Daniel 11:26 - O Debleskro Lab 2024 (Sinte-Manouche)

²⁶ Kolla, hoy leha ap yek rhapaskri beshdo hi oun leskro rhapen leha rhan, kolla phagenn les. Oun leskre tsele lourde nashenn penge, oun boud lendar venn maredo.

O Debleskro Drom 2021 (Sinte)

²⁶ Kolla, hoi leha ap jek chapaskri beshdo hi un leskro chapen leha chan, kolla phagenn les. Un leskre tsele lurde nashenn penge, un bud lendar wenn maredo.

Daniel 11:26 Iomraidhean Croise

2. Rajengro liil 8:14

Oun o Hasael djas peske o Elisestar, oun vas pash peskro rayeste. Kova poučas lestar: “Hoy penas touke o Elisa?” Yob penas: “Kay tou sasto veh.”

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

Daniel 11:10

Oun leskre čave djan an o kourepen, oun anenn boud boud lourden khetne. Oun yek lendar vell har i zorelo pani pral o them, oun djal kava kopo glan bis pash o zorelo foro o vavar baro rayestar.

Daniel 11:22

Oun kol lourde, kay har bare panya ap leste djan, thovell lo pestar tele, har te vans le či. Oun ninna marell lo i rayes, kay hi o pralstouno pral o Debleskre menshende.

Daniel 11:40

Oun an ko tsiro, kay i phoub bouder gar rah koy hi, djal o baro ray pral o them Egiptia ap leste pre. Oun o baro ray pral o them Syria dell i zoryah pale, oun vell peskre kourepangre vourdyentsa oun peskre lourdentsa, kay ap i graya klissenna oun boud shiffe. Oun zoryah perell lo an i themma dren; har i baro zorelo pani vell lo pral lende.

Mateo 26:23

Penas lo ap lende: “Ko morsh, kay čivell o maro mantsa an yek čaro, kava phoukrell ap mande.

Markus 14:20

Koy penas yob ap lende: “Kova hi yek kol deesh-te-douyendar, kay čivell peskro kotar maro mantsa an yek čaro.

Johanni 13:18

Kova penau me gar t'mendar halauterendar. Me djinau, kones me vin rodom. Kova hounte vell yaake, har an o Debleskro lab tardo hi: Kova, kay rhal kanna o maro mantsa, dell i ladini ap mande.