Čačepangre 4:3 - O Debleskro Lab 2024 (Sinte-Manouche)

³ O baro rayes Yabin his 900 (enya-sheel) sasterne vourdya o kourepaske. Oun yob kras i Israelenge i pharo djipen biish bersha. Doleske dan le bari gole ap o baro Debleste.

O Debleskro Drom 2021 (Sinte)

³ O baro rajes Jabin his 900 (enja-sheel) sasterne wurdja o kurepaske. Un job kras i Israelenge i pharo djipen biish bersha. Doleske dan le bari gole ap o baro Debleste.

Čačepangre 4:3 Iomraidhean Croise

Debleskri gili 106:42

Oun kolla, kay lenge čilačepen kaman, rikran len tikno, oun zoreles his lengro vast ap lende čiddo.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 78:34

Te anas lo o merepen pral lende, rodan le o Debles, oun poučan pale pal leste.

2. Mose 2:23

Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

5. Mose 28:29

Ap o dives, kay o kham pralstounes tardo hi, rikrenn t'mer t'mare vasta glan t'mende, te rodenn t'maro drom, har korele, kolenge hako tsiro har i rati hi. T'men vell kek barht an t'maro djipen. Vavar menshe djan zoryah ap t'mende pre oun čorenn t'men pale te pale vin. Oun kek vell ap t'mari rig.

5. Mose 28:33

Lauter, hoy ap tiri harhetikri phoub baro vas, koleske tou phares boudral, rhan save menshe, kay venn dran i dour them. Oun tou veh zoryah tele rikedo, oun hounte boudress tel douka tiro tselo djipen.

Josua 17:16

I morsha dran o kheer Yosef penan: “I berge hi gar bares doha menge. Oun kol Kanaanitarya, kay djivenn tele an o telstouno them, an o foro Bet-Shean oun an kol gaba trouyel, ninna an o telstouno them Yesreel, len hi sasterne kourepangre vourdya.”

Čačepangre 1:19

O baro Devel his i morshentsa dran Youda. Doleske las o Youda o pralstouno them dren. Kolla, kay an o telstouno them djivan, len his sasterne vourdya o kourepaske. Doleske nay tradan le len gar vin.

Čačepangre 10:10

Oun kote dan i Israelitarya ap o baro Debleste gole oun penan: “Mer kram čilačepen ap toute, te moukam tout, maro Debles, oun mangam o debles Baal an.”

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”

Čačepangre 3:15

Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Oun kova his o Ehoud, leskro dad his o Gera, i Benyaminari. O Ehoud his i morsh, kay i servo vasteskro hi. Oun i Israelitarya bičran les, te anell yob lengre love o baro rayeske pral o them Moab, kol love, hoy yon hounte leske dan.

Čačepangre 3:9

Koy dan le ap o baro Debleste gole, te lell yob len dran koleskre vasta vin. Oun o baro Devel moukas i morshes pre te stell, kay lenge ap i rig vas. Kova his o Otniel, koleskro dad o Kenas his. Koleskro phoureder phraal his o Kaleb.

Čačepangre 4:13

Kote moukas o Sisera peskre tsele vourdya khetne gole te dell, 900 (enya-sheel) sasterne vourdya o kourepaske, oun peskre tsele lourden, hoy pash leste hi, oun djas lentsa dran o foro Haroshet-Goyim pash ko tikno pani, hoy kharella Kishon.

Čačepangre 4:4

An ko tsiro his i čačepaskri djouvel an o them Israel. Koya his i Debleskri rakepaskretsa. Lakro lab his Debora. Lakro rom his o Lappidot.

Čačepangre 5:8

Mire menshe rodan penge vavar debla! Kote vas o kourepen glan lengre voudya. Oun pash 40.000 (star-deesh-zerya) morsha an Israel vas kek rharo hatslo, vitar kek shilto.

Čačepangre 6:6

Oun yaake anan i Midianarya o Israel an o čorvlepen. Oun i Israelitarya dan gole ap o baro Debleste, oun mangan les, te vell lo ap lengri rig.

1. Samuel 7:8

Oun yon penan ap o Samuel: “Mouk gar tele, te mangess menge maro baro Deblestar, te lell lo men vin dran i vasta kol Filistarendar.”