Čačepangre 8:21 - O Debleskro Lab 2024 (Sinte-Manouche)

²¹ Kote penas o Zeba oun o Zalmunna: “Ste tou pre oun kre kova kokres! Havo morsh yek hi, sikrell pes an leskri zoor.” Kote stas o Gideon pre, oun das o Zeba oun o Zalmunna temerl. Oun djas koy oun las kol sonakangre paash-čonna hoy lengre khamelenge troul lengre menya hi.

O Debleskro Drom 2021 (Sinte)

²¹ Kote penas o Sebach un o Zalmunna: “Ste tu pre un kre kowa kokres! Hawo mursh jek hi, sikrell pes an leskri soor.” Kote stas o Gideon pre, un das o Sebach un o Zalmunna temerl. Un djas koi un las kol sonakangre paash-tchonna hoi lengre khamelenge trul lengre menja hi.

Čačepangre 8:21 Iomraidhean Croise

Debleskri gili 83:1

I gili o Asafestar.

Debleskri gili 83:11

Kolla van moulo dino pash En-Dor, oun ačan koy čiddo, oun van čik.

Debleskri gili 83:12

Kre lengre pralstunenge har kral kol morshentsa o Oreb oun o Seeb. Ap lengre tsele rayende kre yaake har kral ap o Zeba oun o Zalmunna.

Jesaja 3:18

Ap ko tsiro lell o baro Devel i djouvyenge ko tselo kouč koova krik, koleha yon pen yaake shoukar krenn, kol verklia, hoy čivenn le troul pengre pire, pengre sherya, pengre menya,

Josua 10:26

Oun pal kova moukas o Yosua kol panč rayen moulo te dell, oun ap panč rouka pre te bladell. Oun yon ačan koy bis ap i rat.

Debleskro tsiro 9:6

Oun an ko tsiro kamenn i menshe te merell, oun nashte merenn gar. Lengro dji nashell pal o merepen, oun o merepen nashell lendar.

Čačepangre 15:12

Yon penan ap leste: “Mer ham kay, te pandas tout, oun te das tout an i vasta i Filistarendar.” Oun o Simson penas ap lende: “Denn t'men sovel, te perenn gar t'mer pral mande oun denn man temerl.”

Čačepangre 8:20

Oun yob penas ap o Yeter, leskro phoureder čaveste: “Ste pre! Oun de len temerl!” Ko čavo las peskro rharo gar glan. Yob daras, fothe terno his lo.

Čačepangre 8:22

Oun i morsha dran o Israel, penan ap o Gideon: “Ab tou maro ray! Tou oun tire čave oun kolengre čave venn ray pral mende! Tou lal men dran i vasta kolendar dran o them Midian vin.”

Čačepangre 8:26

Oun kol sonakangre kanengre, hoy dan le o Gideoneske, his yaake biish kilogramme phares. Oun kote his ko tselo vavar koova gar pashel: kol tikne paash-čonna, kol kanengre oun kol kouč lole ripya, hoy i bare raya dran o them Midian hidjran. Vitar gar i verklia, hoy i khamele troul pengre menya hidjran, his kote pashel.

Čačepangre 9:54

Koy das lo sik gole ap peskro boudepaskro, kay leske o rharo hidjrell, oun penas ap leste: “Le tiro rharo, oun de man temerl, te penell kek mandar: I djouvel das les temerl.” Oun leskro boudepaskro das les tele čourye, yaake te meras lo.

1. Samuel 31:3

Oun o marepen troul o Saul vas zorleder oun zorleder. Oun i kourepangre, kay denn i faylentsa karye, hatsan les oun doukran les phares.

1. Samuel 31:5

Oun har ko hidjepaskro lourdo dikas, te hi o Saul moulo, moukas yob pes ninna an peskro rharo te perell oun meras o Sauleha.