Čačepangre 7:3 - O Debleskro Lab 2024 (Sinte-Manouche)

³ Oun kanna de gole glan i kanda i tsele lourdendar: Kones daar hi, kova djal i berga Gilead tele oun djal khere!” Kova kras o Gideon. Oun 22.000 (biish-te-douy-zerya) morsha djan khere. Oun 10.000 (deesh-zerya) morsha ačan pash o Gideon.

O Debleskro Drom 2021 (Sinte)

³ Un kanna de gole glan i kanda i tsele lurdendar: ‘Kones daar hi, kowa djal i berga Gilead tele un djal khere!’” Kowa kras o Gideon. Un 22.000 (biish-te-dui-serja) mursha djan khere. Un 10.000 (deesh-serja) mursha atchan pash o Gideon.

Čačepangre 7:3 Iomraidhean Croise

Mateo 13:21

oun bistrenn les ninna pale sik. Yon moukenn les gar an pengro dji zoreles te vell. Te vell i pharo tsiro ap lende, oun yon venn mange palla lino, palle vitsrenn le pengro patsepen ap i rig.

Mateo 20:16

Oun o Yezous penas doureder: “Dikenn, yaake venn boud palla tardo, kay kanna glan tardo hi. Ninna venn boud glan tardo, kay kanna palla tardo hi.”

5. Mose 20:8

Oun i pralstoune hounte poučenn i morshendar pale: Hi mank t'mende yek, koles daar hi, oun koleskro dji trissella? Kova hounte djal pale an peskro kheer, te krell lo gar i djia peskre phralendar darenes.

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Debleskro tsiro 21:8

Kol vavar djan an i bari yag, hoy zoreles rhačella oun khandella. Kote merenn le o douyto kopo. Yon hi kolla, kay i daryatar gar mantsa djan, kolla, kay phoukran ap pengro patsepen, kolla, kay djoungelo koova kran, kolla, kay maran vavaren, kolla, kay loubran pen trouyel, kolla, kay bengeskro koova kran, kolla, kay mangan vavar koova an har o Debles, oun i tsele rhorhene.

Čačepangre 6:35

Oun yob bičras morshen an o tselo them Manasse, oun moukas lenge te penell, te venn le leske palla. Ninna bičras lo morshen an o them Asser oun Zabulon oun Naftali. Oun kolla lauter van pash leste.