Daniel 1:2 - O Debleskro Lab 2024 (Sinte-Manouche)

² Oun o baro Devel, maro ray, das o Yoyakimes, ko baro rayes pral o them Youda, an o vast o baro rayestar dran o them Babilonia. Ninna ko shoukar koova, hoy an o Debleskro kheer his, kolestar peras an leskre vasta. Oun yob anas kova an o them Shinar, an o kheer leskro deblestar. Oun čivas les pash ko bravlepen leskro deblestar pashel.

O Debleskro Drom 2021 (Sinte)

² Un o baro Dewel, maro rai, das o Jojakimes, ko baro rajes pral o them Juda, an o wast o baro rajestar dran o them Babilonia. Ninna ko shukar koowa, hoi an o Debleskro kheer his, kolestar peras an leskre wasta. Un job anas kowa an o them Shinar, an o kheer leskro deblestar. Un tchiwas les pash ko brawlepen leskro deblestar pashel.

Daniel 1:2 Iomraidhean Croise

1. Mose 10:10

An ko ersto tsiro vas yob o ray pral i forya Babel, Erek, Akkad oun Kalne an o them Shinar.

1. Mose 11:2

Oun yon moukan pengro them oun djan kote, kay o kham pre djala. An o them Shinar hatsan le i bourhlo them oun ačan koy.

2. Rajengro liil 24:1

An ko tsiro, har o Yoyakim o baro ray his, djas o baro ray dran o them Babilonia peskre lourdentsa pre ap o them Youda. Leskro lab his Neboukadnezar. Oun o Yoyakim hounte vitsras pes tel leste oun hounte playsras leske boud love. Pal triin bersha phagas lo leha oun kras bouder gar, hoy kova kamas.

2. Familjakro liil 36:5

Har vas o Yoyakim baro ray, his lo 25 (biish-te-panč) bersh phouro. Oun yob his 11 (deesh-te-yek) bersh baro ray an o foro Yerusalem. Oun yob kras, hoy čilačo his glan i yaka o baro Deblestar, kay leskro Devel his.

2. Familjakro liil 36:7

Ninna ko kouč kovestar dran o baro Debleskro kheer moukas o Neboukadnezar an o foro Babilon te anell, oun čivas kova kote an peskro debleskro kheer.

Esra 1:7

Oun o baro ray Cyrus das len o tselo koova, hoy an o baro Debleskro kheer tardo his. Glan boud bersha moukas les o Neboukadnezar dran o foro Yerusalem te anell oun čivas les an o kheer leskro deblestar.

Jesaja 11:11

Oun ap ko dives hadell o Devel peskro vast i douyto kopo, te ginell lo kolen vin, kay peskre menshendar pral ačan an i themma Assour oun Egiptia, Patros, Koush, Elam, Shinar, Hamat, oun an kol panyeskre themma.

Jesaja 42:24

Koon his kova, kay moukas o Yakobes vin te randell, oun das o Israeles i čorepangren an i vasta? His kova gar o baro Devel? Yob hi, koleske o doumo sikram oun leskro drom gar djam, oun ap leskre laba gar shounam.

Jeremia 25:1

O Yoyakim, koleskro dad o Yosia his, his o starto bersh o baro ray pral o them Youda. Oun o Neboukadnezar his o ersto bersh baro ray pral o them Babilonia. Koy rakras o baro Devel ap o Yeremia, oun das les i lab o tselo themeske Youda.

Jeremia 27:16

Palle penas o Yeremia ap i rashayende oun i tsele menshende, kay kote his: Kova hi, hoy o baro Devel penell: Ma patsenn kol rakepangre, kay penenn t'menge: Ko kouč koova dran o baro Debleskro kheer, hoy vas anlo an o them Babilonia, kova vell sik pale pale anlo. Kova, hoy yon glan-vi penenn, hi rhorhepen.

Jeremia 28:3

Glan douy bersha trouyel hi, anau ko tselo kouč koova pale pale, hoy an o baro Debleskro kheer his, oun hoy o baro ray dran Babilonia, o Neboukadnezar, kotar krik las, oun an o them Babilonia anas.

Jeremia 35:11

Oun har o Neboukadnezar, ko ray pral o them Babilonia, an o them Youda vas, te kourell lo pes leha, penam menge mer halauter: Avenn, te nashas menge glan kol lourdende dran o them Babilonia oun dran o them Syria, oun djah an o foro Yerusalem! Yaake ačam kate an Yerusalem.

Jeremia 50:2

Denn vin gole an i vavar themma! Halauter hounte shounenn! Hadenn t'mari themeskri plarhta pre! Hakeno te shounell kova! Rikrenn les gar pale! Penenn: O foro Babilon hi dren lino, Lengro devel Bel nay kras či, lengro devel Marduk hi khetne phagedo; lengre moule debla nay kran či, lengre figure hi pash kerdo!

Jeremia 51:44

O baro Devel penell: Ava, me dom o rhorheno debles Bel an o them Babilonia peskri phagi, oun tserdom dran leskro mouy kova, hoy yob pre rhas. I menshe dran vavar themma nashenn leske bouder gar palla. I massurya o forestar Babilon peran khetne.

Daniel 5:13

Oun o Daniel vas glan o baro rayeste anlo. Oun o baro ray poučas lestar: “Hal tou o Daniel, yek kolendar, kay o baro ray, miro dad, pandles dran o them Youda peha anas?

Daniel 5:18

Tou miro ray! O pralstouno Devel das tiro dades Neboukadnezar themma, rayeskri zoor, barepen oun raylepen.

Habakuk 1:16

Lengre mačengre gone oun lengre netse hi lenge har debla. Lenge rhačrenn le firhen oun soungepaskro koova, te parkrenn len pen, kay yon lenge yaake boud bravlepen oun lačo rhapen anan.

Zakarie 5:11

Yob penas: “An o them Shinar, te vell lake kote i kheer kerdo. Kote vell koy korba pre tardo oun an-mangedo.”

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.

Čačepangre 2:14

Kote tapras o baro Debles i bari rholi pral i Israelitarya. Oun yob das len an o vast kolendar, kay len vi-čorenn. Oun ninna moukas lo len an i vasta kol menshendar te perell, kay troul lende djivenn oun lenge o djipen phares kran. Yaake his i Israelitarya bouder gar zoreles doha, te denn le kolen pale, kay ap lende djan.

Čačepangre 3:8

Kote rhačras i rholi o baro Deblestar pral o Israel pre. Oun yob das len an o vast o baro rayestar Koushan-Rishatayim. Kova his baro ray pral o them Mesopotamia. Oun i Israelitarya hounte boudran leske orhta bersha.

Čačepangre 4:2

Oun o baro Devel das len an o vast o baro rayestar Yabin. Kova his o baro ray pral o them Kanaan oun djivas an o foro Hazor. Oun leskro pralstouno lourdo kharas Sisera. Oun kova djivas an o foro Haroshet-Goyim.

1. Samuel 5:2

Oun kote čivan les i Filistarya an o kheer pengro deblestar, o Dagon, ap leskri rig.