen.

Ezekiel 28:2

Tou mensho, pen ap o rayeste pral o foro Tirus: Kava penell o baro Devel, maro ray: Tiro dji hadas pes oun penas: “Me hom i devel! Oun hom beshdo ap i debleskri beshepaskri mashkral dren an baro pani!” Ninna te kreh, har te vals i devel, hal či har i mensho!

Ezekiel 35:13

Yaake phourdan t'men pre, oun t'maro baro mouyeha hadan t'men pral mande. Me shounom halauter.

Daniel 11:16

Oun ko baro ray dran o them Syria krell lentsa, hoy yob kamell. Oun kek nay ačell glan leste tardo. Oun yob peskre lourdentsa vell ninna an o raylo them, oun stakrell les khetne.

Daniel 11:3

Palle stell i zorelo baro ray pre, koles boud penepaske hi. Kova krell, hoy yob kamell.

Daniel 11:37

Oun o baro ray hadell vitar gar ko debles peskre phourendar. Na-a, kek vavar debles sharell lo, vitar gar ko debles, koles i djouvya an-mangenn. Yob čivell pes pral halauter.

Daniel 12:7

Oun me shounom ko morshes, kay an layntikre koola rido his, oun pral ko lengsto pani tardo his. Oun kova hadas peskro čačo oun peskro servo vast pre ap o bolepen, oun das pes sovel pash koleste, koleskro djipen gar pre herella, oun penas: “Yek tsiro oun douy tsirya oun i paash tsiro. Oun ap ko tsiro, kay o Debleskre menshe pale khetne djivenna, oun bouder gar kate te kote tradedo hi, palle hi kova lauter kerdo.”

Daniel 2:47

Oun o baro ray penas ap o Daniel: “Čačepah t'maro Devel hi o Devel pral i tsele debla, oun o ray pral i tsele bare raya ap kay phoub. Yob sikrell kova, hoy khatedo his oun kek djinas. Yaake nay penal tou menge, hoy koy souni kamas te penell.”

Daniel 5:19

Doleske daran oun trissan i menshe dran hako them oun rakepen lestar. Oun yob maras, yaake har yob kamas, oun moukas koles te djivell, kones yob kamas, te ačell lo djido. Yob hadas menshen oun kras vavaren tikno, yaake har leske shoukar his.

Daniel 5:20

Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

Daniel 7:8

Oun har me yaake ap kol deesh shinga yak dom, vas i tikno vavar shing pre mashkral kol vavar shinga. Oun triin lendar van glan leste vin tserdedo. Ap ko shing his yaka har menshengre yaka, oun i mouy, hoy baro koova rakras.

Daniel 8:19

Oun yob penas ap mande: “Shoun, me kamau toute te sikrell, hoy vell an ko tsiro, kay o Debleskri rholi pral i menshende vell. Kova hi ko tsiro, kay o tsiro kay phoubyake tele nashell.

Daniel 8:4

Oun me dikom, har das ko bakro peskre shingentsa ap kol triin rigya: kote, kay o kham tele djal, oun kote, kay o kham gar vell, oun kote, kay lo pralstounes tardo hi. Oun kek firho his zorleder har ko bakro. Oun koon an leskre vasta peras, koles nay las kek vin. Oun ko bakro kras, hoy yob kamas, oun vas pre-phourdo.

Zakarie 11:16

Čačepah, me bičrau i bakrengro an o them, kay dikell gar pal i bakre, kay hi nashedo. Vitar gar rodell lo kolen, kay nashran pen. Kolenge, kay doukran pen, vell lo gar ap i rig. Oun leske hi yek, te vell i sasten doha te rhal oun te piyell. I thoulle bakren marell lo peske, oun tserdell lenge ninna i pire vin.

Johanni 5:30

Mandar nay krau me či. Me rakrau o čačepen vin, yaake har o Devel mange penella. Kova, hoy rakrau pral i mensheste vin, hi čačo. Me krau gar, hoy me kamau. Me krau halauter, hoy kova kamella, kay bičras man.”

Johanni 6:38

Me vom gar dran o bolepen te krap kova, hoy me kamau. Me vom te krap, hoy kova kamella, kay bičras man.

Bičepangre 4:28

Yaake kran yon kova, hoy tou glan i rah tsiro penal, te vell kova lauter yaake.

5. Mose 10:17

T'maro baro Devel hi o Devel pral hako devel oun o ray pral hako ray. Yob hi o baro oun o zorelo, kolestar halauter darenn. Yob dikell gar koy pre, koon yek hi. Oun yob lell či an, hoy kamell yek les te dell, te rissrell lo o čačepen trouyel.

2. Tessalonikarja 2:3

Kova lauter hi rhorhepen. Ma patsenn kekeske, kay kova penella! Ko dives vella gar yaake rah, har peran gar boud menshe o čačo dromestar tele. Ap ko tsiro vell ko čilačo mensho diklo, kay rikrell pes ap kek čačepen. Leske hi glan-diklo, te djal lo nashedo.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

2. Tessalonikarja 2:8

palle sikrell pes ko čilačo mensho, har yob čačepah hi. Koles marell maro ray Yezous ap ko dives, kay vell lo pale. Yob phourdell ap leste, oun kova merella.

Josua 22:22

“O baro Devel hi bareder har i tsele vavar debla! O baro Devel hi bareder har i tsele vavar debla. Yob djinell oun t'mer hounte djinenn kova ninna: Mer moukam les gar oun hadam men gar pral leste. Te hi kava gar o čačepen, nay denn men moulo.

Debleskro tsiro 10:7

An kol divessa, kay o eftato bolepaskro rakrella, oun an peskri phourdepaskri phourdella, hi lauter kerdo, hoy o Debles an o dji his, te kras lo les yaake har yob ap peskre boudepangre penas, te vell kova.

Debleskro tsiro 12:14

Oun koy djouvyake van čirklengre moussya dino, har i baro čirkles hi, te nay djal li an o moulo them ap ko kotar phoub, kay yoy nay djivella dour krik ko sapestar. Kote ačell li triin-te-paash bersha. Oun kote lell li halauter te rhal oun te piyell.

Debleskro tsiro 13:1

Oun me dikom dran o baro pani i firhes pre te vell. Koles his deesh shinga oun efta shere. Oun ap haki shing hidjras lo i shereskro sonakay. Oun ap leskre shere his save laba činlo, hoy praasenn o Debles.

Debleskro tsiro 17:17

Kova das len o Devel an lengre djia, te krenn yon, hoy yob kamella. Doleske rikrenn le lauter khetne, oun denn pengri zoor ko firheste. Kova djala lauter yaake rah, bis te vas lauter yaake, har o Devel penas.

Debleskro tsiro 17:3

Oun o Debleskro Dourho vas pral mande. Oun o bolepaskro anas man an o moulo them. Oun me dikom i djouvel ap i lolo firho beshdo, hoy les efta shere oun deesh shinga his. Oun ap koleste his save laba činlo, hoy praasenn o Debles.