Čačepangre 4:6 - O Debleskro Lab 2024 (Sinte-Manouche)

⁶ Vas i dives, kay moukas li i morshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Oun yoy penas ap leste: “O baro Devel, kay o Devel pral o Israel hi, yob penell touke: Le touke deesh-zerya morsha dran i khera Naftali oun Zabulon oun dja lentsa ap i berga Tabor!

O Debleskro Drom 2021 (Sinte)

⁶ Was i diwes, kai mukas li i murshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Un joi penas ap leste: “O baro Dewel, kai o Dewel pral o Israel hi, job penell tuke: ‘Le tuke deesh-serja mursha dran i khera Naftali un Sebulon un dja lentsa ap i berga Tabor!

Čačepangre 4:6 Iomraidhean Croise

Debleskri gili 7:6

palle mou lenn man palla kolla, kay hi rhoyede ap mande! Mou taprenn le man, oun vitsrenn man ap i phoub, oun moukenn le man an i čik čiddo!

Debleskri gili 89:12

O bolepen, tiro hi lo, oun i phoub, tiri hi li, oun tou kral lauter, hoy dren hi.

Debleskri gili 89:13

Ko them, kay o kham gar tardo hi, tou kral les. Ninna ko them, kay o kham pral tardo hi, tou kral les. Koy berga Tabor oun i berga Hermon sharenn tout i barhtyatar.

Jeremia 46:18

Me dau man sovel pash miro djipen, penell o baro ray, koleskro lab hi o baro Devel, o ray pral o bolepen oun i phoub’: I baro ray vella, kay hi bareder har i tsele vavar, yaake har i berga Tabor bareder hi har i berga troul late, oun har i berga Karmel hadell pes pash o baro pani.

Hosea 5:1

T'mer rashaya, shounenn kova! Oun denn garda, t'mer dran o kheer Israel! Ninna t'mer dran o baro rayeskro kheer, shounenn kal laba! T'mer hounte dans yak, te vell o čačepen kerdo. Oun t'mer anan i menshen yaake dour, te mangenn le rhorhene deblen an. Lenge van t'mer har pandle dorya, hoy yek vin čivas an o foro Mispa, oun har i netsa, koleha yek čirklen taprell ap i berga Tabor.

Bičepangre 13:47

Kova penas menge o Devel: Me krom, te venn t'mer i momeli kol menshenge, kay hi gar bibolde. Penenn lenge, te lau me len dran o čilačepen oun dran o merepen vin!”

Hebrearja 11:32

Hoy te penap t'menge boudeder? Yaake boud tsiro hi man gar, te rakrap kol morshendar Gideon, Barak, Simson, Yefta, David, Samuel oun kolendar, kay his o Debleskre rakepangre.

Josua 1:9

Penau touke pale: Ab zoreles! Oun ma traash gar! Ma dare či! Oun ma traash kekestar! O baro Devel hi tiro Devel oun hi touha, kay tou ninna djah.”

Josua 19:22

Oun o them Issakar djas bis pash i berga Tabor oun pash kol forya Shassayim oun Bet-Shemesh oun doureder bis pash o pani Yordan. Khetne his an kava them 16 (deesh-te-shob) forya oun lengre gaba.

Josua 19:32

Oun i barra van o shobto kopo vitsedo, oun yon peran ap o kheer Naftali oun leskre familye.

Josua 19:35

Oun an o them Naftali his kal zorele forya: Siddim, Zer, Hammat, Rakkat, Génésareth,

Josua 19:37

Kedesh, Edrei, En-Hazor,

Josua 21:32

Oun an o them Naftali lan le triin forya, Kedesh an o them Galilea, kay ninna i foro hi, kay kolla nay nashenn, kay yekes temerl dan, oun koy phoub troul o foro, kay i firhe nay rhan; Hammot-Dor oun koy phoub troul o foro, kay i firhe nay rhan; Kartan oun koy phoub troul o foro, kay i firhe nay rhan.

Čačepangre 4:10

Oun o Barak das i morshen gole dran i khera Zabulon oun Naftali, te venn le an o foro Kedesh khetne. Oun 10.000 (deesh-zerya) morsha djan leske palla. Oun ninna i Debora djas leha.

Čačepangre 5:1

Ap ko tsiro givas i Debora kay gili khetne o Barakeha, koleskro dad o Abinoam his.

Čačepangre 6:35

Oun yob bičras morshen an o tselo them Manasse, oun moukas lenge te penell, te venn le leske palla. Ninna bičras lo morshen an o them Asser oun Zabulon oun Naftali. Oun kolla lauter van pash leste.

Čačepangre 8:18

Oun yob rakras ap o Zeba oun o Zalmunna oun poučas lendar: “Har dikan kol morsha vin, kolen t'mer ap i berga Tabor temerl dan?” Oun yon penan: “Yaake har tou hal, yaake his yon ninna, hakeno lendar his har i rayeskro čavo.”

1. Samuel 10:3

Te djah tou kotar doureder, palle veh pash ko baro rouk Tabor. Kote venn triin morsha, kay ap o drom hi, te djan le pre an Betel, te mangenn le o Debles an. Ko yek hidjrella triin terne bouzya, ko vavar triin mare, oun ko triinto hidjrella yek molyakro gono.

1. Samuel 12:11

Kote bičras o baro Devel o Yeroub-Baal, o Bedan, o Yefta oun o Samuel, oun las t'men vin dran i vasta kolendar, kay t'men tele rikran, yaake te nay djivan kek daryah.