Čačepangre 8:10 - O Debleskro Lab 2024 (Sinte-Manouche)

¹⁰ Oun o Zeba oun o Zalmunna his an o them Karkor. Oun 15.000 (deesh-te-panč-zerya) lourde his pash lende, lauter kolla, kay pral ačan kol tsele lourdendar, kay dran o them van, kay o kham pre djal. Kol vavar morsha, kay nay kouran pen o rhareha, van temerl dino. Kolla his 120.000 (sheel-te-biish-zerya) morsha.

O Debleskro Drom 2021 (Sinte)

¹⁰ Un o Sebach un o Zalmunna his an o them Karkor. Un 15.000 (deesh-te-pantch-serja) lurde his pash lende, lauter kolla, kai pral atchan kol tsele lurdendar, kai dran o them wan, kai o kham pre djal. Kol wawar mursha, kai nai kuran pen o chareha, wan temerl dino. Kolla his 120.000 (sheel-te-biish-serja) mursha.

Čačepangre 8:10 Iomraidhean Croise

2. Rajengro liil 3:26

Har ko baro ray pral kol Moabarya dikas, kay nashrell lo o kourepen, las yob 700 (efta-sheel) lourden peha, kay kourenn pen nay o rhareha, oun kamas lentsa te nashell kote, kay o baro ray pral Edom peskre lourdentsa tardo hi. Kova djas lenge gar.

2. Familjakro liil 13:17

Yaake vas, kay o Abiya oun leskre lourde kol vavaren zoreles dan. Lendar ačan 500.000 (panč-sheel-zerya) vi-rodede lourde moules čiddo.

2. Familjakro liil 28:6

O Israelengro baro ray – leskro lab his Peka, leskro dad his o Remalya – yob peskre lourdentsa maras ap yek dives 120.000 (sheel-te-biish-zerya) kourepangre an o them Youda. Kova his i phagi doleske, kay moukan yon o baro Debles, ko Devel lengre phourendar.

2. Familjakro liil 28:8

Oun kol lourde dran o them Israel lan pengre phralendar dran o them Youda 200.000 (douy-sheel-zerya) djouvya, čave oun ča pandles pentsa. Koy pashel lan le boud kouč koova lendar, oun anan len an o foro Samaria.

Jesaja 37:36

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Jesaja 9:4

I lourdengre kirrha, kolentsa i lourde phares pre stakran oun lengre baya, kay rat ap lende hi, venn an i yag vitsedo oun rhačrenn pre.

Čačepangre 20:15

Oun yaake van ap ko dives 26.000 (biish-te-shob-zerya) Benyaminarya khetne, kay nay kourenn o rhareha. Koy pashel van i morsha dran o foro Gibea. Kolla his 700 (efta-sheel) čače kourepangre.

Čačepangre 20:17

Oun i morsha dran Israel his 400.000 (star-sheel zerya) lourde, kay nay kourenn o rhareha, lauter čače kourepangre. I Benyaminarya his koy gar pashel.

Čačepangre 20:2

400.000 (star-sheel zerya) morsha dran kol deesh-te-douy bare familye, kay venn o Yakobeskre čavendar, van khetne oun kran i tsillo o Debleskre menshendar. Kolla lauter his lourde, kay nay kourenn pen i rhareha.

Čačepangre 20:25

djan kolla ninna ko dives pale dran o foro Gibea vin oun dan 18.000 (deesh-te-orhta-zerya) morshen dran Israel moulo. Oun kolla his lauter morsha, kay nay kouran o rhareha.

Čačepangre 20:35

Oun o baro Devel vas i morshenge dran Israel ap i rig, yaake te maran le kava dives 25.100 (biish-te-panč-zerya-yek-sheel) Benyaminaryen.

Čačepangre 20:46

Oun yaake meran ap ko dives 25.000 (biish-te-panč-zerya) Benyaminarya, kay nay kouran i rhareha, lauter čače kourepangre.

Čačepangre 7:12

Oun i Midianarya oun i Amalekarya oun lauter, kay van kotar, kay o kham pre djal, his kote čiddo an o telstouno them oun čakran o them har i stepangre. Yaake boud his le. Oun lengre khamele his yaake boud, te djinas kek, har boud yon hi. Kolla his yaake boud har i santa pash o baro pani.

Čačepangre 7:13

Oun har o Gideon koy tele vas, penas yek morsh peskro maleske peskri souni. Oun yob penas: “Shoun, man his i souni: I maro dran djob peras i berga tele pash i platsa, kay i Midianarya hi. Oun o maro vas pash o plarhteno kheer, oun das les trouyel, yaake te peras lo khetne. Oun o pralstouno kotar vas tella, oun o telstouno kotar vas pral.”

Čačepangre 7:22

Oun har kol triin sheel morsha an pengre phourdepangre phourdan, kras o baro Devel, te kouras pes ap i platsa hakeno hakeneha. Oun yon lauter nashan bis pash o foro Bet-Shitta ap o drom pash o foro Zereda, oun ninna bis pash o foro Abel-Mehola pash o foro Tabbat.

Čačepangre 8:11

Oun o Gideon djas ko drom, kay kolla djan, kay an plarhtene khera djivenn. Ko drom djal pash i forya Noba oun Yogboha, ap koy rig, kay o kham pre djala. Oun yob peras pral i lourdende dran Midian kote, kay yon beshde hi, an ko tsiro, kay daran le gar, te merenn le.