Daniel 1:9 - O Debleskro Lab 2024 (Sinte-Manouche)

⁹ Oun o Devel kras, te vas o pralstouno pral o rayeskro kheer lačes oun kamles ap o Danieleste.

O Debleskro Drom 2021 (Sinte)

⁹ Un o Dewel kras, te was o pralstuno pral o rajeskro kheer latches un kamles ap o Danieleste.

Daniel 1:9 Iomraidhean Croise

1. Mose 32:28

Koy poučas lestar ko morsh: “Har khareh tou?” “Yakob”, penas yob.

1. Mose 39:21

Har yob kote an o stilepen his, his o baro Devel pash leste, oun his kamlo ap leste oun kras, kay hi o pralstouno pral o stilepen lačes ap leste.

1. Rajengro liil 8:50

Oun biste ko čilačepen, hoy yon ap toute kran, lengri tseli doosh, hoy anas len tiro dromestar tele. Kre, te venn oun dikenn kolla lačes ap lende, kay len pandles rikrenn.

Nehemia 1:11

Ah ray, shoun ap miro mangepen oun ap o mangepen kolendar, kay ninna tire boudepangre hi, kay mangenn tout o djiyestar an. Yaake mouk kova mishto te djal, hoy man glan hi, oun kre, te dikell o baro ray, o Artaxerxes, lačes ap mande.” An ko tsiro homs ko morsh, dran koleskro vast o pipen o baro rayeske vas.

Nehemia 2:4

Oun o baro ray poučas: “Hoy kameh tou?” Kote rakrom o Debleha an o bolepen,

Ester 2:9

Oun yoy his shoukar an koleskre yaka, oun las yaake leskro lačepen. Oun yob dikas koy pre, te lell li sik kouč makepaskro djet oun sasto rhapen, hoy i djouvyat shoukar krell. Oun yob das lat efta vi-rodede djouvyen, te venn le lake koy. Oun anas lat oun lakre boudepaskretse an i feteder iseme an o djouvyengro kheer.

Hiob 5:15

O Devel lell o čorveles dran o čilačo rakepen vin, oun dran o vast o zorleder tserdell lo les vin.

Hiob 5:16

Yaake lell o čorvelo pale nevi zoor an peskro dji, oun o čilačepen hounte rikrell peskro mouy.

Debleskri gili 106:46

Oun yob kras, te dikan lauter kolla lačes ap lende, kay len pandan.

Debleskri gili 4:3

Morshale, har rah tserdenn t'mer miro lab an i čik! T'mer rodenn pal kova, hoy či moldo hi, oun kamenn o rhorhepen.

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

Daniel 1:10

Oun kova penas ap o Daniel: “O baro ray kokres penas, hoy te rhan oun piyenn t'mer. Me darau lestar, te dikell lo, te dikenn t'mer gar yaake mishto vin har kol vavar terne morsha. Te vals kova yaake, vals mange t'menge o shero tele dino.”

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.