Daniel 1:19 - O Debleskro Lab 2024 (Sinte-Manouche)

¹⁹ Oun o baro ray rakras lentsa! Oun mank kol tsele morsha vas kek hatslo, koon yaake his har o Daniel oun o Hananya oun o Mishael oun o Asarya. Oun yon van pralstoune an o baro rayeskro kheer.

O Debleskro Drom 2021 (Sinte)

¹⁹ Un o baro rai rakras lentsa! Un mank kol tsele mursha was kek hatslo, koon jaake his har o Daniel un o Hananja un o Mishael un o Asarja. Un jon wan pralstune an o baro rajeskro kheer.

Daniel 1:19 Iomraidhean Croise

1. Mose 41:46

O Yosef his 30 (triyanda) bersha phouro, har das les o baro ray pral Egiptia koy boudi. Oun o Yosef djas peske o baro rayestar oun djas an o them Egiptia trouyel.

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

Jeremia 15:19

Doleske penell o baro Devel: Te rikreh tou tout ap mande, rikrau me man ap toute, oun tou ačeh miro rakepaskro. Te rakreh tou, hoy mishto hi, oun rakreh gar, hoy či-moldo hi, hal tou miro mouy. Yon hounte venn pash toute, tou djas gar pash lende!

Daniel 1:18

Oun har ko tsiro trouyel his, hoy o baro ray lende das, te venn le siklo, anas len o pralstouno, o Ashpenas, glan o baro rayeste Neboukadnezar.

Daniel 1:4

“Yon hounte venn sasto oun shoukar, gosevo oun siklo”, penas lo. “Ninna hounte hayvenn le pen an halauter mishto vin, oun nay hayvenn sik, yaake te nay boudrenn le mange an miro kheer. Oun lenge vell pashel anlo, har i Kaldearya rakrenn oun pengro rakepen činenn.”

Daniel 1:5

Oun o baro ray penas, te lenn le o rhapen, hoy yob ninna rhal, oun i mool, hoy yob piyell. Oun triin bersha hounte vell lende lauter siklo oun pashel anlo. Oun palle boudrenn le leske.

Daniel 1:6

Mank kol vi-rodede terne morshende dran o them Youda his: O Daniel, o Hananya, o Mishael oun o Asarya.

Daniel 1:7

Oun o pralstouno pral o rayeskro kheer das hakenes lendar i vavar lab. O Daniel kharas kanna Beltsazar, oun o Hananya Shadrak, oun o Mishael Meshak, oun o Asarya Abed-Nego.

Daniel 2:13

Oun kava lab vas i lourdenge penlo. Oun yaake rodan le ninna o Danieles oun leskre malen, te marenn le len.

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”