Daniel 1:8 - O Debleskro Lab 2024 (Sinte-Manouche)

⁸ O Daniel las peske an peskro dji glan, te rhal lo gar o baro rayeskro rhapen oun piyell gar leskri molyatar, te krell lo pes gar pale-čiddo. Oun yob mangas o pralstunestar pral o rayeskro kheer, te hounte krell lo pes gar pale-čiddo.

O Debleskro Drom 2021 (Sinte)

⁸ O Daniel las peske an peskro dji glan, te chal lo gar o baro rajeskro chapen un pijell gar leskri moljatar, te krell lo pes gar pale-tchiddo. Un job mangas o pralstunestar pral o rajeskro kheer, te hunte krell lo pes gar pale-tchiddo.

Daniel 1:8 Iomraidhean Croise

1. Rajengro liil 5:5

Yaake nay djivan i menshe kek daryah an o them Israel oun an o them Youda. Hakeno nay beshas tel peskro drakengro rouk oun peskro faygetikro rouk. Kova his yaake an o tselo them, o themestar Dan bis tel pash o foro Beersheba, yaake rah har o Salomo djivas.

Debleskri gili 106:28

Pal i tsiro vitsran pen i Israelitarya glan kol vavarengro debleste Baal tele ap i berga Peor, oun rhan ko mass kol firhendar, hoy van maredo i moulenge.

Debleskri gili 119:106

Me dom man sovel, oun me kamau lat te rikrell: Kamau te djap pal tire čačepaskre laba.

Debleskri gili 119:115

Djan pale mandar, t'mer, hoy krenn o čilačepen! Me rikrau ap i laba miro Deblestar.

Debleskri gili 141:4

Mouk miro dji gar o čilačepen palla te dell, te krap gar midjak koova khetne i čilačentsa. Mouk man gar te rhap lengro shoukar rhapen!

Gosewe laba 23:3

Mouk tiro dji gar pal leskro lačo rhapen te nashell! Kova nay vell i rhorheno rhapen.

Daniel 1:5

Oun o baro ray penas, te lenn le o rhapen, hoy yob ninna rhal, oun i mool, hoy yob piyell. Oun triin bersha hounte vell lende lauter siklo oun pashel anlo. Oun palle boudrenn le leske.

Daniel 5:4

Koy pashel sharan le i deblen dran sonakay, roup, lolo saster, vavar saster, kasht oun bar.

Bičepangre 11:23

Har yob koy his oun dikas, hoy o Devel an peskro baro lačepen kote lauter kras, vas lo barhtelo oun mangas len, te ačenn le pengro tselo djiyeha pash o Yezouseste.

Bičepangre 15:20

Mer činah lenge i liil, oun penah lenge, te rhan le kek mass, hoy vas glan i figura anlo, hoy i menshe an-mangenn, har te vals li o Devel; te sovenn i morsha gar vavar djouvyentsa, vitar gar i djouvya vavar morshentsa; te rhan le kek mass i firhendar, kay o rat gar vin nashas, te piyenn le lendar vitar kek rat.

1. Korintarja 7:37

Te hi i morshes ap peskro dji, te romedinerell lo gar, oun leske hi kova gar pharo, te ačell lo kokres, koleske hi mishto, te romedinerell lo gar.

2. Korintarja 9:7

Hakeno hounte dell yaake boud love, har leskro dji leske penella. Les hounte khaytell kova gar, hoy yob das! Yob dell kova pestar oun gar, har te kaman le les lestar. O Devel kamell kol menshen, kay denn o djiyestar.

5. Mose 32:38

T'mer dan len o thulepen t'mare firhendar te rhal, oun čoran mool glan lende vin pipaske. Mou stenn le pre, te venn le ap t'mari rig, oun lenn t'men koy vin!