Daniel 10:14 - O Debleskro Lab 2024 (Sinte-Manouche)

¹⁴ Kanna vom me, te penap touke, hoy tire menshenge djal an kol divessa, kay venna, oun kanna gomme dour glan mende hi. Ninna kava dikepen vell čačo an o tsiro, kay gomme dour krik hi.”

O Debleskro Drom 2021 (Sinte)

¹⁴ Kanna wom me, te penap tuke, hoi tire menshenge djal an kol diwessa, kai wenna, un kanna gomme dur glan mende hi. Ninna kau dikepen well tchatcho an o tsiro, kai gomme dur krik hi.”

Daniel 10:14 Iomraidhean Croise

1. Mose 49:1

Oun o Yakob das peskre čaven gole oun penas: Avenn khetne! Me penau t'menge, hoy t'menge djala an ko tsiro, kay vella.

Jesaja 2:2

Vell i tsiro, koy hi koy berga, kay o baro Debleskro kheer tardo hi, bareder har i tsele vavar berge, oun dikell tele ap i tsele tikne berge. Oun i menshe dran boud themma nashenn pash kay berga,

Ezekiel 12:27

Tou, mensho, shoun, hoy penell o kheer Israel pral toute: “Ko dikepen, hoy kova dikell, kova vell gar sik. Oun kova, hoy lo glan-vi penell, hi i tsireske, hoy gomme dour krik hi.”

Ezekiel 38:16

Oun tou djah ap mire menshen Israel pre, oun tire lourde čakrenn o them har i folka. An o palstouno tsiro vell kova yaake, te moukau tout pral miro them te vell, te nay dikenn i menshe an vavar themma, koon me hom. Te dikenn le hoy krau touha, Gog, hayvenn le, te hom me o Devel.

Daniel 10:1

An ko tsiro, har o Cyrus an o triinto bersh o baro ray his pral o them Persia, las ko Daniel, kay ninna Beltsazar kharella, i lab o Deblestar. Oun kova, hoy leste siklo vas, vell čačepah oun rakrell i pharo tsirestar. Oun yob rodas te hayvell lo les, oun dikas an i dikepen, hoy kova kamell te penell. [Yob ginell dren:]

Daniel 12:4

Oun tou Daniel, rike kava lab khatemen. Oun pande i dori troul kava liil oun čip tiro sikepen pre, te nay krell les kek pre, bis ko tsiro vella, kay i phoub bouder gar rah koy hi. Palle rodenn boud koy dren oun hayvenn boud oun boudeder.

Daniel 12:9

Oun yob penas: “Dja koy, Daniel! Kal laba ačenn khatedo oun dre-pandlo, bis te vell ko tsiro, kay i phoub bouder gar rah koy hi.

Daniel 2:28

Kanna djin, an o bolepen hi i Devel, kova nay sikrell, hoy khatedo hi. Oun yob moukell o baro rayes Neboukadnezares te djinell, hoy vella an kol tsirya, kay venna. Ake kova, hoy souni dal oun ko dikepen, hoy dikal, har soval:

Daniel 8:16

Oun me shounom yekes gole te dell pral ko pani Oulay, yaake har i mensho gole dell. Oun kova penas: “Gabriel, pen leske, hoy yob kate dikas, te hayvell lo les!”

Daniel 8:26

Oun kava dikepen, hoy dikal, oun kova hoy touke penlo vas pral kol firhende, hoy o Debleske bouder gar haki rati oun haki tsalla anlo van, kova hi o čačepen. Hi gomme i rah tsiro, bis te kova yaake vella. Doleske rike les khatedo oun ma rake kolestar!”

Daniel 9:22

Oun yob rakras mantsa, te sikrell lo man čomone, oun penas: Daniel, kanna vom pash toute, te sikrap toute, har te hayvess ko dikepen.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Micha 4:1

O tsiro vella, kay hi koy berga zoreles tardo, kay o baro Debleskro kheer tardo hi. Kay berga hi bareder har i tsele vavar berge. Oun pash late venn i menshe dran i tsele themma.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

4. Mose 24:14

Oun kanna djau pash mire menshende. Glan kova kamau touke te penell, hoy kal menshe tire menshenge krenna an o tsiro, hoy vella!”

5. Mose 31:21

Palle vell boud bibarht oun djoungelo koova pral lende. Oun yon givenn koy gili. oun koya vell gar bistedo lengre čavendar, oun sikrell lende, kay dom len trad, hoy vella, te moukenn le miro drom. Glan te anom len an ko them, koleske me man sovel dom, te anau len koy, prindjrau ko koova, hoy lenge an o shero trouyel djal.”

5. Mose 31:29

Me djinau, pal miro merepen doukrenn t'mer o baro Debles, oun djan ko dromestar tele, hoy t'mende sikrom. T'mer krenn, hoy čilačo hi glan o baro Debleskre yaka, oun mangenn vavar deblen an, oun rhoyrenn les koleha. Doleske vell bari bibarht pral t'mende.”

5. Mose 4:30

An ko tsiro, hoy vella, kay ap t'mende ko tselo koova vas, hoy t'menge penom, an kol djoungele phare divessa venn t'mer pale pash t'maro baro Debleste, oun krenn, hoy yob t'menge penell.

2. Timoteo 3:1

Kova hounte djiness tou: Glan ko tsiro, kay i phoub tele djala, vell i pharo tsiro ap i menshende.

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.