Daniel 10:16 - O Debleskro Lab 2024 (Sinte-Manouche)

¹⁶ Koy vas ko yek, kay vin dikas har i mensho, oun čivas peskro goushto ap miro mouy. Oun me krom miro mouy pre, oun rakrom, oun penom ap koleste, kay glan mande tardo his: “Miro ray, har dikom ko dikepen, tapras man savi daar, te ačas kek zoor an mande.

O Debleskro Drom 2021 (Sinte)

¹⁶ Koi was ko jek, kai win dikas har i mensho, un tchiwas peskro gushto ap miro mui. Un me krom miro mui pre, un rakrom, un penom ap koleste, kai glan mande tardo his: “Miro rai, har dikom ko dikepen, tapras man sawi daar, te atchas kek soor an mande.

Daniel 10:16 Iomraidhean Croise

2. Mose 4:10

Oun o Mose penas ap o baro Debleste: “Miro Ray, me hayvau gar mishto te rakrell, ninna kanna kay rakreh mantsa, hi mange phares te rakrap.”

2. Mose 4:13

Koy penas o Mose: “Miro ray, mangau tout, biče yek vavares!”

Sikepaskro 1:18

Kones boud gosvepen hi, koleske djal ninna boud an o shero trouyel. Koon boud djinell, koleske vell ropaske pral kova.

Jesaja 6:7

Oun ko kasht, hoy rhačell, rikras lo ap miro mouy, oun penas: “Dik kava vas ap tiro mouy, oun yaake hounte djas tiri doosh toutar krik, oun ko čilačepen, hoy tou kral, hi toutar krik lino.”

Jeremia 1:9

Oun o baro Devel čivas peskro vast ap miro mouy, oun penas ap mande: Dik, me čivau mire laba an tiro mouy.

Ezekiel 1:26

Pral o bolepen, hoy pral lengre sherya his, his čomone, hoy vin dikas har i rayeskri beshepaskri dran kouč blaueto bar. Oun ap koleste his yek beshdo, kova dikas vin dikas har i mensho.

Ezekiel 3:27

Ap ko tsiro kay rakrau pale touha, krau me tiro mouy pre. Oun tou peness palle ap lende: Kava penell o baro Devel, maro ray … Koon kamell te shounell, kova shounell ap toute. Koon kamell gar te shounell, kova shounell gar ap toute. Yon hi menshe, kay moukenn pen či te penell.

Ezekiel 33:22

I rati glan kova vas o vast o baro Deblestar phares ap mande. Kanna ap koy tsalla, kay kova pash mande vas, kras o baro Devel miro mouy pre, yaake te nay rakrom pale.

Daniel 12:8

Oun me shounom kova oun hayvom les gar. Oun me penom: “Miro ray, har djal lauter vin?”

Daniel 4:19

kova hal tou, miro baro ray. Tou hal yaake baro oun zorelo. Oun tiri zoor hi baro oun djal bis pash o bolepen, oun tou val o ray pral i tseli phoub.

Daniel 7:15

Mange o Danieleske, vas miro dourho an mande pharo, oun kova hoy dikom, kras mange bari daar.

Daniel 7:28

Kava hi, hoy me dikom. Mange, o Danieleske, kras kava bari daar. Oun me vom parno an o mouy i trashatar, oun rakrom kekeha pral kava koova.

Daniel 8:15

Oun me, o Daniel, kamoms te hayvell, hoy dikom an kava dikepen. Ap yek kopo his yek glan mande tardo, kova dikas vin har i morsh.

Daniel 8:17

Oun o Gabriel vas pash mande, kay me tardo homs. Oun i daar tapras man yaake zoreles, te perom ap i phoub. Yob penas ap mande: “Tou mensho, de yak oun shoun! Kova hoy dikal, kova hi ko tsireske, kay o tsiro kay phoubyake tele nashell.”

Daniel 8:18

Oun har yob yaake mantsa rakras, homs čiddo har moulo ap miro mouy ap i phoub. Oun yob tapras man oun čivas man pale ap mire herya, te homs pale tardo.

Daniel 8:27

Oun man, o Danieles, his bouder kek zoor, oun me homs divessa nasselo. Oun pal kova stom pale pre, oun krom miri boudi pash o baro rayeste. Oun ko dikepen, hoy dikom, kras mange daar oun nay hayvom les gar.

Daniel 9:21

koy vas ap yek kopo ko morsh Gabriel ap čirklengre moussya pash mande dren. Koles dikom an o dikepen ap ko tsiro, kay rati o Debleske i firho anlo vell.

Louka 1:64

Ap yek kopo nay rakras o Zakari pale, oun sharas o Debles.

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Johanni 20:28

Koy penas o Thomas ap leste: “Miro ray oun miro Devel!”

Josua 5:14

Oun yob penas: “Kek kol douyendar! Me hom o pralstouno pral o baro Debleskre lourdende. Oun kanna vom kay.” Kote peras o Yosua ap peskro mouy ap i phoub, oun mangas les an, oun penas ap leste: “Me hom tiro boudepaskro. Hoy penell miro ray ap mande, te krap?”

Debleskro tsiro 1:13

Oun mashkral lende his yek tardo, hoy vi-dikas har i mensho. Les his i lengsto ripen ap leste, oun i sonakaskri dori troul leskro beč.

Čačepangre 13:8

Kote mangas o Manoa o baro Debles oun penas: “Miro ray, mangau tout, biče gomme yek kopo ko Debleskro morshes pash mende, koles tou menge bičral, te sikrell lo men, har mer ko čaveha, kay boldo vell, trouyel hounte djas.”

Čačepangre 6:13

Oun o Gideon poučas lestar: “Mangau tout, miro ray! Te hi o baro Devel mentsa, hoske vas kay tseli bibarht ap mende? Oun kay hi ko tselo baro koova, hoy o baro Devel kras, kolestar menge mare phoure rakran oun penan: O baro Devel anas men dran o them Egiptia. Kanna moukas men o baro Devel oun das men an o vast kolendar dran o them Midian.”

Čačepangre 6:15

Yob penas ap leste: “Mangau tout miro ray: Har lap me nay o Israel dran o Midianeskro vast vin? Miri familya hi i tikneder an o tselo kheer Manasse. Oun me hom o tikneder an miro dadeskro kheer.”