Čačepangre 7:1 - O Debleskro Lab 2024 (Sinte-Manouche)

¹ Oun sik taysarlakro djas o Gideon, kay kharell ninna Yeroub-Baal, peskre tsele lourdentsa, hoy pash leste hi, pash o pani, hoy kharella Harod. Oun kote čivan le pengre plarhtene khera pre. Yaake his i lourde dran o them Midian serves lendar pash koy tikni berga More an o telstouno them.

O Debleskro Drom 2021 (Sinte)

¹ Un sik taissarlakro djas o Gideon, kai kharell ninna Jerub-Baal, peskre tsele lurdentsa, hoi pash leste hi, pash o pani, hoi kharella Harod. Un kote tchiwan le pengre plachtene khera pre. Jaake his i lurde dran o them Midian serwes lendar pash koi tikni berga More an o telstuno them.

Čačepangre 7:1 Iomraidhean Croise

1. Mose 12:6

Oun yob djas doureder an o them oun vas an o foro Sichem pash ko baro rouk More. An ko tsiro djivan i Kanaanitarya an ko them.

1. Mose 22:3

Koy stas o Abraham sik taysarlakro pre, kras kasht tikno rhačepaske, čivas ko kasht ap peskri bourika oun las douy boudepangre oun peskro čaves Isaak peha, oun djas kote, kay o Devel leske penas.

2. Samuel 23:25

O Shamma oun o Elika dran Harod.

Debleskri gili 83:9

Ninna o Assour čivas pes ap lengri rig. Yon van yek moussi i menshentsa, kay venna pal o Lot.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

5. Mose 11:30

Kolla hi kol douy berge ap i vavar rig o panyestar Yordan pash ko drom, hoy djal kote, kay o kham tele djal, an o telstouno them, kay o Yordan nashell oun kay i Kanaanitarya djivenn. Kol berge hi gar dour kol bare roukendar pash Gilgal.

Josua 3:1

Oun o vavar dives stas o Yosua oun i tsele Israelitarya sik pre, moukan i platsa Shittim pal pende, djan doureder oun van pash o pani Yordan. Kote ačan le i tikno tsiro, bis te nay djan le vergel.

Josua 6:12

Oun sik taysarlakro stas o Yosua pre oun i rashaya hidjran pale o morhton, kay o baro Debleskre deesh laba dren his.

Čačepangre 6:32

Ap ko dives dan le o Gideones o lab Yeroub-Baal. Kova kharella: “Te kourell pes o Baal leha!” O Gideon das leskri rhačepaskri paash.

Čačepangre 6:33

Oun i tsele Midianarya oun i tsele Amalekarya oun kolla, kay van kotar, kay o kham pre djala, van khetne oun djan vergel o pani Yordan oun čivan pengre plarhtene khera pre an o telstouno them Yesreel.

Čačepangre 6:40

Oun o Devel kras an koy rat yaake, te vas kek pani ap o bakrengro bal, oun i tseli phoub trouyel his sapeno.

Čačepangre 8:29

Oun o Gideon, kay kharas ninna Yeroub-Baal, koleskro dad o Yoash his, djas pale an peskro kheer oun djivas kote o tselo tsiro.

1. Samuel 12:11

Kote bičras o baro Devel o Yeroub-Baal, o Bedan, o Yefta oun o Samuel, oun las t'men vin dran i vasta kolendar, kay t'men tele rikran, yaake te nay djivan kek daryah.

1. Samuel 29:1

I Filistarya lan pengre lourden khetne pash o foro Afek. Oun o Israelengre lourde čivan pengre plarhtene khera pre pash o tikno lengsto pani glan o foro Yesreel.