Daniel 11:27 - O Debleskro Lab 2024 (Sinte-Manouche)

²⁷ Oun kol douy bare raya hi ap čilačepen vin. Oun yon beshenn pen ap yek rhapaskri oun rakrenn khetne. Oun lengro rakepen hi rhorhepen. Kova, hoy le penge glan lenn, djal lenge gar. Ko dives hi gomme gar koy, kay o tsiro kay phoubyake trouyel hi.

O Debleskro Drom 2021 (Sinte)

²⁷ Un kol dui bare raja hi ap tchilatchepen win. Un jon beshenn pen ap jek chapaskri un rakrenn khetne. Un lengro rakepen hi chochepen. Kowa, hoi le penge glan lenn, djal lenge gar. Ko diwes hi gomme gar koi, kai o tsiro kai phubjake trujel hi.

Daniel 11:27 Iomraidhean Croise

2. Samuel 13:26

Koy penas o Absalom ap leste: “Nay djal gar miro phraal Amnon mentsa?” Poučas o baro ray: “Hoske hounte djal yob touha?”

Debleskri gili 12:2

Baro Devel, ab ap miri rig! Tire menshe hi bouder gar boud. Ava, kolla, kay patsle hi mank i menshende, hi gar boud.

Debleskri gili 52:1

I gili o rayeske pral i gipangre. O David kras kay gili,

Debleskri gili 58:2

T'mer zorele, rakrenn t'mer čačepah o čačepen vin pral i menshende? Denn t'mer hakeneste peskro čačepen?

Debleskri gili 62:9

Dikenn ap leste hako tsiro, t'mer, leskre menshe! Čorenn t'mare djia vin glan leste! Pash o Debleste nay khatrah men.

Debleskri gili 64:6

Yek krell o vavares zoreles an lengro čilačo koova. Oun yon rakrenn pen tele, har nay čivenn le dorya vin, te perenn i vavar dren, oun penenn pashel: “Koon dikell kova?”

Gosewe laba 12:20

Rhorhepen hi an i djia kolendar, kay čilačo koova vin krenn. Kolla, kay yaake rakrenn, te vell kek čingepen pre, venn barhtelo.

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Gosewe laba 26:23

Har čare dran rhačedi čik, pral kolende roup maklo vas, yaake hi o mouy, hoy shoukar laba rakrella, hoy venn dran i čilačo dji.

Ezekiel 17:9

Kanna poučell t'mendar o baro Devel, t'maro ray: Vell o drakengro rouk bareder? Ačell lo djido? Hi gar yaake, te vell o ersto adlari oun tserdell les khetne peskre drabentsa vin dran i phoub, oun phagell i drake lestar tele, yaake te merenn leskre neve zenele patria lauter tele, oun ko tselo bour merell? Palle vell lo vi-tserdedo khetne peskre drabentsa. Oun koleske hounte vell kekes boud zoor, oun gar boud menshe.

Daniel 10:1

An ko tsiro, har o Cyrus an o triinto bersh o baro ray his pral o them Persia, las ko Daniel, kay ninna Beltsazar kharella, i lab o Deblestar. Oun kova, hoy leste siklo vas, vell čačepah oun rakrell i pharo tsirestar. Oun yob rodas te hayvell lo les, oun dikas an i dikepen, hoy kova kamell te penell. [Yob ginell dren:]

Daniel 11:28

Oun ko baro ray dran o them Syria krell pes ap o drom, te djal lo pale khere an peskro them, oun lell i baro bravlepen peha. Oun yob rodell, har te krell lo o patsepen o Debleskre menshendar paash. Oun ap o drom khere krell lo, hoy las lo pes glan. Oun palle djal lo an peskro them pale.

Daniel 11:29

Pal yek tsiro djal lo pale an o them Egiptia. Kava kopo hi gar yaake har o ersto kopo.

Daniel 11:35

Oun mank kol goseve hi save, kay venn maredo, te venn boud vavar zoreles an o patsepen, oun lengre djia djoudjo kerdo o Debleske. Kova djal yaake yek tsireske, bis ko dives vella, kay o tsiro kay phoubyake trouyel hi.

Daniel 11:40

Oun an ko tsiro, kay i phoub bouder gar rah koy hi, djal o baro ray pral o them Egiptia ap leste pre. Oun o baro ray pral o them Syria dell i zoryah pale, oun vell peskre kourepangre vourdyentsa oun peskre lourdentsa, kay ap i graya klissenna oun boud shiffe. Oun zoryah perell lo an i themma dren; har i baro zorelo pani vell lo pral lende.

Daniel 8:17

Oun o Gabriel vas pash mande, kay me tardo homs. Oun i daar tapras man yaake zoreles, te perom ap i phoub. Yob penas ap mande: “Tou mensho, de yak oun shoun! Kova hoy dikal, kova hi ko tsireske, kay o tsiro kay phoubyake tele nashell.”

Daniel 8:19

Oun yob penas ap mande: “Shoun, me kamau toute te sikrell, hoy vell an ko tsiro, kay o Debleskri rholi pral i menshende vell. Kova hi ko tsiro, kay o tsiro kay phoubyake tele nashell.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Bičepangre 1:7

Koy penas o Yezous: “O tsiro, kay o dad kova krella, hi leskro koova. T'mer hounte djinenn kova gar.

Bičepangre 17:31

O Devel djinell ko dives, kay rakrell lo o čačepen vin pral i tsele menshende, oun yob djal pal o čačepen. O Devel rodas i morshes vin, te vell yob čačepaskro ray. Koles kras yob i moulendar djido. Yaake sikras o Devel hakeneste, kay yob kava morshes vin rodas.”

1. Tessalonikarja 5:1

Mire phrala, mer hounte činas t'menge či pral ko tsiro, kay kova lauter vella.