Čačepangre 7:11 - O Debleskro Lab 2024 (Sinte-Manouche)

¹¹ Oun kote shouneh tou, hoy yon rakrenn. Oun te shounal tou kova, palle venn tire vasta zoreles, yaake te nay djah tou tire lourdentsa tele, te kourenn le pen lentsa.” Oun o Gideon oun leskro boudepaskro, o Poura, djan tele kote, kay kol lourde hi, kay yak denn.

O Debleskro Drom 2021 (Sinte)

¹¹ Un kote shuneh tu, hoi jon rakrenn. Un te shunal tu kowa, palle wenn tire wasta soreles, jaake te nai djah tu tire lurdentsa tele, te kurenn le pen lentsa.” Un o Gideon un leskro budepaskro, o Pura, djan tele kote, kai kol lurde hi, kai jak denn.

Čačepangre 7:11 Iomraidhean Croise

1. Mose 24:14

Me te penau ap yekate: De man dran tiro khoro te piyell! Oun yoy penella ap mande: Pi! Oun yoy della ninna i khamelen te piyell, palle hi li koya, kay tou o Isaakeske vi-rodal. Ap kova dikau me, kay hal miro rayeske lačo.”

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Nehemia 6:9

Yon lauter kaman menge daar te krell, te boudras gar doureder, te vell i massouri gar kerdo. Doleske krom mire vasta zorleder.

2. Mose 13:18

Doleske moukas lo len i baro drom troul o Filistarengro them te djal. Ko drom anas len an o moulo tato them pash ko baro pani, hoy kharella Baro Lolo Pani. Oun i Israelitarya djan penge dran o them Egiptia yaake har te djan le an o kourepen.

Efesarja 3:16

Oun leskri zoor hi bari. Doleske mangau lestar, te krell leskro Dourho t'mare djia zoreles.

Efesarja 6:10

Ninna kamau t'menge te penell: Avenn zoreles an o patsepen ap o rayeste, o Yezouseste! Les hi i bari zoor t'menge.

Filiparja 4:13

O Yezous Kristo dell man i zoor, te djivap yaake te yaake.

Čačepangre 7:10

Oun te dareh tou tele te djal, palle le tiro boudepaskres, o Poura, peha, te djal lo touha tele.

1. Samuel 14:12

Oun yon dan gole ap kol douyende oun penan: “Avenn kate pash mende pre, palle sikras les mer t'mende!” Kote penas o Yonatan ap ko terno morsheste: “Dja pal mande! O baro Devel das len an o Israelengre vasta.”

1. Samuel 23:16

Kote kras pes o Sauleskro čavo, o Yonatan, ap o drom, oun djas pash o David pre an Horesha, oun kras leskro dji zorelo an o patsepen ap o Debleste.

1. Samuel 26:6

O David penas ap o Ahimelek, ko Hetari, oun ap o Abishay, koleskri day i Serouya hi, oun koleskro phraal o Yoab hi: “Koon kamell mantsa tele ap i platsa pash o Saul te djal?” Oun o Abishay penas: “Me djau touha tele!”