Daniel 1:17 - O Debleskro Lab 2024 (Sinte-Manouche)

¹⁷ Oun kol star terne morshen das o Devel i baro gosvepen, te hayvan le lila an boud rakepen te draverell. Ninna hayvan le pen vin an boud koova. Oun o Daniel hayvas ninna te penell, hoy sounya oun dikepen kamenn te penell.

O Debleskro Drom 2021 (Sinte)

¹⁷ Un kol star terne murshen das o Dewel i baro goswepen, te haiwan le lila an bud rakepen te drawerell. Ninna haiwan le pen win an bud koowa. Un o Daniel haiwas ninna te penell, hoi sunja un dikepen kamenn te penell.

Daniel 1:17 Iomraidhean Croise

1. Rajengro liil 3:12

Doleske krau yaake har tou kova mandar mangal. Me dau tout i gosevo dji, te hayvess halauter, hoy glan toute vella. Yaake his pash kekeste glan toute. Oun pal toute vell vitar kek, har tou hal.

1. Rajengro liil 3:28

Oun an o tselo them Israel shounan le ko čačo lab, hoy o baro ray hatsas. Oun yon dikan pre ap o baro rayeste, oun yon hayvan, kay o gosvepen o Deblestar an leste his, te nay dell lo i menshenge lengro čačepen.

2. Familjakro liil 1:10

De man kanna gosvepen, te djinap har te djap lentsa trouyel! Har nay dap hakeneste tire boud menshendar peskro čačepen, tou te deh man kova gar?”

2. Familjakro liil 1:12

Doleske dau tout gosvepen, te djiness, hoy te kress. Koy pashel dau tout bravlepen, kouč koova oun an-dikepen, har kek baro rayes glan toute his, oun kek baro rayes pal toute vell.”

2. Familjakro liil 26:5

Oun yob rodas o Debles, yaake rah har o Zakarie djivas. Kova sikras leste, har nay djivell lo o Debleha. Oun yaake rah, har yob o baro Debles rodas, moukas leske o Devel halauter mishto te djal.

Hiob 32:8

Hi čačo, kova, hoy krell i menshes gosevo, hi o dourho o zorelo Deblestar, koles yob an i mensheste dren čivas.

Gosewe laba 2:6

O baro Devel hi kova, kay dell gosvepen. Lestar vell, te djinell oun hayvell i mensho boud koova.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Jesaja 28:26

Oun har yob kova hounte krell, sikras les o Devel, kova hoy yob djinell, vell lestar.

Ezekiel 28:3

Hi čačo, tou hal gosveder har o Daniel, oun hayveh halauter.

Daniel 1:18

Oun har ko tsiro trouyel his, hoy o baro ray lende das, te venn le siklo, anas len o pralstouno, o Ashpenas, glan o baro rayeste Neboukadnezar.

Daniel 1:20

Oun an hako koova, hoy o baro ray lendar poučas, his yon deesh kope gosveder oun hayvan boudeder har i tsele dourkepangre oun dravepangre an i tsele themma, kay o Neboukadnezar baro ray his.

Daniel 1:4

“Yon hounte venn sasto oun shoukar, gosevo oun siklo”, penas lo. “Ninna hounte hayvenn le pen an halauter mishto vin, oun nay hayvenn sik, yaake te nay boudrenn le mange an miro kheer. Oun lenge vell pashel anlo, har i Kaldearya rakrenn oun pengro rakepen činenn.”

Daniel 10:1

An ko tsiro, har o Cyrus an o triinto bersh o baro ray his pral o them Persia, las ko Daniel, kay ninna Beltsazar kharella, i lab o Deblestar. Oun kova, hoy leste siklo vas, vell čačepah oun rakrell i pharo tsirestar. Oun yob rodas te hayvell lo les, oun dikas an i dikepen, hoy kova kamell te penell. [Yob ginell dren:]

Daniel 2:19

Oun an i rati dikas o Daniel i dikepen oun leske vas koy souni sikedo. Oun o Daniel sharas o bolepaskro Debles,

Daniel 2:21

Yob hi o ray pral o tsiro, oun dell hakeneste peskro tsiro; yob lell i bare rayendar lengro them, oun čivell vavar rayen dren; yob dell i goseven lengro gosvepen oun kolen, kay hayvenn čomone, das yob an o shero, te nay hayvenn le.

Daniel 2:23

Tou, o Devel mire phourendar, pash toute parkrau man oun tout sharau, te dal man gosvepen oun zoor, oun moukal man te djinell, hoy toutar mangam, oun sikral man kova, hoy o baro ray kamell te djinell.

Daniel 2:30

Me hom gar gosveder har i vavar, kay ap i phoub djivenna. Man vas kava sikedo, te djiness tou, hoy koy souni kamell te penell, oun te hayvess, hoy an tiro dji hi.

Daniel 4:6

“Beltsazar, tou pralstouno pral i tsele siklende, djinau, te hi o dourho i bolepangre deblendar an toute, oun touke hi či khatedo. Yaake pen mange, hoy miri souni kamell te penell!”

Daniel 5:14

Me shounom, te hi o dourho o bolepangre deblendar an toute. Ninna vell touke kova siklo, hoy i vavarenge khatedo ačell, oun hal gosevo oun djineh boud koova.

Daniel 7:1

An ko tsiro, har o Belsazar an o ersto bersh o baro ray his pral o them Babilonia, dikas o Daniel i dikepen an i souni, har his lo čiddo ap peskro čiben. Oun yob činas an i liil, hoy dikas lo. Oun kava hi koy souni:

Daniel 8:1

An ko tsiro, har o Belsazar an o triinto bersh baro ray his, dikom me, o Daniel, i dikepen, yaake har glan kova dikom.

4. Mose 12:6

Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.

Louka 21:15

Me dau t'men ko gosvepen, oun penau t'menge, hoy t'mer hounte penenn. Oun palle djinenn le bouder gar, hoy te penenn le.

Bičepangre 6:10

O Debleskro Dourho das les gosvepen, te nay rakras kek lendar leske pale.

Bičepangre 7:10

oun las les vin dran halauter, hoy o Yosefeske pharo his. Oun o Devel das les boud gosvepen oun kras, te dikas o baro ray pral o them Egiptia lačo ap o Yosefeste. Ko baro ray kras, te vas o Yosef o ray pral o tselo them Egiptia oun pral o tselo rayeskro kheer.

Bičepangre 7:22

Oun goseve Egiptarya sikran leste lauter, hoy yon djinan, yaake te vas lo gosevo an lauter, hoy yob rakras oun kras.

Kolossarja 1:9

Oun har mer kova shounam, mangam o Debles t'menge, oun moukam gar tele, te mangas lestar, te dell lo an t'mende o gosvepen, hoy dell o Debleskro Dourho, te hayvenn t'mer, hoy o Devel kamella.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Jakobo 1:5

Te djinell yek t'mendar gar, hoy o Devel lestar kamella, palle nay mangell lo o Debles, te sikrell yob leste kova. O Devel hi lačo, oun yob dell o djiyestar, ninna te veh tou boud kope pash leste.