Daniel 11:12 - O Debleskro Lab 2024 (Sinte-Manouche)

¹² oun maredo. Fothe phourdell pes o baro ray pral o them Egiptia pre, oun marell zerya oun zerya, ačell lo gar yaake zoreles.

O Debleskro Drom 2021 (Sinte)

¹² un maredo. Fothe phurdell pes o baro rai pral o them Egiptia pre, un marell serja un serja, atchell lo gar jaake soreles.

Daniel 11:12 Iomraidhean Croise

2. Rajengro liil 14:10

Tou maral i Edomarya an o kourepen. Oun doleske phourdell pes tiro dji pre. Mishto touke, kanna ač khere an tiro kheer! Hoske rodeh tiri bibarht, te peress, oun o them Youda touha?”

2. Familjakro liil 25:19

Tou penal touke: Me marom i Edomarya an o kourepen. Oun doleske phourdell pes tiro dji pre. Oun kanna rodeh boudeder sharepen. Vals feteder touke, te ačals khere. Hoske rodeh tiri bibarht, te peress, oun o them Youda touha?”

2. Familjakro liil 26:16

Oun har leske boud zorlepen dino vas, phourdas pes leskro dji pre. Oun yob kras, hoy leske gar mishto his, oun hoy čilačo his glan leskro baro Debleste: Yob djas an koleskro kheer te rhačrell lo leske soungepaskro koova ap o sonakaskro bob.

2. Familjakro liil 32:25

Har o Hiskiya sasto vas, vas lo pre-phourdo oun das o baro Debleste ko lačepen gar pale, hoy kova ap leste kras. Doleske vas o baro Devel rhoyedo pral leste oun pral o them Youda oun pral o foro Yerusalem.

Gosewe laba 16:18

Koon pes bares krell, vell phagedo. Oun i pre-phourdo mensho perell.

Ezekiel 28:17

Tiro shoukapen kras tout pre-phourdo. Oun har bravelo oun raylo val, kral savo koova, hoy gar gosevo hi. Doleske vitsrom tout ap i phoub, oun moukom i vavar bare rayen ap toute tele te dikell, te vess lenge sapaske.

Ezekiel 28:2

Tou mensho, pen ap o rayeste pral o foro Tirus: Kava penell o baro Devel, maro ray: Tiro dji hadas pes oun penas: “Me hom i devel! Oun hom beshdo ap i debleskri beshepaskri mashkral dren an baro pani!” Ninna te kreh, har te vals i devel, hal či har i mensho!

Ezekiel 28:5

Bari gosvepah paral tiro koova oun val bravelo oun bravleder. Tiro tselo bravlepen kras tout pre-phourdo.

Daniel 11:11

Oun o baro rayes pral o them Egiptia taprell bari rholi. Oun yob djal vin, te kourell lo pes o baro rayeha pral o them Syria. Oun kova lell boud lourden khetne. Oun yon lauter venn an o vavareskro vast dino,

Daniel 11:13

An i bersha, kay venna, anell o baro ray pral o them Syria pale boud lourden khetne, boudeder har ko vavar kopo. Oun palle djal lo vin an o kourepen boud zorele lourdentsa. Kolen hi halauter pash pende, hoy len hounte vell i lačo kourepaske.

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

Daniel 8:25

Peskro gosvepah rhorhell lo boud menshen. Oun yob phourdell pes pre oun djal ap boudende oun marell kolen, kay patsenn, te krell lo lenge či. Oun ninna hadell lo pes pral o pralstouno rayeste. Oun palle vell yob phagedo kek mensheskro vasteha.

5. Mose 8:14

palle denn yak, te venn gar pre-phourdo, oun bistrenn t'maro baro Debles, koles, kay anas t'men vin dran o them Egiptia, kay t'mer pandle boudepangre hans.

1. Timoteo 3:6

I phoureder mank i patslende hounte vell gar neves an o patsepen, te nay phourdell lo pes gar pre. Te phourdas pes lo pre, nay tserdell les o beng o Debleskro dromestar tele.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.