Čačepangre 9:6 - O Debleskro Lab 2024 (Sinte-Manouche)

⁶ Oun i tikno tsiro koy pal van i tsele morsha dran o foro Sichem khetne, ninna lauter, hoy an o baro zorelo kheer djivan. Khetne djan le glan o foro Sichem pash ko baro rouk, hoy pash o baro bar tardo hi. Kote čivan le o Abimelekes pral pende, te vell lo lengro baro ray.

O Debleskro Drom 2021 (Sinte)

⁶ Un i tikno tsiro koi pal wan i tsele mursha dran o foro Sichem khetne, ninna lauter, hoi an o baro sorelo kheer djiwan. Khetne djan le glan o foro Sichem pash ko baro ruk, hoi pash o baro bar tardo hi. Kote tchiwan le o Abimeleches pral pende, te well lo lengro baro rai.

Čačepangre 9:6 Iomraidhean Croise

2. Samuel 5:9

Yaake djivas o David an kava zorelo kheer oun das les ko lab Davideskro foro. Oun yob kras boudeder khera oun kras o foro bourhleder kotar, kay o Millo his bis mashkral an o foro.

1. Rajengro liil 12:1

O Yerobeam, koleskro dad o Nebat his, his an o them Egiptia, kote nashas yob glan o rayeste Salomo. An ko tsiro djas o Roboam an o foro Sichem. Oun i tsele Israelitarya van kote ninna khetne, te čivenn le les pral pende, te vell lo lengro ray. Har kova o Yerobeam shounas, vas lo palpale dran o them Egiptia.

1. Rajengro liil 12:20

Oun har i menshe an Israel shounan, kay o Yerobeam pale pale vas, bičran le morshen pash leste, oun moukan leske te penell, te vell lo ap i tsillo. Oun kote čivan le les pral pende, te vell lo lengro ray, o ray pral Israel. Kokres i menshe dran o kheer Youda rikran ap o Davideskre čavende.

1. Rajengro liil 12:25

Oun o Yerobeam čivas o foro Sichem pale pre ap i berge Efrayim oun djivas kote. Palle djas lo kotar vin oun kras o foro Penouel zorleder.

2. Rajengro liil 12:20

Ko tselo vavar koova, hoy pral o Yoash penepaske hi, oun halauter, hoy lo kras, kova hi činlo an i familyakro liil i bare rayendar pral o them Youda.

Josua 24:26

Oun o Yosua činas kal tsele laba an o liil, hoy sikrell o Debleskro drom. Oun yob las i baro bar oun čivas les koy tardo, tel ko baro rouk, hoy pash o baro Debleskro plarhteno kheer tardo his.

Čačepangre 9:5

Oun lentsa djas lo an peskro dadeskro kheer an o foro Ofra, oun das peskre phralen temerl. Kol efta-deesh morsh čaven leskro dadestar Gideon das lo ap yek baro bar temerl. Kokres o Yotam ačas pral, o terneder čavo o Gideonestar. Kova khatras pes.

Čačepangre 9:7

Har shounas o Yotam kova, djas lo pral pre ap i berga Garizim, oun das kotar tele ap lende gole, oun penas: Shounenn ap mande, morshale dran Sichem, te shounell ninna o Devel ap t'mende!