Čačepangre 6:16 - O Debleskro Lab 2024 (Sinte-Manouche)

¹⁶ Kote penas o baro Devel ap leste: “Me djau touha, oun tou mareh i Midianarya, har te vans le yek morsh.”

O Debleskro Drom 2021 (Sinte)

¹⁶ Kote penas o baro Dewel ap leste: “Me djau tuha, un tu mareh i Midianarja, har te wans le jek mursh.”

Čačepangre 6:16 Iomraidhean Croise

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Markus 16:20

Oun yon djan, te penenn le i menshenge o lačo lab o Yezous Kristestar an hake gaba oun forya. Oun o ray Yezous his pash lende peskri zoryah, oun kras baro koova, kay nay krell kek mensho. Oun yaake dikan i menshe, kay leskro lab čačo hi.

Bičepangre 11:21

Oun o rayeskri zoor his lentsa. Oun boud kolendar, kay kek bibolde hi, van patslo, oun van ap o Yezouseskro drom.

5. Mose 20:1

Te djan t'mer vin an o kourepen, te kourenn t'men kolentsa, kay kamenn t'men gar an o them, oun t'mer dikenn lengre graya oun kourepaskre vourdya oun lengre lourden, kay hi boud boudeder har t'mer, palle ma darenn lendar! T'maro baro Devel hi t'mentsa, kova kay t'men dran o them Egiptia vin anas.

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

Josua 10:8

Oun o baro Devel penas ap o Yosua: “Ma traash lendar! An tiro vast dom me len. Kek morsh lendar nay ačell glan toute tardo.”

Čačepangre 2:18

Oun te moukas o baro Devel lenge čačepangre morshen pre te stell, palle his yob ko čačepaskro morsheha, oun las len vin dran i čilače vasta. Les khaytas lengro ropen pral kolende, kay lenge o djipen phares kran. Yaake rah har ko čačepaskro ray djivas, shounan le ap o baro Debleste.

Čačepangre 6:12

Kote sikras pes ko baro Debleskro bolepaskro leske, oun penas ap leste: “O baro Devel hi touha, tou čačo morsh oun kourepaskro!”

Čačepangre 6:36

Oun o Gideon penas ap o Debleste: “Tou te rodal man vin, te lap o Israel vin dran i čilače vasta, yaake har tou mange penal, palle sike les mande!

Ruth 2:4

Pal i tsiro vas o Boas dran o foro Betlehem oun penas ap peskre boudepangre, kay o djob činenn: “O baro Devel vell t'mentsa!” Oun yon penan ap leste: “O baro Devel dell tout peskri barht!”