Daniel 11:15 - O Debleskro Lab 2024 (Sinte-Manouche)

¹⁵ Oun ko baro ray pral o them Syria moukell čik dran i phoub vin te hadell oun troul i zorelo foro pre te čivell, te nay lell lo les dren. Oun kol lourde o egiptikro rayestar hi gar zoreles doha, te rikrenn le ko foro. Ninna leskre vi-rodede kourepangre hi gar zoreles doha, te rikrenn le i Syraryen pre.

O Debleskro Drom 2021 (Sinte)

¹⁵ Un ko baro rai pral o them Syria mukell tchik dran i phub win te hadell un trul i sorelo foro pre te tchiwell, te nai lell lo les dren. Un kol lurde o egiptikro rajestar hi gar soreles doha, te rikrenn le ko foro. Ninna leskre wi-rodede kurepangre hi gar soreles doha, te rikrenn le i Syrarjen pre.

Daniel 11:15 Iomraidhean Croise

Jeremia 33:4

O baro Devel, kay o Israeleskro Devel hi, penell pral i khera an kava foro oun pral kol khera i bare rayendar pral o them Youda, hoy phagan le tele, te krenn le o foreskre massurya lentsa zorleder oun bareder, te nay venn gar i Babilonarya pral pengre pre-čidde dromma an o foro dren.

Jeremia 5:10

Nashenn pre, kay lengre drakengre rouka tardo hi, oun krenn len paash! Ma tserdenn i tsele bourra vin! Moukenn čomone tardo! Tserdenn i kashta i drakentsa vin, kolla hi gar mange.

Jeremia 52:4

Har o Sedekya an o enyato bersh baro ray his, vas o baro ray pral o them Babilonia, o Neboukadnezar, peskre tsele lourdentsa glan o foro Yerusalem. Kova his ap o deshto dives an o deshto čon. Oun yob čivas peskre lourden troul o tselo foro, oun moukas čik pre te vitsrell troul o foro, te krell lo i drom, hoy djal pral ap o foreskri massouri.

Jeremia 6:6

Kava penell o baro Devel, o ray pral o bolepen oun i phoub: Denn i rouka tele an o foro Yerusalem, oun krenn i drom, hoy djal pre ap o foreskri massouri o forestar Yerusalem! An kava foro hi či har čilačepen dren. Doleske lell lo peskri phagi.

Ezekiel 17:17

Oun o Farao peskre boud lourdentsa vell vitar gar ap leskri rig, ap ko tsiro, kay hounte kourell lo pes. I Babilonarya venna, oun čivenn boud čik pre vin troul o foreskri massouri, te nay djan le koy pral ap o foreskri massouri pre. Oun yon krenn turme, te denn le karye tele an o foro, yaake te marenn le boud menshen.

Ezekiel 4:2

Kava barreha sike, har ko foro dren lino vell! Kre bare turme troul leste, oun čip čik khetne, te kress i drom, hoy djal ap o foreskre massurya pre. Čip lourden troul o foro trouyel! Oun čip bare pesse roukengre kotya pash i massurya troul o foro, kolentsa i massurya paash dino venn.

Daniel 11:14

Oun an ko tsiro hadenn pen boud menshe pre ap o baro rayeste pral o them Egiptia. Oun ninna divye morsha tire menshendar stenn pre khatar leste, te vell kova čačo, hoy vas diklo an i dikepen. Oun kova hi lengri bibarht.

Daniel 11:6

Oun bersha pre krenn le penge vin, te čivenn le pen khetne. Oun o baro ray pral o them Egiptia bičrell peskri čat pre pash o baro rayeste pral o them Syria, te romedinerell li les. Ninna te krenn le kova, te vell lengro malepen zoreles kerdo, nashrell yoy peskri zoor. Oun ninna yob oun lengro čavo ačenn gar. Oun yoy perell an vavarengre vasta khetne kolentsa, kay anan lat kote. Oun lakro dad oun lakro rom hounte merenn ninna.

Daniel 8:7

das les an peskri bari rholi, oun phagas ko bakreske leskre shinga tele. Oun an ko bakro his bouder kek zoor, te ačell lo tardo. Oun koy morsh bouzni vitsras ko bakres tel peste, oun stakras les khetne. Oun kek vas leske ap i rig.

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.