Daniel 10:6 - O Debleskro Lab 2024 (Sinte-Manouche)

⁶ Oun leskro beč oun per his har ko kouč bar, hoy kharell Krisolit. Oun leskro shero oun mouy dikas vin har koy yag, hoy ap o bolepen pral oun tele djal. Oun leskre yaka his har yag. Oun leskre moussya oun herya his har lolo saster. Oun leskro rakepen his, har te rakrans boud menshe.

O Debleskro Drom 2021 (Sinte)

⁶ Un leskro betch un per his har ko kutch bar, hoi kharell Krisolit. Un leskro shero un mui dikas win har koi jag, hoi ap o bolepen pral un tele djal. Un leskre jaka his har jag. Un leskre mussja un herja his har lolo saster. Un leskro rakepen his, har te rakrans bud menshe.

Daniel 10:6 Iomraidhean Croise

2. Mose 28:20

Telstounes kol barra, hoy kharenna: Krisolit, Onyx oun Yaspis. Čip kol barra an sonakangre goustria.

Kamlepaskri gili 5:14

Leskre goushte hi har dran sonakay, Ap lende hi goustria kouč barrentsa. Yob hi har i kouč figura dran elefantikro dand, shoukar kerdo kouč blauete barrentsa.

Ezekiel 1:14

Kol bolepangre nashan sik yek rigyatar ap i vavar, te dikas kova vin, har te dell yag karye ap o bolepen.

Ezekiel 1:16

Kol rade dikan zenelo vin har i kouč zenelo bar. Yek rada dikas vin har koy vavar. Oun yon his yaake kerdo, te djas yek rada an i vavar dren.

Ezekiel 1:24

Har djan le, dan lengre čirklengre moussya yaake bari gole, har i zorele panya gole denn. Koy gole his har i gole o zorelo Deblestar, oun har koy gole kote, kay boud menshe khetne hi, oun har koy gole, hoy boud lourde denn, kay djan an o kourepen. Oun te ačan i bolepangre tardo, palle moukan le pengre čirklengre moussya tele te djal. Oun me shounom i bari gole, hoy vas dran o bolepen pral lende.

Ezekiel 1:7

Yon his tardo har menshe. Oun lengre pire his har groumyengre pire. Kolla his har lolo saster, hoy an i yag thodo vell.

Ezekiel 10:9

Oun me dikom star rade tardo pash i bolepangre, pash hako bolepaskro his yek rada. Oun kol rade dikan zenelo vin har i kouč zenelo bar.

Ezekiel 40:3

Oun yob anas man kote, oun dikom i morshes. Kova dikas vin har vals lo dran saster. An leskro vast his i layntikri dori oun i kasht, koleha yek tele ginell, har bares čomone hi. Oun yob his mashkral an o baro voudar tardo.

Ezekiel 8:2

Oun me dikom yekes, kay vin dikas har i morsh. Oun leskro shero oun leskro beč dikan vin har o sonakay, kay o kham pre perell. Oun o telstouno kotar, kova hoy vin dikas har leskre herya, his har yag.

Mateo 17:2

Oun glan lengre yaka las lo i bolepaskro raylepen. Leskro mouy vas har o kham. Oun leskro ripen vas biyalo har i bari momeli.

Mateo 28:3

Leskro mouy rhačas har i zoreli momeli. Oun leskro ripen his parno har i gib.

Louka 9:29

Oun har yob rakras o Debleha, dikas peskro mouy vavarčandes vin, oun leskre koola van rayles biyalo.

Debleskro tsiro 10:1

Oun me dikom i vavar zorelo bolepaskres dran o bolepen tele te vell. I folka his troul leste har i ripen. Oun i brishineskro bogo his ap leskro shero. Leskro mouy his har o kham, oun leskre herya har dran yag.

Debleskro tsiro 19:12

Leskre yaka hi har i yag. Oun ap leskro shero hi boud sonakay boud kouč barrentsa. Glan ap leskro shero hi i lab činlo. Koles prindjrell kek har yob kokres.

Debleskro tsiro 2:18

“Čin kava liil ap o Debleskro boudepaskro, kay dell yak ap i patslende an o foro Tiatira: Kava penell o Debleskro čavo, koles hi yaka har i yag, oun herya har sonakay.

Debleskro tsiro 21:20

Oun o pančto hi i Sardonix, oun o shobto hi i Karneol, oun o eftato hi i Krisolit, oun o orhtato hi i Berill, oun o enyato hi i Topas, oun o deshto hi i Krisopras, oun o deesh-te-yekto hi i Hiazint, oun o deesh-te-douyto hi i Ametist.