Čačepangre 5:6 - O Debleskro Lab 2024 (Sinte-Manouche)

⁶ An ko tsiro, har o Shamgar djivas, koleskro dad o Anat hi, ninna an ko tsiro, har i Yael djivas, his kek mensho ap i dromma, oun kolla, kay ap kol bare dromma vin djans, hounte djans čorrhanes, ap tikne khatemen dromma.

O Debleskro Drom 2021 (Sinte)

⁶ An ko tsiro, har o Shamgar djiwas, koleskro dad o Anat hi, ninna an ko tsiro, har i Jael djiwas, his kek mensho ap i dromma, un kolla, kai ap kol bare dromma win djans, hunte djans tchorchanes, ap tikne khatemen dromma.

Čačepangre 5:6 Iomraidhean Croise

2. Familjakro liil 15:5

An kol tsirya djivan i menshe gar an o lačepen khetne an kal themma. Yaake hounte darell hakeno peskro djipaske, kay djas ap o drom.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Jesaja 33:8

I dromma hi vi-meredo, oun kek djal bouder gar koy. Kolla, kay vin kran, te rikrenn le khetne, rikrenn gar pengro lab. Oun ap kolende, kay koy pashel his, har kova vin kerdo vas, vell gar shounlo. I menshengro djipen hi lenge či moldo.

Jeremia 6:25

Ma djan ap t'maro kotar them, kharell yek ap o vavareste! Ma nashenn ap i drom! I lourde venna haki rigyatar oun marenn hakenes pengre rharentsa.

Ropaskre gilja 1:4

I dromma pash i berga Sion hi mouklo. Kek vell an o foro an kol bare divessa. I tsele foreskre voudya hi pre, i rashayenge hi ropaske, i terne ča rovenna. Har pharo hi kova lauter o foreske!

Ropaskre gilja 4:18

Yon lan men palla, te nay nasham bouder gar ap mare dromma. Mentsa hi trouyel. Mer ham nashedo. Maro djipen hi trouyel.

3. Mose 26:22

Divye firhe bičrau mank t'mende, te rhan le t'mare čaven oun firhen, oun marenn yaake boud t'mendar, te venn t'mare dromma mouklo.

Micha 3:12

Doleske vell o Debleskro foro trouyel vitsedo har i harhetikri phoub. Oun an o foro Yerusalem ačell kek bar ap o vavar. Ap i berga, kay o Debleskro kheer tardo hi, venn divye bourra baro. Kova lauter vell yaake dran t'mari doosh.

Čačepangre 3:31

Oun pal leste vas o Shamgar o čačepaskro morsh. Koleskro dad his o Anat. Oun o Shamgar das 600 (shob-sheel) Filistaryen moulo savo kashteha, koleha yek i groumyen tradell. Oun ninna yob las i Israelitaryen vin dran o vast kolendar, kay lenge o djipen phares kran.

Čačepangre 5:7

Kek gole vas shounlo an i gaba an o Israel. Palle stas i Debora pre, i day an o Israel.